Кыргызстанда сасык тумоодон 12 киши реанимацияда жатат

© Sputnik / Алексей Куденко / Медиабанкка өтүүДети, заболевшие гриппом, во время лечения в домашних условиях
Дети, заболевшие гриппом, во время лечения в домашних условиях - Sputnik Кыргызстан
Жазылуу
Республикалык инфекциялык ооруканада 487 бейтап жатса, анын 299у сасык тумоого кабылгандар.

БИШКЕК, 5-дек. — Sputnik. Республикалык инфекциялык оорукананын реанимациясында сасык тумоо менен ооруган 12 киши реанимация бөлүмүндө жатат, анын 10у — балдар. Бул тууралуу Sputnik Кыргызстан агенттигине аталган медициналык мекеменин башкы дарыгери Гүлжигит Аалиев билдирди.

Ушу тапта оору менен кайрылгандардын саны күн сайын өсүүдө. Бишкектеги мектептердин баары жана аймактардагы 31 мектеп карантинге жабылды.

"Оорукананын реанимациясында сасык тумоого кабылган 12 кишинин 10у — балдар. Абалы оор. Келген элдин агымы азайган жок. Статистикага ылайык, жыл башынан бери былтыркы ушул маалга салыштырмалуу сасык тумоого кабылып кайрылгандардын саны 3,5 миң кишиге көп болду", — деди дарыгер.

Анын айтымында, учурда ооруканада 487 бейтап дарыланууда, анын 299у — сасык тумоого чалдыккандар. Бактыга жараша, оорудан каза болгондор жок.

Сасык тумоо менен ооруган учурда эмне кылуу керектигин Sputnik Кыргызстан агенттигинин материалынан окуңуздар>>

Жаңылыктар түрмөгү
0