ИИМ: Сузактагы аялын жана кайындарын өлтүргөн окуя балдарынын көз алдында болгон

Жазылуу
Туугандарынын айтымында, аялы күйөөсүнүн ортосунда буга чейин уруш-талаш болуп, ал тургай чоң чырга айланып кетчү. Күйөөсүнүн мүнөзү орой болгондуктан аялына кол көтөрчү. Айрым билдирүүлөр боюнча жубайы буга чейин укук коргоо органдарына кайрылган.

БИШКЕК, 8-дек. — Sputnik. Сузак районунун Беш-Мойнок айылында аялын жана кайындарын өлтүргөн окуяга балдары да күбө болгондугун ИИМдин маалымат кызматы билдирди. 

Жизнь и быт жителей Нарынской области - Sputnik Кыргызстан
Милиция Сузактагы бычакталган үй-бүлө боюнча окуянын чоо-жайын айтып берди
Буга чейин ИИМ Сузак районунун Барпы айыл аймагындагы Беш-Мойнок айылында үч киши бычакталып, аны жасады делген киши өзүнө бычак урганы жазылган. Тиешелүү бөлүм алардын артында мурда жазылгандай үч бала эмес, төрт кичинекей балдары калганын тактады. 

Бул трагедия боюнча Кылмыш кодексинин 97-беренеси (эки адамдан ашык адам өлтүрүү) менен кылмыш иши козголгон. Кылмышка шектүү делген 31 жаштагы адам Өзгөн районунун тургуну, Россиянын жараны экени такталган. 

ИИМ билдиргендей, бычак курман болгондордун баарынын көкүрөк тушуна урулган.

"Кылмыш болуп жатканда үйдө балдар болгондуктан, окуянын барына күбө болушкан. Туугандарынын айтымында, аялы күйөөсүнүн ортосунда буга чейин уруш талаш болуп, ал тургай чоң чырга айланып кетчү. Күйөөсүнүн мүнөзү орой болгондуктан аялына кол көтөрчү экен. Айрым билдирүүлөр боюнча аялы буга чейин укук коргоо органдарына кайрылган", — деп жазылат маалыматта. 

Иликтөө иштери менен учурда Сузак РИИБ тергөө бөлүмү иш алып барууда.

Жаңылыктар түрмөгү
0