БИШКЕК, 10-янв. — Sputnik. Баткен облусунун Сүлүктү шаарында өз алдынча көмүр казып иштеп жаткан 17 жаштагы баланын үстүнө таш кулап, жигит ошол жерден каза болгонун ӨКМ билдирди.
Маалыматка ылайык, кырсык 9-январь күнү саат 16.15тер чамасында болгон. Аталган кен "Белес-1" ишканасына таандык экени аныкталды.
Кендин кызматкерлери маркумдун сөөгүн уранды алдынан чыгарып, Тез жардам кызматына өткөрүп беришкен.
