Учак кырсыгы: Россияда иштеп жүргөн мигрант апасы, баласы, карындашынан ажырады

© Фото / очевидца, отправленное по Whats App-каналуКрушение самолета Boeing-747 недалеко от аэропорта "Манас"
Крушение самолета Boeing-747 недалеко от аэропорта Манас - Sputnik Кыргызстан
Жазылуу
Эртең менен Гонконг — Стамбул каттамы менен учкан MyCargo Airlines авиакомпаниясына таандык Boeing-747-400F учагы саат 7.30дар чамасында "Манас" аэропортуна жакын жердеги Дача-Суу айылына кулап түшкөн.

БИШКЕК, 16-янв. — Sputnik. "Манас" аэропортунан анча алыс эмес жердеги Дача-Суу айылына кулап түшкөн учак бир үй-бүлөнүн өмүрүн алганын Кудрет Тайчабаров Sputnik Кыргызстан агенттигине билдирди.

Крушение самолета Boeing-747 недалеко от аэропорта Манас - Sputnik Кыргызстан
Учак кырсыгынан жабыркагандардын аты-жөнү такталды
Эске салсак, эртең менен Гонконг — Стамбул каттамы менен учкан MyCargo Airlines авиакомпаниясына таандык Boeing-747-400F учагы саат 7.30дар чамасында "Манас" аэропортуна жакын жердеги Дача-Суу айылына кулап түшкөн. Анын кесепетинен отуздан ашык киши каза болуп, 20дан ашык үй бузулган.

Тайчабаровдун айтымында, кулаган учак анын тууганы Залкарбек Орозбаевдин үйүн фундаментинен бери бузуп кеткен. Кырсыктан үйдөгү беш киши тең каза болгон.

"Үйдөн эч нерсе калган эмес, учак келип түшкөндө үйдүн фундаментинен бери омуруп кетиптир. Тууганым Залкар баласын апасына таштап коюп келинчеги менен Москвада иштеп жүргөн. Атасы да ооруп жүрүп өтүп кеткен эле", — деди ал.

Бактыгүл Кубатова: үйүбүз түп-орду менен жок, кантип аман калганыбызды билбейм - Sputnik Кыргызстан
Жабырлануучу Кубатова: үйдүн үстү урай баштады, баламды чүмкөп калууга араң жетиштим
Тайчабаров кырсыктан Залкардын апасы, карындашы, таежеси, баласы каза болгонун кошумчалады. Ошондой эле тууганынын бир кичинекей баласы болгонун баса белгиледи.

"Карындашы турмушка чыгам деп даярданып жүргөн болчу. Шаардагы кафелердин биринде иштечү. Бир карындашы турмушка чыккан эле. Апасы болсо базарда соода кылчу. Ушул жерден жер үлүшү арзан экен деп алып, там салышкан", — деди ал.

Ошол жерде жоготуу болгондордун арасынан эң оору жоготуу Залкардыкы болгонун Тайчабаров айтып кейиди.

Учактын кулашынан улам 17-январь Кыргызстанда аза күтүү күнү деп жарыяланды.

Учактын кыйрашына байланыштуу бардык маалыматтардын топтомун бул жактан окуңуздар>>

Жаңылыктар түрмөгү
0