Сотрудники правоохранительный органов на месте обнаружения трупа 69-летней жительницы города Майлуу-Суу

Майлуу-Сууда бир ай мурун жоголгон кемпирдин сөөгү таанышынын үйүнөн табылды

10826
(жаңыланган 14:51 18.01.2017)
Маркумдун сөөгү жерде бир айдай жатып калган. Учурда Кылмыш жаза кодексинин 97-беренеси (адам өлтүрүү) боюнча кылмыш иши козголуп, шектүү убактылуу кармоочу жайга киргизилди.

БИШКЕК, 18-янв. — Sputnik. Майлуу-Сууда жоголуп кеткен 69 жаштагы аялдын денеси анын эски таанышынын үйүнөн табылганын шаардык ички иштер бөлүмүнүн башчысы Рустамбек Жумабаев аймактык кабарчыга билдирди. 

  • Майлуу-Сууда жоголуп кеткен 69 жаштагы аялдын денеси анын эски таанышынын үйүнөн табылды
    Майлуу-Сууда жоголуп кеткен 69 жаштагы аялдын денеси анын эски таанышынын үйүнөн табылды
    © Фото / Талгат Бакиев
  • Тамара Гузова аттуу аялдын денеси 17-январь күнү Түлөбердиев көчөсүнүн 50 жаштагы тургуну Ю.Казаков аттуу жарандын үйүнүн артынан табылган
    Тамара Гузова аттуу аялдын денеси 17-январь күнү Түлөбердиев көчөсүнүн 50 жаштагы тургуну Ю.Казаков аттуу жарандын үйүнүн артынан табылган
    © Фото / Талгат Бакиев
  • Учурда Кылмыш жаза кодексинин 97-беренеси (адам өлтүрүү) боюнча кылмыш иши козголуп, шектүү убактылуу кармоочу жайга киргизилди.
    Учурда Кылмыш жаза кодексинин 97-беренеси (адам өлтүрүү) боюнча кылмыш иши козголуп, шектүү убактылуу кармоочу жайга киргизилди.
    © Фото / Талгат Бакиев
1 / 3
© Фото / Талгат Бакиев
Майлуу-Сууда жоголуп кеткен 69 жаштагы аялдын денеси анын эски таанышынын үйүнөн табылды

Анын айтымына караганда, Тамара Гузова аттуу аялдын денеси 17-январь күнү Түлөбердиев көчөсүнүн 50 жаштагы тургуну Ю.Казаков аттуу жарандын үйүнүн артынан табылган. 

"Жашы 70ке таяп калган Гузова былтыркы жылдын декабрь айынан тарта жоголуп кеткен. Тынчсызданган кошуналары милицияга кабарлашкан. Быйылкы жылдын 5-январынан тарта иш каттоого алынып, тартип сакчылар издөө иштерин баштаган. Ыкчам маалыматтардын негизинде кылмышка шектүүнүн үйү текшерүүгө алынган. Натыйжада тамдын аркасында үйүлгөн бөтөлкөлөрдү алдырганда жер казылганы байкалды", — деди Жумабаев. 

Анын айтымында, 70 сантиметр тереңдиктен аялдын сөөгү табылган. 

"Маркумдун сөөгү жерде бир айдай жатып калган. Үй ээси өлүктү тапкандан кийин гана маркум менен тааныштык жайы бар экенин, сөз талашуудан улам чыр чыкканын айтып берди. Ал буга чейин Гузованын жоголгонуна тиешеси жок экенин айтып келген", — деди Жумабаев. 

Майлуу-Суу шаардык ички иштер бөлүмүнөн алынган маалыматка караганда, Тамара Гузова шаардын Ленин көчөсүндө жалгыз жашачу. Анын жалгыз кызы Россияда жашайт. 

Учурда Кылмыш жаза кодексинин 97-беренеси (адам өлтүрүү) боюнча кылмыш иши козголуп, шектүү убактылуу кармоочу жайга киргизилди. 

10826
Белгилер:
Майлуу-Суу, адам өлтүрүү, кылмыш, кемпир
Тема боюнча
Баяман Эркинбаевди өлтүргөн Батыровдун көзүн тазалоого шектелген жаран кармалды
Базар-Коргондо төрт жаштагы баласын өлтүргөн жаран 13 жылга кесилди

Алматыдагы каргашадан кийин Токаев мыйзамдарды түзөтүүнү тапшырды. Видео

5
Казакстандын президенти Касым-Жомарт Токаев Алматыдагы ок атуудан каза болгон беш адамдын окуясы тууралуу комментарий берди.

Анын билдирүүсү мамлекет башчынын маалымат кызматынын YouTube каналына жүктөлдү.

"Адамдардын өлтүрүлүшүн актоого болбойт. Цивилизациялуу коомдо бардык талаш, көйгөйлөр укуктук талаада гана чечилиши керек. Аны менен катар эмнеге мындай окуя болуп кеткенин тыкыр текшерүү шарт. Бул — трагедия", — деди мамлекет башчысы.

Президент кредит берүүчүлөр менен көйгөй жараткан карыздар адамдардын мамилеси, өзгөчө турак жай өтө талуу маселе экенин, муну юридикалык жактан жакшыртуу талап кылынарын белгилеген.

Мындан улам президент өкмөткө, Улуттук банкка, Финансы рыногун көзөмөлдөө жана жөнгө салуу агенттигине, финансылык уюмдарга бир айдын ичинде мыйзамдык, ченемдик өзгөртүүлөрдүн пакетин даярдоо тапшырмасын берди.

"Мындан тышкары, өкмөт менен Алматынын акимчилигине бул трагедиядан жабыркагандарга бүт жагынан колдоо көрсөтүүнү тапшырды. Биринчи кезекте балдарга жардам берүү шарт. Балдардын күнөөсү жок, алар жалпы кайдыгерликтин жана укуктук калпыстыктын курмандыгы болду. Биздин коомдо балдар адилеттүүлүккө ишенүү менен чоңоюшу маанилүү", — деди Токаев.

Каргашалуу окуя 20-сентябрь күнү кечки саат алтылар чамасында болгон. Акбулак кичи районунда жашаган тургунду соттун чечимин аткаруу үчүн үйүнөн чыгарганы келген сот аткаруучуларды үй ээси атып салган. Жеринде эки полиция кызматкери, бир сот аткаруучу жана эки жөнөкөй жаран каза болгон.

5
Белгилер:
Казакстан, Касым-Жомарт Токаев, трагедия, Алматы, атышуу
Тема боюнча
5 киши өлдү. Алматыда бүлөнү үйүнөн чыгарууга келген сот аткаруучуларга ок атылды
Алматыда үй ээси атып салган 5 киши: өлгөндөрдүн бири жаңы кожоюн болгон
Бала көтөргөн аял. Архив

Индиядагы кыргызстандык келиндин өлүмү боюнча ТИМ маалымат берди

181
(жаңыланган 23:29 22.09.2021)
Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

БИШКЕК, 22-сен. — Sputnik. Кыргызстандын Тышкы иштер министрлиги Индиянын Нью-Дели шаарында баласы менен чогуу киши колдуу болгон келиндин өлүмү тууралуу комментарий берди.

Буга чейин 28 жаштагы кыргызстандык кош бойлуу келин Нью-Дели шаарында бир жашар уулу менен чогуу өлтүрүлгөндүгү тууралуу маалымат тараган.

“Тергөөнүн маалыматы боюнча, келин курбусунун үйүндө 21-сентябрга караган түнү киши колдуу болгон. Тиешелүү экспертизалар жүргүзүлүп, полиция кылмыш ишин козгоду. Шектүүлөр суракка алынып, тергөө иштери жүрүп жатат”, — деп айтылат билдирүүдө.

Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

Элчилик бул ишти өз көзөмөлүнө алып, учурда сөөктөрдү Кыргызстанга алып келүү маселесинин үстүндө иштеп жатат.

181
Белгилер:
Индия, Кыргызстан, келин, бала, өлүм, ТИМ
Тема боюнча
Аялдын өлүмүнө себепчи болгон мотоциклдин айдоочусу үй камагына чыкты
Крандан суу алып жаткан кыз. Архив

30-сентябрда Бишкектин чок ортосунда бир күн бою суу токтотулат. Карта

0
Бир аптадан кийин суу тосмону оңдоо пландалууда. Бишкек шаарынын бийлиги бул ыңгайсыздык үчүн шаар тургундарынан кечирим сурайт.

БИШКЕК, 23-сен. — Sputnik. Бишкектин чок ортосунда 30-сентябрда эртең мененки саат 09:00дөн кечки саат 21:00гө чейин таза суу болбойт. Бул тууралуу мэриянын маалымат кызматы билдирди.

Суу "Тоголок Молдо" тосмосунда жүргүзүлүүчү оңдоо иштерине байланыштуу токтотулат.

Ошондой эле Панфилов, Фрунзе, Манас проспекти жана темир жол линиясы менен чектелген аймактарда дагы болбойт.

Шаар бийлиги убактылуу ыңгайсыздык үчүн кечирим сурап, аталган аймакта жашаган тургундарды жана мекеме-ишканаларды ичүүчү сууну камдап алууга чакырат.

0
Белгилер:
Бишкек, таза суу, өчүрүү, оңдоо, карта
Тема боюнча
Суук эрте түшөбү? Октябрь айына карата аба ырайы