Милиция менен уруша кеткен маршрутканын айдоочусу 3 күнгө камалды

© Sputnik / Алимджан ВалиевПерекрытие автомобилем перекрестка улиц Абдрахманова и Боконбаева
Перекрытие автомобилем перекрестка улиц Абдрахманова и Боконбаева - Sputnik Кыргызстан
Жазылуу
Айдоочу шаардагы Абдрахманов менен Бөкөнбаев көчөлөрүнүн кесилишине унаасын токтотуп, тыгын жараткан.

БИШКЕК, 22-янв. — Sputnik. Кайгуул милициясынын кызматкерлери менен уруша кеткен №169 маршрутканын айдоочусу үч күнгө камалды. Бул тууралуу Бишкек ШИИБдин Кайгуул милиция башкармалыгынын маалымат катчысы Таалайбек Бугубаев билдирди.

Бишкектик борборунда жулкулдашкан кайгуул милициясы менен айдоочу. Топтошкон эл - Sputnik Кыргызстан
Бишкектик борборунда жулкулдашкан кайгуул милициясы менен айдоочу. Топтошкон эл
Эскерте кетсек, кечээ аталган маршруттук таксинин айдоочусу унаасын жол ортосуна токтотуп, автотыгын жараткан. Кайгуул милициясы айдоочу протокол түзүүгө каршылык көрсөткөнүн билдирген. Ал эми айдоочу унаасы бузулуп калгандыктан жолго токтоого аргасыз болгонун айткан

Ортодо чыр чыгып, милиция кызматкерлери айдоочуну Биринчи Май РИИБине күчтөп алпарууга мажбур болушкан. Териштирүү иштерин жүргүзүү үчүн аталган бөлүмгө Кайгуул милициясынын жетекчиси да келген. Натыйжада айдоочу өз күнөөсүн мойнуна алган.

Бугубаев Биринчи Май райондук соту ишти карап, анын күнөөсүн мойнуна алгандыгын эске алуу менен үч күнгө камоо чечимин чыгаргандыгын кошумчалады.

Жаңылыктар түрмөгү
0