Аламүдүндө дүкөн ичинен үч эркек киши аялдарды сабап кеткени камерага түшүп калды

© © фото очевидца А. П., отправленное по Whats App-каналуРазбойное нападение на магазин в Аламедине
Разбойное нападение на магазин в Аламедине - Sputnik Кыргызстан
Жазылуу
Окуя былтыркы жылдын 22-декабрында болгон. Учурда кылмыш иши козголуп, тергөө амалдары жүрүп жатат.

БИШКЕК, 28-Янв. — Sputnik. Былтыркы жылдын декабрь айында Аламүдүн айылындагы дүкөндүн ичине кирип келген белгисиз адамдар үч аялды сабап, кассадагы 40 миң сомду алып кеткен. Бул тууралуу Sputnik Кыргызстан агенттигине таяк жеген аялдын таанышы айтып берди. Видеокамерадагы жазууга караганда окуя 22-декабрь күнү саат 22.19да Суворов көчөсүндө жайгашкан дүкөндө болгон. Маектештин айтымында, үч эркек киши акча алууга кирген аялдын артынан келип, дүкөнчүгө кошуп эки аялды ур-тепкиге алгандан кийин кассадагы акчаны алып чыгып кетишкен.

Жабырлануучулар ошол эле күнү милиция чакырганы менен каракчылар табылган эмес.

"Милицияга арыз жаздык. Келип, жерге түшкөн анча-мынча буюмдарды жыйнап алганы менен манжа издерин баары бир билинбейт деп алган жок. Бирок видеодо кылмышкерлердин колу эмнеге тийгенинин баары көрүнүп турат. Бир айдан бери эч нерседен дайын жок", — деди ал.

Маалымат берген киши аялдардын бири гана олуттуу жаракат алганын белгиледи.

Случаи разбойного нападения - Sputnik Кыргызстан
Таш менен башка чапты — дүкөндө сабалган аял окуянын чоо-жайын айтып берди
"Азыр абалдары жакшы. Тепкиге кабылган аялдын бети-башы көгөрүптүр, бирок ал башын жакшылап калкалаганы үчүн аман калган окшойт. Дагы биринин бетин канжалата коюптур, көгү азыркыга чейин кете элек", — деди ал.

Sputnik Кыргызстан агенттиги Чүй ОИИББ менен байланышкан учурда бул факт боюнча Аламүдүн РИИБи Кылмыш жаза кодексинин 168-беренеси (Каракчылык) менен кылмыш иши козголгонун айтышты. Маалыматка ылайык, учурда кылмышкерлер табыла элек, тергөө амалдары улантылууда.

Жаңылыктар түрмөгү
0