Опузалап 2 млн. сом талап кылуу: Ошто ок атуу менен коштолгон операциянын чоо-жайы

© Sputnik / Евгений Биятов / Медиабанкка өтүүКол кишенчен адамдын архивдик сүрөтү
Кол кишенчен адамдын архивдик сүрөтү - Sputnik Кыргызстан
Жазылуу
10-февралда милиция кызматкерлери опузалап акча талап кылууга шектелгендерди кармады. Колго түшүрүү учурунда эскертүү иретинде асманга ок атылган.

БИШКЕК, 15-фев. — Sputnik. Ички иштер министрлигинин маалымат кызматы атайын операциянын жыйынтыгында опузалап акча талап кылгандардын кармалышы боюнча маалымат таратты.

10-февралда милиция кызматкерлери опузалап акча талап кылууга шектелгендерди кармады. Колго түшүрүү учурунда эскертүү иретинде асманга ок атылган.

Бейтааныш киши Баткен облусунун тургунунан опузалап ири суммадагы акча талап кылып жатканы боюнча маалымат Уюшкан кылмыштуулукка каршы күрөшүү башкармалыгынын кызматкерлерине келип түшкөн. Текшерүү учурунда аныкталгандай бейтааныш кишилер түрдүү себептер менен 2,1 миллион сом талап кылышкан. Алар кылмыш жасап соттолгон кишинин атынан келгенин айтып, өлтүрөбүз деп коркуткан.

"Коркуткан кишилер келип жабырлануучуну күч менен машинага салып алып кетишкен. Акчанын жарымынын ордуна алар Mercedes-Benz S-Класс үлгүсүндөгү автоунааны алууга макул болушкан. Анын болжолдуу баасы 11 миң долларды түзөт", — деп айтылат маалыматта.

Кол кишенчен адамдын архивдик сүротү - Sputnik Кыргызстан
Бишкекте уюшкан кылмыштуу топтун 31 жаштагы мүчөсү кармалды
Алар машинаны алып кетүүгө камынып жаткан учурда милиция кызматкерлери атайын операция баштаган. Кармоо учурунда шектүүлөр каршылык көрсөтүп, окуя болгон жерден качып кетүүгө аракет кылышкан. Милиция кызматкерлери аскердик самбо ыкмасын колдонуп, эскертүү иретинде асманга ок чыгарышкан.

Аталган факты боюнча Кылмыш жаза кодексинин 170-беренесинин 2-бөлүмү ("опузалап акча талап кылуу") боюнча кылмыш иши козголду.

Кармалгандардын төртөөнүн ким экени аныкталып, үчөө Ош облусунун, бирөө Баткен облусунун тургуну болуп чыкты. Алардын бирөө экстремисттик агымдын мүчөсү катары ИИМдин тизмесинде турат. Калгандары криминалдык аракеттер менен шугулданары такталган.

Тергөө амалдары жүрүүдө.

Жаңылыктар түрмөгү
0