Темир жолду тазалап жаткан кызматкер. Архив

Кара-Балтада поезд менен жеңил автоунаа кагышып, бир аял каза болду

320
(жаңыланган 13:10 10.03.2017)
Кырсык кесепетинен 36 жаштагы аял көз жумду. Ал эми жаракат алгандар аймактык ооруканага жеткирилген.

БИШКЕК, 10-мар. — Sputnik. Беловодск – Кара-Балта темир жолунда поезд менен жеңил автоунаа кагышып, бир аял каза болгонун ИИМдин маалымат кызматы билдирди.

Маалыматка ылайык, кырсык 9-мартта саат 19:25тер чамасында болгон.

"Honda Accord атоунаасынын 25 жаштагы айдоочусу поезддин жакындаганы тууралуу белги берилгенине карабай темир жолдон өтүп кетүүгө аракет кылган. Машинист поездди токтотууга аракет кылган", — деп айтылат маалыматта.

Жеңил автоунаанын ичинде айдоочудан тышкары беш жүргүнчү болгон. Алардын экөө жашы жете элек балдар — 4 жаштагы бала жана жаңы төрөлгөн ымыркай болгон.

"Жол кырсыгынын кесепетинен 36 жаштагы аял каза болду. Жаракат алгандар аймактык ооруканага жеткирилген. Айдоочунун абалы башкаларга салыштырмалуу оор", — деп ИИМ билдирди.

Учурда окуянын чоо-жайы иликтенип, керектүү экспертизалар дайындалды.

320
Белгилер:
Беловодск, поезд
Тема:
Кыргызстанда 2017-жылдын башынан берки жол кырсыктары (512)
Тема боюнча
Мас айдоочу Кайгуул милициясы токтоткон машинаны бир сүздү
Аң-чөнөктөн улам жол кырсыгы болуп, бирөөнүн жамбашы сынып, төртөөнүн мээси чайкалды
Дарбазачыга гол кирип атат. Иллюстративдик сүрөт

Египетте гол киргенине катуу сүйүнгөн машыктыруучунун жүрөгү кармап каза болду

14
(жаңыланган 18:55 04.12.2021)
Көз жумган машыктыруучунун командасы чечүүчү голду киргизген. Клуб алты күндүк аза күтүү жарыялап, машыгуулар менен оюндарды жылдырган.

БИШКЕК, 4-дек. — Sputnik. Египетте гол киргенине катуу сүйүнгөн башкы машыктыруучунун жүрөгү кармап көз жумду. Бул тууралуу Gulf News басылмасы жазды. 

Посмотреть эту публикацию в Instagram

Публикация от نادي المجد السكندري (@almagdsportsclub)

Окуя Египеттин экинчи дивизионунун оюндарында болгон. "Аль-Мадж" клубу мелдештин 93-мүнөтүндө чечүүчү топту киргизип, оюнчулар менен машыктыруучулук штаб жеңишти майрамдаган. Бөтөнчө клубдун башкы машыктыруучусу Эль-Сельхедар маңдайы жарыла сүйүнгөн.

Оюн кайрадан уланган, көрүүчүлөрдүн көңүлүн эси ооп жыгылган машыктыруучу бурган. Ал жактагы медиктер көмөктөшүп, андан кийин Тез жардам кызматын чакырганы менен ооруканага жетпей көз жумган. Дарыгерлер жүрөгү токтоп калганын айтышкан. Ал 53 жашта болгон.

Клуб алты күндүк аза күтүү жарыялаган. Команда машыгууларын токтотуп, оюндарды жылдырган.

14
Белгилер:
Египет, футбол, оюн, машыктыруучу, өлүм
Тема боюнча
Нидерландда футбол фанаттары турган трибуна оюн учурунда урап түштү. Видео
Полиция кызматкери. Архивдик сүрөт

Москвада ок жеген кыргызстандык таксист: шектүү эки айга камалды

40
(жаңыланган 18:15 04.12.2021)
Маалыматка караганда, аткан киши окуя болгон жерден качып кеткен. Бирок полиция аны колго түшүрдү. Жергиликтүү ЖМКлар ал мурда дагы соттолгонун жазууда.

БИШКЕК, 4-дек. — Sputnik. Москвада кыргызстандык таксистке ок чыгарган айдоочу 3-февралга чейин камакка алынды. Бул тууралуу RT кабарлады.

Мындай чечим бүгүн кабыл алынган.

Бишкек шаарында асманды көздөй ок чыгарган уландын тапанчасы
© Фото / пресс-служба УВД Ленинского района Бишкека
Окуя Чоң Грузин көчөсүндө болгон. Алдын ала маалымат боюнча, таксист оң тарапта авариялык жарыкты жандырып турган. Ал жүргүнчүнү күтүп турушу мүмкүн экени айтылууда. Ал эми Cadillac Escalade унаасынын айдоочусу өтө албай калган. Мындан улам экөө айтыша кеткен. Натыйжада жолтандабастын айдоочусу тапанча менен таксистти көздөй бир нече ирет ок чыгарган.

Жабырлануучу 23 жаштагы Алманбет Абдрахманов учурда ооруканада.

Маалыматка караганда, аткан киши окуя болгон жерден качып кеткен. Бирок полиция аны колго түшүрдү.

РЕН ТВ телеканалынын маалыматына караганда, жолтандабастын айдоочусу Дмитрий Махалов мурда соттолгон. 2009-жылы ал уурулук боюнча кылмыш ишинин фигуранты болгон. Ага чейин эки жыл мурда мушташып жатып, каршылашын отвертканын формасындагы брелок менен төшкө сайганы айтылууда.

40
Белгилер:
Россия, Кыргызстан, таксист, кол салуу, шектүү, полиция
Тема боюнча
Москвада кыргызстандык таксистке ок атылды. Окуя видеого түшүп калган
Коронавируска кабылган бейтаптарды караган медик. Архивдик сүрөт

“Омикрон” менен пандемия аяктайбы? Вирусологдун божомолу

0
Буга чейин окумуштуулар жаңы штаммдын башкаларга жугуу жөндөмдүүлүгүн жана эмдөөдөн өткөндөрдүн коргоочу антителолоруна туруктуулугун көрсөтүп жатканын айтышкан.

БИШКЕК, 4-дек. — Sputnik. Коронавирустун “омикрон” штаммынын пайда болушу менен COVID-19 илдети мурдагыдан жеңилирээк өтүп, кесепети дагы мурдагыдай оор болбой калышы мүмкүн. Мындай пикирин Sputnik радиосунун эфиринде Гамалея борборунун профессору, вирусолог Анатолий Альтштейн билдирди.

Адис ДССУнун бул вирус дүйнө жүзүнө жыл жаңырганга чейин жайылып кетет деген пикирине кошулбай турганын айтты.

"Жаңы жылга чейин жайылып кетүүгө үлгүрбөйт. Мисалы, "дельта" 2020-жылдын күзүндө пайда болуп, дүйнөнүн ар тарабына быйылкы жылдын май-июль айларында жетти. Андыктан “омикрондун” канчалык жугуштуу экенин азырынча так кесе айтууга эрте”, — деди Альтштейн.

Ошондой эле ал омикрондун кандай алсыз жактары бар экенин айтып, дал ушул штамм менен пандемия аякташы мүмкүн экенин божомолдоду.

“Штаммдын S-белогу 32 жолу мутация болгон. Бул өтө көп, демек, геному алсыз. Буга чейин жуктуруп алган 100 киши жеңил формада ооруп жатат, каза болгондор жок. Коронавирустан өлгөндөрдүн саны кадимки грипптен көз жумгандарга теңелип калганда пандемия бүттү деп айтсак болот. Бул жаатта алганда пандемия “омикрон” менен бүтүп калышы дагы ыктымал”, — деди вирусолог.

Анткен менен адис сөзүнүн соңунда бардыгы бул штамм улгайган адамдарга жеткенде гана белгилүү болорун кошумчалады.

Буга чейин ДССУ Түштүк Африкадагы Ботсвана өлкөсүндө коронавирустун B.1.1.529 аттуу жаңы штаммы катталганын, анда патоген клеткаларды жугузуучу S-белоктун 32 мутациясы бар экенин билдирген. Окумуштуулардын айтымында, SARS-CoV-2 геномундагы жаңы өзгөрүүлөрдүн көбү бул варианттын башкаларга жугуу жөндөмдүүлүгүн жана оорулуулардын, эмдөөдөн өткөндөрдүн коргоочу антителолоруна туруктуулугун көрсөтүп турат.

0
Белгилер:
коронавирус, 'омикрон' штаммы, вирусолог, божомол
Тема:
Дүйнөгө жайылган коронавирус
Тема боюнча
"Омикрон" штаммынан коргонуунун жападан жалгыз жолу айтылды