ДНК экспертизасы терактыга шектелген Жалиловдун өздүгүн ырастады
(жаңыланган 22:10 05.04.2017)
Санкт-Петербургда болгон жардырууга шектелип жаткан Акбаржон Жалилов Кыргызстанда төрөлгөнү аныкталган. Анын апасы Петербургдагы Пулково аэропортуна бүгүн конгонун Россия ЖМКлары жазып чыккан.БИШКЕК, 5-апр. – Sputnik. Санкт-Петербургдагы жардырууга шектелип жаткан Акбаржон Жалиловдун өздүгүн дайындалган ДНК экспертизасы ырастаганын РИА Новости тергөө комитетинин төрайымы Светлана Петренкого шилтеме берүү менен жазып чыкты.
Анын айтымына караганда, жакынкы аралыкта сөөктү таануу процедурасы жүргүзүлөт. Ошондой эле тергөөчүлөр аны менен байланышта болгон адамдарды аныктоо иштерин жүргүзүшөт.
Мындан тышкары, терактыдан курман болгондордун бардыгынын өздүгү аныкталгандыгы айтылды.
“Каза болгон Мария Невнержицкаянын сөөгү таанылды. Ошондой эле Юлия Красикова менен Дмитрий Мазановдун сөөгүн таануу процесстери жүрдү”, — деди Петренко.
Эске салсак, 3-апрелде Санкт-Петербургда болгон жардырууга шектелип жаткан Акбаржон Жалилов Кыргызстанда төрөлгөнүн Улуттук коопсуздук комитети ырастаган. Анын жакындары УКМКнын Ош облустук башкармалыгында сурак беришкени дагы маалым болгон. Бүгүн эртең менен шектүүнүн апасы Петербургдагы Пулково аэропортуна конгонун Россия ЖМКлары жазып чыгышты.
Белгилей кетсек, терактынын айынан 14 киши каза таап, 49 адам ар түрдүү жаракаттарды алган.
Белгилер:
Атамбаевдин туулган күнүндө ИИМ аны дагы бир кылмышка айыптады
(жаңыланган 20:47 17.09.2021)
2016-жылдын июнь айында Атамбаевдин жарлыгы менен Түркиянын атуулдарына Кыргызстандын жарандыгы мыйзамсыз түрдө берилгени айтылат.БИШКЕК, 17-сен. — Sputnik. Бүгүн, 17-сентябрда, ИИМдин кызматкерлери мурдагы президент Алмазбек Атамбаевге дагы бир кылмышка шектүү катары кабарлама тапшырган. Бул тууралуу Sputnik Кыргызстанга анын адвокаты Сергей Слесарев билдирди.
Жактоочунун айтымында, Атамбаевге 2016-жылы Түркияда туулган ондогон адамдарга Кыргызстандын паспортун мыйзамсыз берүү боюнча ачылган кылмыш ишинин алкагында айып тагылууда. Бул кылмышка президенттик аппараттын экс-жетекчиси Фарид Ниязов, мурдагы вице-премьер Тайырбек Сарпашев жана жарандык берүү боюнча комиссиянын бир нече кызмат адамдары шектелүүдө.
©
Sputnik / Акылбек Батырбеков / Эмиль Садыров
Буга чейин милиция 2016-жылы Фарид Ниязов төрагалык кылган Жарандык маселелер боюнча комиссия түркиялыктарга мыйзамсыз жарандык берүүнү чечип, ага ошол кездеги президент Алмазбек Атамбев кол койгонун билдирген. Бул боюнча Жазык кодексинин "Коррупция" беренеси менен козголгон кылмыш иши тергелүүдө.
Андан кийин түркиялыктарга мыйзамсыз кыргыз жарандыгын берип жүргөн деген айып менен Мамлекеттик каттоо кызматынын алдындагы Калкты жана жарандык абалдын актыларын каттоо департаментинин мурдагы жетекчиси С.Д. кармалган.
Эске салсак, учурда кыргыз коомчулугунун ар кыл реакциясын жаратып, тарапташтары митингге чыгып жаткан окуянын себепкери "Сапат" лицейлеринин жетекчиси Орхан Инанды да жарандыкты мурдагы президенттин бийлиги учурунда алган. Тагыраагы, 2012-жылдын 4-декабрында ошол кездеги президент Алмазбек Атамбаевдин жарлыгы менен Кыргызстандын жарандыгы берилгени кабарланган.
УКМК кылмыштуу топтор каткан автоматты ок-дарысы менен тапты
(жаңыланган 17:43 17.09.2021)
УКМКнын алдын ала алынган маалыматы боюнча, курал жана октор өзгөчө оор кылмыштарды жасоо үчүн даярдалган.БИШКЕК, 17-сен. — Sputnik. Чүй облусунун Аламүдүн районунда курал жана ок-дары катылган жай табылды. Бул туурасында УКМКнын маалымат кызматы кабарлады.
Чүй облусунун Аламүдүн районунда курал жана ок-дары катылган жай табылды.© Фото / пресс-служба ГКНБ
Билдирүүгө ылайык, уюшкан кылмыштуу топтор тарабынан катылган АК-74 куралы жана калибри 5,45×39 миллиметр болгон ок-дары жашырылган.© Фото / пресс-служба ГКНБ
Алдын ала алынган маалымат боюнча, мунун баары өзгөчө оор кылмыштарды жасоо үчүн даярдалган.© Фото / пресс-служба ГКНБ
©
Фото / пресс-служба ГКНБ
Билдирүүгө ылайык, уюшкан кылмыштуу топтор тарабынан катылган АК-74 куралы жана калибри 5,45×39 миллиметр болгон ок-дары жашырылган. Алдын ала алынган маалымат боюнча, мунун баары өзгөчө оор кылмыштарды жасоо үчүн даярдалган.
Учурда алынган куралды жашырган адамдарды аныктоо иштери жүргүзүлүүдө.
УКМК жарылуучу зат жана курал-жарактарды өз ыктыяры менен тапшырган адамдар кылмыш жоопкерчилигинен бошотуларын эскертти.
Белгилер:
Эксперт: коррупция менен күрөшүү боюнча ЕАЭБде бирдиктүү долбоор керек
(жаңыланган 12:51 18.09.2021)
Президентке караштуу Антикоррупциялык ишкердик кеңешинин эксперти Айдар Мамбеткадыров коррупция менен күрөшүүдө башка өлкөлөрдүн тажрыйбалары дагы изилдене турганын белгиледи.Евразиялык экономикалык биримдикке мүчө өлкөлөрдүн деңгээлинде коррупция менен күрөшүүнү бирдиктүү колго алуу зарыл. Себеби ошол эле бажы, чек ара жаатында коррупциялык тобокелчиликтерди алдын алуу керек. Бул тууралуу Айдар Мамбеткадыров Sputnik Кыргызстан радиосунда маек куруп жатып билдирди.
Эксперт: коррупция менен күрөшүү боюнча ЕАЭБде бирдиктүү долбоор керек
Анын айтымында, коррупция менен күрөшүүдө уюмга мүчө мамлекеттерде ар кандай ыкмалар колдонулат.
"Башка мамлекеттердин ийгиликтүү тажрыйбаларын изилдеп көрдүк. Ошол эле ЕАЭБге мүчө мамлекеттердин дагы тажрыйбасын эске алдык. Уюмга мүчө мамлекеттерде коррупциялык көрүнүштөр, аны менен күрөшүү ыкмалары дагы ар башка болууда. Мисалы, Казакстанда коррупция менен күрөшө турган медиа борборлор бар. Алар көз карандысыз делингени менен президенттин алдында. Ал борбор коррупциялык көрүнүштөрдү коомго ачыктап чара көрүү аркылуу иш алып барат. Ошону менен өз натыйжасын көрсөтүп келе жатат. Ал эми Россияда, Беларуста, Арменияда деле бул багытта иш жүрөт. Бирок коррупция менен күрөштө жетиштүү деңгээлде натыйжасы байкалбайт. Ошондуктан ЕАЭБдин деңгээлинде коррупция менен күрөшүү боюнча бирдиктүү долбоор даярдалышы зарыл. Уюмдун ичиндеги өлкөлөрдүн бажы жана чек ара кызматтарында кездеше турган коррупциялык тобокелчиликтерди алдын алуу шарт. Себеби көмүскө товарлар кирип, коррупциялык көрүнүштөргө жол берилиши мүмкүн", — деди Мамбеткадыров.
Ошондой эле кайсы бир өлкөнүн тажрыйбасын колдонордон мурда жергиликтүү менталитетти эске алуу зарыл экендигин кошумчалады.
Подкастты толугу менен видеодон көрө аласыз:
Белгилер: