Жал кичи районундагы көп кабаттуу үйдүн үстүнөн боюн таштоого аракет жасаган

"Жалда" үйдүн үстүнөн боюн таштоого аракет жасаган аялды милиция алып кетти

1092
(жаңыланган 17:08 12.04.2017)
Суицид жасоого аракет кылган аял мындай кадамга эмнеге барганы такталууда.

БИШКЕК, 12-апр. — Sputnik. "Жал" кичи районундагы көп кабаттуу үйдүн үстүнөн боюн таштоого аракет жасаган аялды милиция алып кеткендигин күбө Sputnik Кыргызстан агенттигине кабарлады. 

© Видео / Тимур Тынчтыкбеков
"Жал" кичирайонундагы үйдүн үстүнөн бир аял өзүн таштоого аракет кылууда

Буга чейин окуя болгон жерге Бишкек шаардык милициянын кызматкерлери жөнөп кеткени маалымдалган. Мындан тышкары, окуя болгон жерде ӨКМдин куткаруучулары иштеп жатканы белгилүү болгон

"Боюн таштоого аракет жасап жаткан аялдын жанына эркек киши келип кечирим сурап жатты. Акыры аял анын тилин алды окшойт, жерге түшүп, милиция кызматкерлери аны алып кетти", — деди күбө.

Ал эми курулуп жаткан үйдүн юристи боюн таштоого аракет кылган жаран 18 жаштагы келин экенин билдирди. Ал өзүн үйдө үлүшү бар адам катары тааныштырып, чатырга чыгып кеткенин белгиледи. 

"Ал жолдошун өзү чакырыптыр. Күйөөсү жубайынын тилин таап чатырдан алып түштү", — деди юрист. 

Учурда окуя боюнча иликтөө иштери жүрүп жатат.
1092
Белгилер:
суицид, "Жал" кичи району
Тема боюнча
"Жал" кичирайонундагы үйдүн үстүнөн бир аял өзүн таштоого аракет кылууда
Жол кырсыгынан жабыркаган унаа. Архив

Көз ирмемде болуп кетти. Бишкектин четинде үч автоунаа кагышкан учурдун видеосу

98
(жаңыланган 11:55 31.05.2020)
Үч автоунаанын кагышкан кадры видеокаттагычка жазылып калган. Ишемби күнү түшкө маал болгон кырсыктан жабыркагандар такталууда.

БИШКЕК, 31-май — Sputnik. Бишкекке жакын Новопавловка айылында үч автоунаа кагышкан.

Ал учур "Короче" деп аталган Telegram-каналга жүткөлдү. Кадрлар видеокаттагычка тартылып калган.

Кадрдан видеокаттагычы бар биринчи автокөлүк келе жатканда каршы тилкедеги автоунаа чыга калып, аны капталынан сүзгөнүн көрүүгө болот. Буйтаганга үлгүрбөй калган биринчи автоунаа сол четте токтоп турган үчүнчүсү менен кагышкан.

Чүй облустук Жол кыймылынын коопсуздугун камсыздоо башкармалыгынын басма сөз кызматы билдиргендей, алдын ала алынган маалыматтар боюнча, биринчи экөө Toyota Mark II жана Honda Odissey экени аныкталды, үчүнчү автоунаанын үлгүсү азырынча белгисиз болууда. Кырсык кечээ түшкө маал болгон.

Жабыркагандардын саны такталып жатат.

98
Белгилер:
жол кырсык, автоунаа, Бишкек
Тема:
2020-жылдын башынан бери Кыргызстанда болгон жол кырсыктар
Тема боюнча
Автоунаа ойдуңга 20 метрдей кулаган. Ала-Белдеги кырсыктын чоо-жайы
Камакка алынган жаран. Архивдик сүрөт

УКМК укук коргоочу Рузиев Караколдон кармалганын кабарлады

154
(жаңыланган 19:18 30.05.2020)
Камилжан Рузиевге каршы эки кылмыш иши козголгон. Күч органдары анын башка кылмыштарга тиешеси бар-жогун текшерүүдө.

БИШКЕК, 30-май — Sputnik. Улуттук коопсуздук мамлекеттик комитетинин кызматкерлери тарабынан "Вентус" коомдук бирикмесинин башчысы Камилжан Рузиевдин кармалганын аталган мекеменин маалымат кызматы билдирди.

57 жаштагы укук коргоочуга карата Кылмыш-жаза кодексинин 359 ("Документтерди жасалмалоо") жана 204-беренеси ("Алдамчылык") менен иш козголгон.

Кармалган жаран Каракол шаардык ИИБдин убактылуу кармоочу жайына киргизилди.

УКМК учурда шектүүнүн башка кылмыштарга тийиштиги бар-жогун текшерип жатат.

154
Белгилер:
берене, кылмыш, укук коргоочу, УКМК
Тема боюнча
Алай: постто турган кайгуулчуну сүзүп из сууткан чек арачы кармалды
Бишкек шаардык ИИББдин Кайгуул милиция башкармалыгынын инспекторлору шаар тургундарынын даттануусунан улам байкерлер менен жолугушту

Байкерлер калаа тургундарына уйку бербей... Милиция алар менен жолугуп, эскертти

13
Инспекторлор мотоциклчендерге түн ортосунда жарыш уюштуруп, шаардыктардын тынчын албоо боюнча түшүндүрүү иштерин жүргүзүштү.

БИШКЕК, 31-май — Sputnik. Бишкек шаардык ИИББдин Кайгуул милиция башкармалыгынын инспекторлору шаар тургундарынын даттануусунан улам байкерлер менен жолугушту. Бул тууралуу башкармалыктан билдиришти.

  • Инспекторы Управления патрульной службы милиции Бишкека провели встречу с байкерами из-за жалоб горожан
    Бишкек шаардык ИИББдин Кайгуул милиция башкармалыгынын инспекторлору шаар тургундарынын даттануусунан улам байкерлер менен жолугушту
    © Фото / пресс-служба УПСМ Бишкека
  • Инспекторы Управления патрульной службы милиции Бишкека провели встречу с байкерами из-за жалоб горожан
    Жолугушууга Кыргызстандын мотоциклчилер коому катышты.
    © Фото / пресс-служба УПСМ Бишкека
1 / 2
© Фото / пресс-служба УПСМ Бишкека
Бишкек шаардык ИИББдин Кайгуул милиция башкармалыгынын инспекторлору шаар тургундарынын даттануусунан улам байкерлер менен жолугушту

Жолугушууга Кыргызстандын мотоциклчилер коому катышты.

Маалыматка караганда, өзгөчө абал режиминин алкагында жарыяланган коменданттык саат жоюлгандан бери мотоцилкчендер шаардын чоң көчөлөрүндө түнкүсүн жарыш уюштуруп, коомдук тартипти бузуп келишет. Ал тургай жол кырсыктары болгон учурлар дагы катталганы айтылды.

Инспекторлор байкерлерди жолдо жүрүү эрежелерин сактоого чакырды. Ошондой эле алар түнкүсүн жашоочулардын тынчын алып жарыш уюштурууну уланта берсе, мыйзам чегинде жазаланары эскертилди.

13
Белгилер:
жашоочулар, көчө, мотоцикл, милиция, Бишкек
Тема боюнча
Инспектор тоссо карайлап калбаңыз! Айдоочунун башын ооруткан 9 суроого жооп