ШИИБ: бирөөнүн миллион сомдук темир-тезегин сатып ийген жаран кармалды

© AFP / MOHAMMED ABEDМеталл скалдындагы жумушчу. Архив
Металл скалдындагы жумушчу. Архив - Sputnik Кыргызстан
Жазылуу
Кармалган киши каркастар бирөөнүн менчиги экенин билбегенин айтууда.

БИШКЕК, 15-апр. — Sputnik. Бишкекте Чоң Чүй каналынын аймагындагы үйдүн короосунан бир миллион сомдук металл уурдап кеткен киши кармалды. Бул туурасында Sputnik Кыргызстан агенттигинин кабарчысына шаардык милициянын маалымат кызматынан билдирди.

Случаи квартирных краж в Бишкеке - Sputnik Кыргызстан
Үй ууруларынан кантип сактануу керек? Милициядан 10 кеңеш
Укук коргоо органдарына шаар тургуну короосундагы турган темир-тезек уурдалганын айтып, арыз менен кайрылган.

Маалыматта анын короосу атайын тосом менен тосулбаганы, металл каркастары каналдын жээгинде ачык эле турганы айтылат.

Кийинчерээк милиция бул ишке шектүү катары Ысык-Ата райоунун 28 жаштагы жашоочусун колго түшүргөн.

"Кармалган жаран металл бирөөгө тиешелүү экенин билбептир. Керексиз темир экен деп ойлоп, металлды кайра иштетүү пунктуна алып барып сатып жиберген. Мындан улам жабырлануучуга келтирилген чыгым бир миллион сомдон ашкан", — деп айтылат билдирүүдө.

Учурда бул иш боюнча иликтөө иштери жүрүп жатат. Шектүү жаран убактылуу кармоочу жайга киргизилди.

Жаңылыктар түрмөгү
0