Бейтап көз жумган клиниканы иштеткен табыпка министрлик лицензия берген эмес

© Sputnik / Табылды КадырбековОоруканадагы бейтаптар. Архив
Ооруканадагы бейтаптар. Архив - Sputnik Кыргызстан
Жазылуу
Киши өлтүрүүгө шектелип жеке клиниканын кызматкери кармалды.

БИШКЕК, 27-апр. — Sputnik. Бейтап каза болгон жеке клиникада иштеген табыпка Саламаттык сактоо министрлиги медицина жаатында иштөө боюнча лицензия берген эмес. Бул тууралуу министрликтин маалымат кызматы билдирди.

Снимок с видеохостинга пользователя Нурлана Жолдошева. Народный целитель Ашым Зайналиев. Архивное фото - Sputnik Кыргызстан
Министрлик: онкологиялык бейтаптар "табыптын" жеке борборунан кетүүдөн баш тартты
Буга чейин милиция маалымдагандай, 1-мартта 42 жаштагы бейтап Кара-Балтадан "Учкун" кичирайонундагы мекемеге алып келинген. Эки суткадан кийин бейтап киши колдуу болгон. Адам өлтүрүүгө шектелип аталган жеке клиниканын кызматкери кармалган.

Саламаттык сактоо министрлиги билдиргендей, адам өлтүрүүгө клиниканы иштеткен табыптын небереси шектелүүдө. Реестрдеги маалымат боюнча табыпка лицензия берилген эмес.

Министр Талантбек Батыралиев аталган факты боюнча комиссия түзүлгөнүн баса белгиледи.

"Саламаттык сактоо министрлиги табыпка медицина жаатында иштөө боюнча лицензия берген эмес, укук коргоо органдары ишти иликтеп жатат. Табыпка карата катуу чара көрүлөт", – деди Батыралиев.

Кармалган кишинин айтымында, 3-марттын түнүндө бейтап качып кетүүгө аракет кылган. Шектелген жаран бейтаптын жолун тоскондо алар мушташа кеткен. Алдын ала маалымат боюнча ал бейтапты катуу сабап, керебетке жаткырып койгон. Эртең менен ал өлүп калганын милициядан маалымдашты.

Сотмедэкспертиза маркумдун денеси көгала болуп, сөөктөрү сынганын аныктаган. Учурда тергөө амалдары жүрүүдө.

Жаңылыктар түрмөгү
0