Аркардын, тоо эчкинин терилери менен 20дан ашык мүйүзү

Ошто аркар, тоо эчкинин терилери менен мүйүзү жүктөлгөн машина кармалды

497
(жаңыланган 14:54 28.04.2017)
Тинтүү учурунда жети аркардын териси менен 14 даана мүйүзү, төрт тоо текенин териси менен сегиз мүйүзү табылган.

БИШКЕК, 28-апр. — Sputnik. "Ош" бажысынын кызматкерлери аркардын, тоо эчкинин терилери менен 20дан ашык мүйүзү жүктөлгөн унааны кармашты. Бул тууралуу Мамлекеттик бажы кызматынан билдиришти.

  • Ош бажысынын кызматкерлери аркардын, тоо эчкинин терилери менен 20дан ашык мүйүзү жүктөлгөн унааны кармашты.
    "Ош" бажысынын кызматкерлери аркардын, тоо эчкинин терилери менен 20дан ашык мүйүзү жүктөлгөн унааны кармашты.
    © Фото / пресс-служба ГТС КР
  • Кыргызстандын Кызыл китебине кирген жанырбарлардын териси менен мүйүзү Тажикстандан Кыргызстанга келе жаткан машинадан табылган.
    Кыргызстандын Кызыл китебине кирген жанырбарлардын териси менен мүйүзү Тажикстандан Кыргызстанга келе жаткан машинадан табылган.
    © Фото / пресс-служба ГТС КР
  • Тинтүү учурунда жети аркардын териси менен 14 даана мүйүзү, төрт тоо текенин териси менен сегиз мүйүзү табылган.
    Тинтүү учурунда жети аркардын териси менен 14 даана мүйүзү, төрт тоо текенин териси менен сегиз мүйүзү табылган.
    © Фото / пресс-служба ГТС КР
1 / 3
© Фото / пресс-служба ГТС КР
"Ош" бажысынын кызматкерлери аркардын, тоо эчкинин терилери менен 20дан ашык мүйүзү жүктөлгөн унааны кармашты.

Маалыматка ылайык, Кыргызстандын Кызыл китебине кирген жанырбарлардын териси менен мүйүзү Тажикстандан Кыргызстанга келе жаткан машинадан табылган.

"27-апрелде Алай районундагы Сары-Таш айылындагы "Бордөбө" бажы постунан Тажикстандан Кыргызстанды карай келе жаткан УАЗ 33909 үлгүсүндөгү машина токтотулган. Унаадан койдун терилеринин алдына жашырылган аркардын, тоо текенин терилери табылган. Аларды ЕАЭБ мамлекеттеринин аймагына алып кирүүгө уруксат берүүчү документтер болгон эмес", — деп айтылат маалыматта.

Тинтүү учурунда жети аркардын териси менен 14 даана мүйүзү, төрт тоо текенин териси менен сегиз мүйүзү табылган.

Аталган факты боюнча тийиштүү материалдар топтолуп, машина менен табылган нерселер иш толук иликтенгенге чейин Жаратылышты коргоо департаментине сактоого берилди. Учурда бажы кызматы тергөө амалдарын жүргүзүп, анын жыйынтыгы менен материалдарды Ош прокуратурасына берет.

497
Белгилер:
Мамлекеттик бажы кызматы, аркар, тоо теке
Тема боюнча
Эки бала кулжаны мыкаачылык менен ташка алып, өлтүргөн видео тарады
Жеңиш Ашырбаев: Кытайга 4 миң эшекти алып чыгууга уруксат берилиптир
Өрттөнгөн унаа. Архивдик сүрөт

ӨКМ: Бишкекте түн ортосунда эки автоунаа өрттөндү. Видео

80
(жаңыланган 10:49 01.12.2021)
Саат 3.20да чыккан өрт 20 мүнөттөн кийин чектөөгө алынып, 4:08де толугу менен өчүрүлгөн. Учурда өрттүн себеби такталууда.

БИШКЕК, 1-дек. — Sputnik. Бишкекте өткөн түнү катар турган эки автоунаа өрттөндү. Бул тууралуу ӨКМден билдирди.

Министрликтин Facebook тармагындагы баракчасына окуя болгон жерден тартылган видео жүктөлдү.

"1-декабрга караган түнү саат 03:20лар чамасында Худайбергенов көчөсүндө жолдун жээгинде токтоп турган Mercedes-Benz жана Toyota Camry үлгүлөрүндөгү автоунаалардан өрт чыкты. Биринчи машина толугу менен өрттөнсө, экинчисинин бампери күйгөн", — деп айтылат билдирүүдө.

Өрт саат 03:50дө чектөөгө алынып, 4:08де толугу менен өчүрүлгөн. Учурда кырсыктын себеби такталууда.

80
Белгилер:
Бишкек, автоунаа, ӨКМ, өрт, видео
Тема боюнча
Мэрия: Бишкекте өрт кырсыгы жана андан каза болгондордун саны өсүүдө
Чычканда өрттөнгөн бензовоздун ичинен кишинин сөөгү табылды. Кырсыктын сүрөтү
Стамбул шаарында бороон-чапкын болгон убакта бараткан адамдар

Түркияда катуу бороон-чапкындан улам алты киши мерт болду. Видео

187
(жаңыланган 16:53 30.11.2021)
Шамалдын ылдамдыгы саатына 130 чакырымга жеткен. Анын айынан чатырлар урап, алдында калган 38 киши түрдүү жаракаттарды алган.

БИШКЕК, 30-ноя. — Sputnik. Түркиянын Стамбул шаарында жана бир катар аймактарында бороон-чапкындын кесепетинен каза болгондордун саны алтыга жетти. Бул тууралуу жергиликтүү бийликке таянып РИА Новости жазды.

Буга чейин Стамбулда ылдамдыгы саатына 130 чакырымга жеткен катуу бороон болгону кабарланган. Катуу шамалдан улам чатырлар урап, алдында калган 38 киши түрдүү жаракаттарды алган. Дагы төрт киши каза болгону айтылган. 

Ал эми Кожаэли провинциясынын администрациясынын маалыматы боюнча, урандылардын астында калган бир адам каза болуп, сегизи жаракат алган.

Зонгулдак облусунда дагы бир адам мерт болгону айтылды.

187
Белгилер:
Түркия, Стамбул, бороон, шамал, адам, өлүм, кырсык
Тема боюнча
Журналист өмүрүн тобокелге салып репортаж жасаган видео
Депутат Аккулу Бердиев. Архив

Алар да кудайдын пендеси. Депутат Жээнбеков, Зулпукаровдун кол тийбестиги боюнча

0
(жаңыланган 12:51 01.12.2021)
Депутат кесиптештеринин башына иш түшүп турганда КСДП да, башкасы да качып кетип, жардам берейин деген эч ким жок экенин айтты.

БИШКЕК, 1-дек. — Sputnik. Жогорку Кеңештин депутаты Аккулу Бердиев үч кесиптешин кол тийбестиктен ажыратуу маселесин кийинки чакырылышка калтырууну сунуштады.

Ал адамдын башына кыйынчылык түшкөндө "жоопко тарткыла" деп уруксат бергенибиз туура эмес деген пикирин билдирди.

"Мурда Асылбек Жээнбековдун эшигин каккылап, бир кирип чыккандар өзүн бактылуу сезет эле. Азыр башына иш түшүп турганда КСДП да, башкасы да, баары качып кетти. Жардам берейин деген эч ким жок. Ошондуктан бул маселени алдыда келе турган жаңы депутаттарга эле калтыралы. Мен ал киши менен саламдашкан да, чай ичишкен да жокмун. Кандай болбосун мусулманчылыкка караганда "кечээ ким элең, бүгүн ким болдуң" деген сөз бар. Алар да кудайдын пендеси, башына оор иш түшүп жатат. Жыгылган адамды тепкилеген болбойт", — деди Бердиев.

Белгилей кетсек, башкы прокурор Курманкул Зулушев эл өкүлдөрү Асылбек Жээнбеков, Төрөбай Зулпукаров жана Бакыт Жетигеновду кылмыш жоопкерчилигине тартууга макулдук берүүнү сураган.

Натыйжада анын сунуштамасын кароо үчүн жети депутаттан турган комиссия түзүлдү.

Жээнбеков менен Зулпукаров үстүбүздөгү жылдын июнь айында "Кумтөр" долбоорун ишке киргизүүдөгү коррупциялык иштерге катыштыгы бар деген шек менен кармалган. Алар учурда УКМКнын тергөө абагында.

Ал эми Бакыт Жетигенов бийликти басып алууга белсенген деген шек менен шайлоонун алдында кармалган.

0
Белгилер:
депутат, Асылбек Жээнбеков, кол тийбестик, комиссия, Аккулу Бердиев
Тема боюнча
Шайлдабекова: бул ирет мыйзамсыздыкты ооздуктоого бийликтин эрки жетти. Видео