Эт. Архив

Кадамжайда тойдон алып келинген этке бир үй-бүлө ууланды

372
(жаңыланган 10:51 23.05.2017)
Уулангандарга тиешелүү жардам көрсөтүлүп, абалдары турукташып калды.

БИШКЕК, 23-май — Sputnik. Кадамжайда бир үй-бүлө ууланып калгандыгын Саламаттык сактоо министрлигинен билдиришти.

Маалыматка ылайык, үстүбүздөгү жылдын 22-май күнү атасы, апасы жана үч баласы менен бир үй-бүлө ооруканага түшкөн.

"Үй ээси 21-май күнү тойдон эт алып келип, кечинде үй-бүлөсү менен жеген. Эртеси баарынын ичи ооруп, дарыгерлерге кайрылышкан", — деп жазылат маалыматта.

Уулангандарга тиешелүү жардам көрсөтүлүп, абалдары турукташып калды.

372
Белгилер:
уулануу, эт, той
Тема боюнча
Ноокендеги окуучулар эмнеден ууланганы билине элек
Афганистандын Герат шаарындагы аскер кызматкерлер

ЖМК: талибдер Афганистандын Герат шаарынын борбордук райондорун баса баштады

78
Согушкерлердин басып алуу аракетинен улам Герат шаарынын жүздөгөн жашоочулары үйлөрүн таштап кетип жатканы айтылды.

БИШКЕК, 1-авг. — Sputnik. "Талибан" кыймылынын согушкерлери Афганистандын Герат шаарынын борбордук райондорун көздөй жылып баштады. Бул тууралуу РИА Новости Афганистандын телеканалдарына таянып кабарлады.

Өлкөнүн коопсуздук кызматындагы ишенимдүү маалымат булактары маалымдагандай, Герат шаарынын 17 районунун бири гана өкмөттүк күчтөрдүн көзөмөлүндө.

"Эки күндүк салгылашуунун жыйынтыгында талибдер шаардын түштүк бөлүгүндөгү Малан көпүрөсүн басып алышкан. Согушкерлердин мындай аракетинен улам Герат шаарынын жүздөгөн жашоочулары үйлөрүн таштап кетип жатышат. Ал арада Афганистандын Коргоо министрлигинин өкүлү Фавад Аман Twitter баракчасы аркылуу шаардын айланасында кырдаал турукташып калганын айткан", — деп жазылат маалыматта.

Эскерте кетсек, июнь айынан бери Афганистанда өкмөттүк күчтөр менен "Талибан" кыймылынын ортосунда тирешүү жүрүп келет. Согушкерлер өлкөнүн айыл жерлериндеги көптөгөн аймактарын ээлеп, чоң шаарларга кол сала баштаган.

Афганистандагы туруксуз абал АКШ администрациясы 11-сентябрга чейин афган жеринен аскерлерди чыгарып кетүү убадасынан кийин курчуп жатат.

78
Белгилер:
Афганистан, 'Талибан' кыймылы, кол салуу
Тема:
Афган бийлиги менен талибдердин тиреши
Тема боюнча
Россия Өзбекстан менен тажик-афган чек арасына жакын жерде машыгуу өткөрөт
Бычак кармаган киши. Архивдик сүрөт

Кыргызстанда кылмыш жасоо көбөйүүдө. Адам өлтүрүү фактысы 26 пайызга өстү

31
Январь-июнда республика аймагында 23,5 миң кылмыш катталып, 2020-жылдын ушул мезгилине салыштырганда 1,5 эсеге көбөйгөн.

БИШКЕК, 1-авг. — Sputnik. Кыргызстанда жыл башынан бери кылмыштуулуктун саны кескин өстү. Бул тууралуу Улуттук статистика комитети Башкы прокуратуранын берген маалыматына таянып билдирди.

Ага ылайык, январь-июнда өлкө аймагында 23,5 миң кылмыш катталып, 2020-жылдын ушул мезгилине салыштырганда 1,5 эсеге көбөйгөн. Ал эми жоруктардын саны 12 миңге жетип, былтыркыдан дээрлик 30 пайызга өскөн.

Кылмыштардын басымдуу бөлүгү (61 пайызы) Бишкек шаары менен Чүй облусунда жасалганы белгиленет. 2 миңден ашыгы же 11,6 пайызы оор жана өзгөчө оор кылмыштарга туура келген.

Түрлөрү боюнча жеке менчикке каршы кылмыш көбөйгөн. Былтыркыга караганда 1,6 эсеге, анын ичинде алдамчылык – 2,1 эсеге, уурдоо - 1,5 эсеге, тоноо 24,5 пайызга жогорулаган.

Адам өлтүрүү 26, зордуктоо жана зордуктоо максатында кол салуу 34, ден соолукка анча оор эмес зыян келтирүү 6 пайызга көбөйгөн.

Ал эми кызмат абалынан кыянаттык менен пайдалануу 36, ишенип берилген мүлктү ыйгарып алуу же чыгымдоо учурлары 2,2 эсеге жана паракорлук 1,4 эсеге өскөн.

31
Белгилер:
Кыргызстан, кылмыш, өсүү, уурулук
Тема боюнча
Кыргызстанда кайсы үлгүдөгү автоунаалар көп уурдалат?
Вакцина алып жаткан адамдар. Архив

Кыргызстанда бир суткада 17 миңден ашык адам вакцина алды

0
(жаңыланган 13:41 01.08.2021)
Жалпысынан өлкөдө 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы маалым болду.

БИШКЕК, 1-авг. — Sputnik. Кыргызстанда бир суткада 17 194 адам эмделди. Бул тууралуу Республикалык штаб кабарлады.

Билдирмеге караганда, кечээтен бери 16 722 киши коронавируска каршы вакцинанын биринчи дозасын алса, 472си экинчи дозасы менен эмделген.

Жалпысынан Кыргызстанда 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы айтылды.

Белгилей кетсек, өлкөгө AstraZeneca компаниясынын коронавируска каршы вакцинасынын 226 миң дозасы жеткирилген.

Андан мурда, тагыраагы, 11-июлда, Кыргызстанга Кытайдан Sinopharm вакцинасынын 1 миллион 250 миң дозасы алып келинип, өлкөдө калкты массалык түрдө эмдөө башталган.

0
Белгилер:
Кыргызстан, вакцина, эмдөө, коронавирус, иммунитет
Тема:
Коронавируска каршы эмдөө
Тема боюнча
Үймө-үй кыдырып эмдөөдө вакцина бузулбайбы? Адистин жообу
Мэрия: 10 киши чогулса мобилдик топ барып вакцина сайып берет