Бишкекте кишини койдуруп кеткен айдоочу эмнеге качып кеткенин айтып берди

© Sputnik / Жоомарт Ураимов Дорожный знак "Пешеходный переход"
Дорожный знак Пешеходный переход - Sputnik Кыргызстан
Жазылуу
Жол кырсыгы 4-июнда болуп, жабырланган 31 жаштагы киши ооруканага жаткырылган.

БИШКЕК, 5-июн. — Sputnik. Бишкекте кишини тебелетип кеткен айдоочу качып кеткенин шаардык Кайгуул милициясынан Sputnik Кыргызстан агенттигине кабарлашты.

Жол кырсыгы 4-июнда саат болжол менен 21.30дарда Аламүдүн-1 кичи районун аймагындагы Ауэзов көчөсүндө болгон. Азырынча белгисиз айдоочу 31 жаштагы эркек кишини койдуруп кеткен. Ал бутунан жаракат алып, ооруканага жеткирилген.

Көп өтпөй эле, 5-июнда Кайгуул милициясынын бөлүмүнүн кызматкерлери качып кеткен айдоочу деп шектелген 36 жаштагы кишини кармады.

"Ал баарын мойнуна алып, кичинекей баласынын дене табы көтөрүлүп, шашылыш түндө ооруканага алып барып жаткандыгын айтты. "Чынар" базарынын аймагынан урунган кандайдыр бир үндү уккандыгын, бирок токтобой кетип калганын айтты",— деп кабарлады милициядан.

Кармалган — Mercedes-Benz 230 автоунаасы айып короого токтотулуп, иликтөө иштери башталды.

Жаңылыктар түрмөгү
0