Ысык-Көлдө парашют менен учуп бараткандар бакка илинип калышты

© Sputnik / Игорь Зарембо / Медиабанкка өтүүПарашютчу. Архив
Парашютчу. Архив - Sputnik Кыргызстан
Жазылуу
Кырсыктын күбөсү инструктор бакка илинип калган жабырлануучуларды тартып жаткандардын телефондорун тартып алып, алардын сүрөт, видеолорун өчүрүп жатканын айтты

БИШКЕК, 26-июл. — Sputnik. Бостери айылындагы пляжда параплан менен учуп бараткан бир кыз жана инструктор кулап, бакка илинип калышканын Sputnik Кыргызстан агенттигине окуяга күбө болгон жаран WhatsApp канал аркылуу билдирди.

© © фото очевидца, отправленное по Whats App-каналуБостери айылындагы пляжда параплан менен учуп бараткан бир кыз жана инструктор кулап, бакка илинип калышкан
На пляже в селе Бостери парашют с пассажиркой и инструктором приземлился прямо на деревья - Sputnik Кыргызстан
Бостери айылындагы пляжда параплан менен учуп бараткан бир кыз жана инструктор кулап, бакка илинип калышкан

Анын айтымында, парапландын коопсуздук тросу иштебей, ал бак жыш өскөн жакка учуп кеткен.

"Кайык жээкке токтогондо парапланды ылдый түшүрүү керек болчу. Бирок бир нерсеси туура эмес болуп калды окшойт, жерге түшүрүлө элек кишилерди парашют бактар жакка учуруп кетти, алар үч метр бийиктикте өскөн дарактын бутактарына илинип калышты. Баарыбыз коркуп кеттик", — деп жазган күбө.

Крещенские купания в Московской области - Sputnik Кыргызстан
Жыл башынан бери 96 киши сууга чөксө, алардын 30у балдар
Муну менен бирге ал инструктор окуядан кийин жабырлануучуларды тартып жаткандардын телефондорун тартып алып, андагы сүрөттөрдү өчүрө баштаганын белгиледи.

"Аз жерден мушташ чыгып кете жаздады. Кер-мур айтыша кеттик, мындайды көз жаздымда калтырбаш керек да. Дагы жакшы, iPhone аппаратында өчүрүлгөн сүрөттөрдү калыбына келтирүүчү функция бар экен. Биз айткандарыбызды толук далилдей алабыз. Элестетсеңер, парапландагылардын жерге кулап түшүп, катуу урунушу мүмкүн болчу да. Демек, мындай аттракциондорго түшкөн ар бир эле киши өмүрүн тобокелге салат экен да", — деген окурман.

Эгер кандайдыр бир кызыктуу окуяларга туш болуп калсаңыз тарткан сүрөт, видеолорду биздин +996 706 566 544 WhatsApp же Telegram номери аркылуу билдирсеңиз болот.
Жаңылыктар түрмөгү
0