Бир нече ирет бычак жеп өлтүрүлгөн таксисттин сөөгү табылып, шектүүлөр кармалды

© Sputnik / Табылды КадырбековСлучаи поножовщины в Кыргызстане
Случаи поножовщины в Кыргызстане - Sputnik Кыргызстан
Жазылуу
Өлтүрүлгөн таксист мурда ички иштер органдарында иштегени белгилүү болду

БИШКЕК, 2-авг. — Sputnik. Бишкектик таксистти өлтүрүүгө шектелген адамдар колго түшүрүлгөндүгү тууралуу Чүй ОИИБдин маалымат кызматынан билдиришти.

Случаи применения физической силы в КР - Sputnik Кыргызстан
Жайылда өз атасын уруп өлтүрдү деген шек менен 28 жаштагы жигит кармалды
Шектелүүчүлөр Бишкек — "Манас" аэропорту унаа жолундагы "Ак-Жол" постунан кармалган.

Чүй ОИИБдинКайгуул милициясы Honda Fit үлгүсүндөгү унааны токтоткондо тиешелүү документтери жок айдоочу ээ-жаа бербей, милиция кызматкерлерине атырылган. Унааны тинтүү маалында медициналык кол кап, маска жана кан болгон бычак табылган.

Кармалган адамдар сурак берип, такси айдоочусун өлтүргөнүн айтып беришти.

Милициянын версиясы боюнча, 31-июлдан 1-августка караган түнү 23 жаштагы З.Д. жана 29 жаштагы М.Ж атуу жарандар алдын ала сүйлөшүп, таксистке кол салышкан. Алар жалдаган таксинин рулунда 32 жаштагы Б.Э. аттуу адам болгон.

Экөө таксисттен Түштүк магистраль жакка айдоосун өтүнүшкөн. Качан гана айтылган дарекке жеткенде алар айдоочуга кол салышкан.

Бычак кармаган адамдын архивдик сүрөтү - Sputnik Кыргызстан
Владивостокто бир бөтөлкө суунун айынан 18 жаштагы кыргызстандык өлтүрүлдү
23 жаштагы З.Д. атайын даярдап койгон бычакты алып чыгып, айдоочунун курсак жана моюн жактарына 19 жолу сайган. Ошол жерден жан берген таксистти өзүнүн эле унаасына салып барып, Кой-Таш капчыгайындагы дарыяга салып ийишкен.

Айдоочунун унаасын жана уюлдук телефонун алып алган эргулдар акча табуу үчүн "Манас" аэропортуна үч адамды жеткирип, келе жаткан жолдон кармалышты.

Кой-Таш капчыгайына барган ыкчам тергөө тобу жардын алдынан бычактан алган жаракаты бар болжол менен 30-35 жаштагы адамдын сөөгүн табышты.

Иликтөө маалында каза болгон адам мурда ички иштер органдарында иштегени белгилүү болду. Ал 2011-жылы өз каалоосу менен кызматтан кеткен.

"Акыркы мезгилдерде киши ташып иштеген бул адам орган кызматкерлерине дагы коомдук тартипти сактоого жана кылмыштуулукка каршы күрөшүүгө жардам берип жүргөн. Мындан сырткары, кайрадан органдарга кызматка кирүүнү көздөп, документтерин чогулта баштаган", — деп айтылат билдирүүдө.

КРдин Кылмыш жана жаза кодексинин 97-беренеси ("Адам өлтүрүү") менен кылмыш иши козголуп, шектелүүчүлөр Сокулук РИИБдин убактылуу кармоо жайына камалды.

Иликтөө иштери улантылып жатат.

Жаңылыктар түрмөгү
0