Якутск шаары. Архив

Кыргызстандык спортчу Якутияда эмнеден улам каза болгону иликтөөгө алынат

923
(жаңыланган 15:37 16.08.2017)
Дипломатиялык өкүлчүлүк кыргызстандык жаран киши колдуу болгонун тактап же төгүндөй элек

БИШКЕК, 16-авг. — Sputnik. Кыргызстандын Россиядагы элчилиги РФнын укук коргоо органдарынан Якутияда кыргызстандык жарандын каза болушу тууралуу фактыны иликтөөгө алууну суранды. Бул тууралуу дипломатиялык ведомстводон билдиришти.

Буга чейин маркумдун энеси баласынын сөөгү 9 же 10-августта Усть-Нера шаарынын жанынан табылганын Turmush агенттигине билдирген. Аны өлтүргөндөн кийин даракка илип коюшкан. КР жараны бир жылга жетпеген убакыт мурда эжеси жана жездеси менен Якутияга учуп кеткен. Ал ашпозчу болуп эмгектенип, апасына бат-баттан телефон чалып турган. Ал ошондой эле спорттун эрежесиз эр уруш түрү менен алектенип, жыйынтык көрсөтүүгө аракет кылып жүргөнүн агенттик жазып чыкты.

Дипломатиялык өкүлчүлүк кыргызстандык жаран киши колдуу болгонун тактап же төгүндөй элек.

Элчилик Якутиянын тергөө органдарынан окуяны тыкыр иликтөөнү өтүндү.

923
Белгилер:
өлүм, Элчилик, Якутия
Тема боюнча
Ысык-Көлдө эс алууга барып, аялын муунтуп салган киши милицияга өзү келди
ТИМ Түркияда унаа багажнигинен табылган кыргызстандык аялдын чоо-жайын айтты

Каракчылыкка шектүүнү Бишкекте спецназ кармады. Видео

177
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

177
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды
Кары киши. Архивдик сүрөт

Беш айдан бери дайынсыз. Чүйдө 61 жаштагы киши изделүүдө

21
(жаңыланган 16:28 02.12.2020)
Издөө салынган киши күрөң түстөгү свитер, жеңи кыска көйнөк, көк түстөгү спорттук шым, кара туфли жана башына кара кепка кийип жүргөн.

БИШКЕК, 2-дек. — Sputnik. Чүйдө беш айдан бери 61 жаштагы киши изделүүдө. Бул тууралуу Чүй облустук ички иштер башкармалыгынын маалымат кызматы кабарлады. 

Без вести пропавший Сулайманов Сайдали
© Фото / пресс-служба ОВД Московского района
Жоголуп кеткен 61 жаштагы Москва районунун Беш-Терек айылынын жашоочусу Сайдалы Сулайманов

Ага ылайык, жоголгон Сайдалы Сулайманов Москва районунун Беш-Терек айылында жашачу. Ал үйүнөн 2020-жылдын 15-июнунда чыгып кеткен боюнча кайрылып келген эмес.

Изделип жаткан кишинин бою 170-175 сантиметр, чачын ак баскан, кыска. Көздөрү кара, кашы калың. Ал күрөң түстөгү свитер, жеңи кыска көйнөк, көк түстөгү спорттук шым, кара туфли жана башына кара кепка кийип жүргөн.

Дайынсыз жоголуп жаткан киши тууралуу кандайдыр бир маалымат болсо, Чүй ОИИБ (0312) 43-01-27, (0312) 43-88-85 телефондоруна, ал эми Москва райондук ИИБ (0312) 60-77-27, 0550 22-17-17,0707 54-21-71 номерлерине чалып коюуну өтүндү.

21
Белгилер:
Чүй облусу, милиция, белги, издөө
Тема боюнча
Баткенде жоголгон аял Өзбекстан менен Тажикстандан да изделип жатат. Сүрөт