Сокулукта үч унаанын катышуусунда жол кырсыгы

Сокулукта үч машина кагышып эки киши жаракат алды. Видео

543
(жаңыланган 13:56 18.09.2017)
Оор жүк ташуучу унаанын дөңгөлөгү жарылгандыктан карама-каршы тилкеге чыгып кетип Porter унаасын сүзгөн

БИШКЕК, 17-сен. — Sputnik. Сокулукта үч унаанын катышуусунда жол кырсыгы катталганын Sputnik Кыргызстан агенттигинин кабарчысы жеринен билдирди.

  • Автоавария с участием трех машин в Сокулуке
    Сокулукта үч унаанын катышуусунда жол кырсыгы катталган
    © Sputnik / Актан Темирканов
  • Автоавария с участием трех машин в Сокулуке
    Окуя бүгүн болжол менен саат 17.30да Фрунзе жана Алмата көчөлөрүнүн кесилишинде катталган.
    © Sputnik / Актан Темирканов
  • Автоавария с участием трех машин в Сокулуке
    Анда оор жүк ташуучу унаа, дарбыз жүктөп бара жаткан Porter жана Ford үлгүсүндөгү унаалар менен кагышкан.
    © Sputnik / Актан Темирканов
  • Автоавария с участием трех машин в Сокулуке
    Оор жүк ташуучу унаанын айдоочусунун айтымында, анын дөңгөлөгү жарылып карама-каршы тилкеге чыгып кеткен.
    © Sputnik / Актан Темирканов
  • Автоавария с участием трех машин в Сокулуке
    Ал жактан Porter менен кагышып Ford унаасын каптап калган.
    © Sputnik / Актан Темирканов
  • Автоавария с участием трех машин в Сокулуке
    Porter унаасындагы эки адамды ооруканага алып кетишти"
    © Sputnik / Актан Темирканов
  • Автоавария с участием трех машин в Сокулуке
    Сокулук РИИБи аталган аймакта жол кырсыгы катталганын тастыктады.
    © Sputnik / Актан Темирканов
  • Автоавария с участием трех машин в Сокулуке
    Жеринде ыкчам иликтөө тобу иш алып барган.
    © Sputnik / Актан Темирканов
  • Автоавария с участием трех машин в Сокулуке
    Сокулукта үч унаанын катышуусунда катталган жол кырсыгы
    © Sputnik / Актан Темирканов
  • Автоавария с участием трех машин в Сокулуке
    Сокулукта үч унаанын катышуусунда катталган жол кырсыгы
    © Sputnik / Актан Темирканов
1 / 10
© Sputnik / Актан Темирканов
Сокулукта үч унаанын катышуусунда жол кырсыгы катталган

Окуя бүгүн болжол менен саат 17.30да Фрунзе жана Алмата көчөлөрүнүн кесилишинде катталган. Анда оор жүк ташуучу унаа, дарбыз жүктөп бара жаткан Porter жана Ford үлгүсүндөгү унаалар менен кагышкан.

"Оор жүк ташуучу унаанын айдоочусунун айтымында, анын дөңгөлөгү жарылып карама-каршы тилкеге чыгып кеткен. Ал жактан Porter менен кагышып Ford унаасын каптап калган. Porter унаасындагы эки адамды ооруканага алып кетишти", — деди кабарчы.

Сокулук РИИБи аталган аймакта жол кырсыгы катталганын тастыктады. Жеринде ыкчам иликтөө тобу иш алып барган.

543
Белгилер:
дарбыз, Сокулук
Тема:
Кыргызстанда 2017-жылдын башынан берки жол кырсыктары (512)
Тема боюнча
Бишкектин борборунда Mercedes тосмону талкалап кетти
Канттын жанында эки унаа сүзүштү. Жеринен алынган видео
Медициналык кызматкерлер COVID-19дан каза болгон адамдын өрттөө үчүн көтөрүп жатышат. Архив

Сөөгү өрттөлүп, о дүйнөгө узаган "маркум" кайтып келди. Индиядагы окуя

283
(жаңыланган 19:37 29.11.2020)
Эркек киши коронавирус инфекциясы менен ооруканага жаткырылып, бир нече күндөн кийин каза болду деген кабар келген.

БИШКЕК, 29-ноя. — Sputnik. Индияда эркек киши үй-бүлөсү сөөгүн ооруканадан алып кетип өрттөп салгандан бир жумадан кийин үйүнө келди. Бул тууралуу NDTV телеканалына таянуу менен РИА Новости жазды.

Ноябрдын башында 75 жаштагы кишини коронавирус инфекциясы менен ооруканага жаткырышкан. Бир нече күндөн кийин ал каза болду деген кабар жакындарына угузулган. Сөөгү вирусту алдын алуу протоколуна ылайык сакталып, жакындарына анын бети гана көрсөтүлгөн.

Туугандарынын айтымында, сөөктү өрттөп, атайын ырым-жырымды өткөрүүгө даяр турушкан. Бирок аларга ооруканадан чалышып, сакайып чыккан жакынын алып кетүүнү өтүнүшкөн.

"Биздин оозубуз ачылып калды. Атабызды аман-соо үйгө алып келдик. Бирок кимдин сөөгүн өрттөгөнүбүздү билбейбиз", — деген кишинин уулу.

Кийин териштире келгенде, үй-бүлө мүчөлөрү коронавирус жуктурган дагы бир улгайган бейтапты кремациялаганы белгилүү болгон.

283
Белгилер:
өрттөө, сөөк, коронавирус, Индия
Тема:
Дүйнөгө жайылган коронавирус
Тема боюнча
Казакстанда эки ай мурда сөөгү жерге берилген адам үйүнө кайтып келди
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

211
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

211
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш
Студент сабак учурунда. Архив

Сурабалдиева ЖОЖ, мектеп, бала бакчалардын качан иштей турганын айтты

369
(жаңыланган 23:21 29.11.2020)
Өкмөттүн мүчөсү өлкөдөгү бала бакчалардын иши боюнча бир катар маселелери бар экенин белгилеп өткөн.

БИШКЕК, 29-ноя. — Sputnik. Кыргызстандагы жогорку окуу жайлар жаңы жылдан кийин иштейт баштайт. Ал эми бала бакчалар боюнча айрым татаалдыктар бар. Бул тууралуу вице-премьер Эльвира Сурабалдиева соцтармактагы баракчасы аркылуу билдирди.

​Суроо бергендерге жооп берип жатып өкмөт мүчөсү мектептерди ата-энелердин суранычынын негизинде ачуу маселеси турганын белгиледи.

​Сурабалдиеванын айтымында, азыр оору жайылып кетсе, илдетке кабылгандардын агымын тейлөөгө ооруканалар, тийиштүү кызматтар жетише алабы деген гана көйгөй турат.

"Ансыз деле ата-энелер улам бир мугалимге акы төлөп барып жатышат. Демек азыркыдай махинациянын зарылдыгы жок", — деп жазган чиновник.

Белгилей кетсек, республиканын айрым жерлеринде мектептер, бала бакчалар иштеп жатат. Эпидемиологиялык абал курч деген аймактарда гана окуу онлайн жүрүүдө.

369
Белгилер:
өкмөт, Эльвира Сурабалдиева, бала бакча, ЖОЖ, мектеп
Тема:
Коронавируска байланыштуу Кыргызстандагы кырдаал
Тема боюнча
Бишкектин кинотеатрлары качан ачылары айтылды
Бишкекте бир шарт менен компьютердик клубдардын ишин жандантуу каралууда