Бишкекте адам уурдоого шектелген кылмыштуу топ кармалды

© Sputnik / Евгений Биятов / Медиабанкка өтүүОглашение приговора по делу о похищении сына Е.Касперского
Оглашение приговора по делу о похищении сына Е.Касперского - Sputnik Кыргызстан
Жазылуу
Колго түшкөндөр убактылуу кармоо жайына киргизилип, иликтөө иштери башталды

БИШКЕК, 29-сен. — Sputnik. Бишкекте адам уурдоого жана ири өлчөмдө акча тоноого шектелген топ кармалгандыгын ИИМдин маалымат кызматынан билдиришти.

Сентябрь айында Бишкек тургунуна 25-35 жаштагы белгисиз адамдар өздөрүн уюшкан кылмыштуу топтун мүчөсүбүз деп айтып, аны унаага кыйнап салып кетишкен. Кийин Ала-Арча капчыгайына алып барып, сабап, андан соң жакындарынан акча талап кылышкан.

Милициянын маалыматына караганда, алар барымтадагы адамдын жакындарына батирди арзыбаган акчага саттырган. Ошентип уурдалган адамдын жакындарынан 20 миң доллар акча алып, туткунун кое беришкен. 

Столдогу акча каражаттары, архивдтик сүрөт - Sputnik Кыргызстан
Ишкер: чекист менен урушкандан кийин 156 миң сом акчам жоголду
Бир нече күн өтүп адам уурдагандар кайрадан 80 миң доллар сурашканда, жабырлануучу тарап милицияга кайрылган. 

Жабырлануучулардын алгач 500 доллар берип туралы деген суранычына макул болуп, жолугушууга келген 41 жаштагы жаран "Мадина" базарынын жанынан колго түшүрүлдү. 

Анын аркасынан эле кымыштуу топтун 40 жаштагы башчысы жана 33, 32 жаштардагы эки мүчөсү кармалды. 

Колго түшкөндөр убактылуу кармоо жайына киргизилип, иликтөө иштери башталды.

Милициянын маалыматы боюнча бул кылмыштуу топ мурда дагы акчалай пайда көрүү үчүн адам уурдап жүргөнү белгилүү болду.

Жаңылыктар түрмөгү
0