БИШКЕК, 14-дек. — Sputnik. Бүгүн, 14-декабрда, Нарын шаарында беш жаштагы баланын сөөгү табылганын облустук ИИБдин маалымат кызматы кабарлады.
Билдирүүгө ылайык, бала 13-декабрь күнү болжол менен саат 17.30 — 18.00дөр аралыгында жоголуп кеткен. Милицияга наристенин энеси кайрылган. Баланын сөөгү арыз түшкөндөн кийин дароо эле үйүнөн анча алыс эмес жерден табылган.
"Үй-бүлө Нарын дарыясынын жанында, жарга жакын жашайт экен. Алдын ала божомол боюнча бала 7 метрлик бийиктиктен ташка кулап кеткен", — деп айтылат маалыматта.
"Жубайлар көп ичишчү. Болду-болбоду ал күнү да ичип отуруп, баланын жоголгонун билбей калышса керек. Эртеси текшерүүдөн өткөргөндө да алардын кызуу экени такталды", — дешти тартип сакчылары.
Азырынча кылмыш иши козголо элек. Кийинки чечим экспертизанын жыйынтыгы менен чыгарылмакчы.
