БИШКЕК, 28-дек. — Sputnik. Чүй облусундагы Кегети айылынын Исаев атындагы орто мектебинин 7-8-классынын окуучулары генератордон чыккан түтүнгө ууланып, ооруканага түштү. Бул туурасында Саламаттык сактоо министрлигинин маалымат кызматынан кабарлашты.
Өзгөчө кырдаалдар министрлиги тараткан билдирүүдө 7-8-класстын окуучулары электр жарыгы жок учурда мектептин спорт залында электр чыгаруучу генератордун жардамы менен дискотека уюштурушканы айтылат.
Дискотека саат 14:00дө башталып, болжол менен үч сааттан кийин окуучулары ооруканага түшө баштаган.
110 кишинин арасында мугалимдер да бар. 38 киши ооруканага жаткырылып, үч окуучудан башкалары үйлөрүнө чыгарылган.
