Арча-Бешик жаңы конушунда турак үй өрттөнүп, беш балалуу үй-бүлө көчөдө калды.

Арча-Бешикте турак үй өрттөнүп, беш балалуу үй-бүлө көчөдө калды. Видео

1750
(жаңыланган 10:23 28.01.2018)
Ызгаар суукта көчөдө калган үй-бүлө учурда туугандарыныкында баш калкалап жатат

БИШКЕК, 27-янв. — Sputnik. Арча-Бешик жаңы конушунда турак үй өрттөнүп, беш балалуу үй-бүлө көчөдө калды. Бул тууралуу Sputnik Кыргызстан агенттигине өрттөнүп кеткен үй ээси Акылбек Насыров билдирди.

Анын айтымында, кырсык кечээ таңкы саат 06:00 чамасында болгон. 

© Видео / Кыялбек Ниетов
Арча-Бешикте турак үй өрттөнүп, беш балалуу үй-бүлө көчөдө калды. Видео

"Эртең менен намазга турсам конок бөлмөдө диван өрттөнүп жатыптыр. Үйдөгүлөрдү ойготуп өзүбүз өчүрүүгө аракет кылдык. Бирок өрт бат жайылып балдарды эле алып чыкканга үлгүрдүк. Башкасынын баары күйүп, эч нерсеси жок калдык. Эмнеден улам чыкканын өзүбүз да түшүнбөй калдык", — деди Насыров.

Ызгаар суукта көчөдө калган үй-бүлө учурда туугандарыныкында баш калкалап жатат.

Ал эми ӨКМ Арча-Бешик конушунун Жаңы-Турмуш көчөсүндө жайгашкан эки кабаттуу турак үй толугу менен өрттөнүп кеткенин ырастап, учурда себеби такталып жатканын маалымдады.

1750
Белгилер:
кырсык, өрт, Арча-Бешик
Тема боюнча
Ноокаттагы өрттөнгөн кафе толугу менен күйүп кетти. Кырсыктын чоо-жайы
Түштүк Кореяда оорукана өрттөнүп, 31 киши каза болду
Актөбөдө өрттөнгөн автобус: көз жумгандардын арасында ата-бала, ага-инилер болгон
Жарылуу болгон жерде газ баллон. Архивдик сүрөт

Таластагы тамактануучу жайда газ баллон жарылып, жаракат алган аял көз жумду

55
(жаңыланган 19:14 23.01.2021)
4-январда Кара-Буура районундагы Кызыл-Адыр айылында "Шаурма City" коомдук тамактануучу жайында жарылуу болгон.

БИШКЕК, 24-янв. — Sputnik. Талас облусунда коомдук тамактануучу жайдан газ баллон жарылып жаракат алган аял каза болду. Бул тууралуу Бишкек травматология жана ортопедия илим-изилдөө борборунун маалымат кызматы билдирди.

39 жаштагы аял 21-январь күнү көз жумган. Ал күйүк алып өтө оор абалда ооруканага түшүп, жандандыруу бөлүмүндө жаткан.

Белгилей кетсек, 4-январь күнү Таластын Кара-Буура районундагы Кызыл-Адыр айылында "Шаурма City" коомдук тамактануучу жайында жарылуу болгон. Анын кесепетинен 11 адам жаракат алган, арасында жаш балдар дагы бар. Төртөө өтө оор абалда райондук ооруканага жаткырылган. Ар кимисинин күйүгү ар кандай деңгээлде болгон.

Реанимацияда жаткандардын экөө Бишкек травматология жана ортопедия илим-изилдөө борборуна которулган.

55
Белгилер:
өлүм, күйүк, жарылуу, баллон, газ, Талас
Тема боюнча
Денесинин 82%ы күйгөн. Таластагы жарылуудан жабыркагандардын абалы айтылды
Мурдагы Фрунзе заводунда жарылуу болуп, үч адам жабыркады
Кишен жана унаа. Архивдик сүрөт

Бишкекте унаасы менен кишини коюп качып кетти деген аял кармалды

75
(жаңыланган 18:51 23.01.2021)
Мурдагы күнү Үмөталиев жана Москва көчөлөрүнүн кесилишинде айдоочу унаасы менен жөө тургунду сүзүп, окуя болгон жерден из жашырып кеткен.

БИШКЕК, 23-янв. — Sputnik. Бишкекте кишини унаасы менен сүзүп качып кетти деген аял кармалганын милициянын Кайгуул кызматынан билдиришти.

21-январда саат 17:00дөр чамасында Үмөталиев жана Москва көчөлөрүнүн кесилишинде белгисиз айдоочу унаа менен жөө тургунду сүзүп, жол кырсыгы болгон жерден из жашырып кеткен. Окуянын кесепетинен 33 жаштагы киши ооруканага жаткырылган.

"Коопсуз шаардын" камералары аркылуу жол кырсыгына шектелип Lexus 470 унаасынын ээси — 1992-жылы төрөлгөн А. А. аттуу аял кармалды", — деп айтылат билдирмеде.

Шектүү Бишкек ШИИБдин тергөө кызматына жеткирилген.

Факты Кылмыш жана жоруктардын бирдиктүү реестринде катталып, сотко чейинки өндүрүш башталды.

75
Белгилер:
шектүү, кармоо, сууда сүзүү, жол кырсык, Бишкек
Тема:
2021-жылдын башынан бери Кыргызстанда болгон жол кырсыктар
Тема боюнча
Мотору ыргып кеткен. Токмоктогу үрөй учурган жол кырсыгынын видеосу
Унаа экиге бөлүнүп кеткен. Чүйдө эки киши ажал тапкан жол кырсыктын видеосу
Бишкекте Кайгуул милициянын унаасы өкмөттүк трассада аялды сүзүп кетти
Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

Кыргыз тарап Россияга "Спутник V" вакцинасын өлкө аймагында өндүрүүнү сунуштады

0
(жаңыланган 22:31 23.01.2021)
КРдин Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

БИШКЕК, 23-янв. — Sputnik. Кыргызстан Россияга коронавируска каршы "Спутник V" вакцинасын өлкө аймагында өндүрүүнү сунуш кылды. Бул тууралуу РФтеги элчилик кабарлады.

Кечээ Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

"Сүйлөшүүлөрдүн жүрүшүндө Сагынбаев коронавирустан коргогон "Спутник V" вакцинасын Кыргызстандын аймагында өндүрүүнү уюштуруу мүмкүнчүлүгүн караштырууну сунуштады", — деп айтылат маалыматта.

Мындан тышкары, жеңил өнөр жай ишканаларын өнүктүрүүдө жана өлкөдө өндүрүлгөн чийки заттарды экспорттоодо кызматташтыкты чыңдоо маселелери талкууланган. Тараптар жакынкы жылдары "өнөр жай картасын" иштеп чыгуу келишимине кол коюшкан.

Россия тарап өнөр жай тармагында инвестициялык долбоорлорду ишке ашыруу үчүн Россия-Кыргыз өнүктүрүү фондунун жеңилдетилген насыяларын пайдаланууну сунуштаган.

Мындан сырткары, Россиянын өнөр жай жана соода министри кыргыз тарапты апрель айында Өзбекстанда өтө турган "ИННОПРОМ" эл аралык көргөзмөсүнө катышууга чакырган.

0
Белгилер:
жолугушуу, сунуш, өндүрүүчү, вакцина, коронавирус, Спутник V, Россия, Кыргызстан
Тема:
"Спутник V" вакцинасы
Тема боюнча
"ЭпиВакКоронадан" эмне күтүүгө болот? COVID-19га каршы вакцина тууралуу кеп
Венгрия Россиядан 2 миллион доза "Спутник V" вакцинасын алып жатат. Видео