Акча санап жаткан адам. Архив

Апаңа айтам! Ошто кызды опузалап акча талап кылган жигит кармалды

644
(жаңыланган 16:08 13.03.2018)
Шектүүгө карата Кылмыш жаза кодексинин 170-беренеси боюнча кылмыш иши козголду

ОШ, 13-мар. — Sputnik. Ошто кытай жигитине турмушка чыккан 21 жаштагы студент кызды "ата-энеңе айтам, сабакка келбей жүргөнүңдү кабарлайм" деп опузалап, 100 миң сом талап кылган киши кармалды. Бул тууралуу шаардык милициядан билдиришти.

Маалыматка ылайык, шектүү студент кыздан 30 миң сом өлчөмүндө акча алып жаткан жеринен Ош ШИИБинин Ак-Буура милиция бөлүмүнүн кызматкерлери тарабынан колго түшүрүлгөн.

"Студент кыздын 23 жаштагы Улан аттуу таанышы телефон аркылуу кат жазып, "сенин башка улуттагы адамга турмушка чыккандыгың жана окууга келбей жүргөнүң тууралуу ата-энеңе айтам" деп коркутуп 100 миң сом талап кылган", — деп милициядан билдиришти.

Мындан сырткары, кыз тууралуу телефон аркылуу ар кимге ар кандай маалыматтарды тарата турганын айтып коркуткан. Жабырлануучунун арызынын негизинде шектүү кармалып, убактылуу кармоочу жайга киргизилди. Ага карата Кылмыш жаза кодексинин 170-беренеси боюнча кылмыш иши козголду.

Учурда бул фактынын негизинде тергөө амалдары жүрүп жатат.

644
Белгилер:
опузалоо, шектүү, милиция, Кытай
Тема боюнча
"Апа-аа, адам өлтүрүп алдым..." Абактагы алдамчылар канткенде ооздукталат?
Кызды төртөөлөп кордогондордун бири гана 1,5 жылга кесилди. Февралдын сот чечимдери
Кишендер. Архив

Төрт айдын ичинде Кыргызстанда 8 миң киши кылмышка барган

17
Кылмыш кылганы аныкталган 8 миң кишинин 16,5 пайызы аялдар, 4,7 пайызын жашы жете элек балдар түздү. Булардын 54 пайызы эч жерде иштеген жана окуган эмес.

БИШКЕК, 24-июн. — Sputnik. Үстүбүздөгү жылдын төрт айында республика боюнча кылмыштуулуктун саны 31 пайызга өстү. Январь-апрель айларында өлкөдө 8 миңге жакын адам кылмыш кылганын Башкы прокуратурага шилтеме берип Улуттук статистика комитети жазды.

"Төрт айда Кыргызстанда 17,5 миң кылмыш катталган. Бул 2020-жылдын ушул учуруна салыштырмалуу 31 пайызга көп дегенди түшүндүрөт. Кылмыштардын 60 пайызы Бишкек шаарында жана Чүй облусунда жасалган", — деп айтылат билдирүүдө.

Кылмыштын көбөйгөн түрлөрү:

  • алдамчылык — 1,7 эсеге;
  • уурулук — 30 пайызга;
  • тоноо – 10 пайызга;
  • адам өлтүрүү — 21 пайызга;
  • зордуктоо жана зордуктоо максатында кол салуу — 17 пайызга;
  • ден соолукка анча оор эмес зыян келтирүү – 11 пайызга;
  • кызмат абалынан кыянаттык менен пайдалануу — 21 пайызга;
  • ишенип берилген мүлктү ыйгарып алуу же чыгымдоо — 2,3 эсеге;
  • паракорлук — 14 пайызга;
  • баңгизаттарды мыйзамсыз жүгүртүү — 29 пайыз.

Кылмыш кылганы аныкталган 8 миң кишинин 16,5 пайызы аялдар, 4,7 пайызын жашы жете элек балдар түздү. Булардын 54 пайызы эч жерде иштеген жана окуган эмес.

17
Белгилер:
статистика, өсүү, кылмыш, Кыргызстан
Тема боюнча
Военно-Антоновкадагы балдар үйүндө көз жумган өспүрүм. Эки экспертиза дайындалды
Ошто студенттерден пара алууга шектелип камалган декан үй камагына чыкты
Чек арачы. Архив

Сөөк ашуусундагы жол кырсыкта бир чек арачы каза болду

113
(жаңыланган 12:28 24.06.2021)
Окуя кечээ, 23-июнь күнү, Ысык-Көл облусунда болгон. Айдоочу Сөөк ашуусунда бара жатканда рулду башкара албай, автоунаа оодарылып кеткен.

БИШКЕК, 24-июн. — Sputnik. УКМКнын Чек ара кызматынын аскери кызматтык милдетин аткарып жүрүп жол кырсыгынан каза болду. Бул тууралуу аталган мекемеден кабарлашты.

Кырсык кечээ, 23-июнь күнү, Ысык-Көл облусунда болгон.

"Коюлган тапшырманы аткаруу үчүн үч аскер жүк ташуучу автоунаа менен жүк алып бара жаткан. Алдын ала маалыматтарга караганда, айдоочу Сөөк ашуусунда рулду башкара албай, автоунаа оодарылып кеткен. Кесепетинде айдоочу ооруканага жетпей жолдо каза болуп, эки аскер ар кандай жаракат алды", — деп айтылат билдирүүдө.

Жол кырсыгы боюнча тергөө иштери башталып, окуя кандай жагдайда болгону такталып жатат.

113
Белгилер:
өлүм, жол кырсык, Аскер, чек ара, Ысык-Көл, Кыргызстан
Тема:
2021-жылдын башынан бери Кыргызстанда болгон жол кырсыктар
Тема боюнча
15 жаштагы бала айдап... Ноокаттагы 6 киши көз жумган кырсыктын чоо-жайы
Шайлоо жана референдумдарды өткөрүү боюнча борбордук комиссиянын мүчөсү Кайрат Осмоналиев. Архив

БШК мүчөсү Кайрат Осмоналиев Азербайжанга элчи болуп бекиди

0
(жаңыланган 17:46 24.06.2021)
Буга чейин ЖК комитети Осмоналиевдин талапкерлигин жактырган болчу. Президент аны дипломатиялык кызматка өз жарлыгы менен бекитти.

ИШКЕК, 24-июн. — Sputnik. Шайлоо жана референдумдарды өткөрүү боюнча борбордук комиссиянын мүчөсү Кайрат Осмоналиев Кыргызстандын Азербайжандагы элчиси болду. Бул тууралуу президенттин маалымат кызматы кабарлады.

Тиешелүү жарлыкка президент Садыр Жапаров кол койгон.

Буга чейин Жогорку Кеңештин Эл аралык иштер, коргоо жана коопсуздук боюнча комитети Осмоналиевди кызматка дайындоону жактырган.

Осмоналиев 2016-жылдан бери БШКнын мүчөсү болуп келген. Ал Кыргыз улуттук университетинин ардактуу илимий доктору, профессор, дасыккан юрист.

0
Белгилер:
юрист, элчи, Кайрат Осмоналиев, БШК, Азербайжан, Кыргызстан
Тема боюнча
Садык Шер-Нияз Францияга элчи болуп дайындалды