На месте крупного пожара на территории Ошского рынка в Бишкеке

Кайрадан өрт. "Ош" базары алоолонгон жалында калды

428
(жаңыланган 14:52 13.04.2018)
Тилсиз жоо 13-апрелдин түнүндө катталган

БШКЕК, 13-апр. — Sputnik. Бишкектеги "Ош" базарында кайтадан өрт чыкты. Кырсык болгон жерге келген өрт өчүрүүчүлөрдүн билдиришинче, тилсиз жоо тууралуу маалымат таңкы саат 4:30дар чамасында келип түшкөн.

  • Бишкектеги Ош базарында кайтадан өрт чыкты
    Бишкектеги "Ош" базарында кайтадан өрт чыкты
    © Sputnik / Эркин Садыков
  • Кырсык болгон жерге келген өрт өчүрүүчүлөрдүн билдиришинче, тилсиз жоо тууралуу маалымат таңкы саат 4:30дар чамасында келип түшкөн
    Кырсык болгон жерге келген өрт өчүрүүчүлөрдүн билдиришинче, тилсиз жоо тууралуу маалымат таңкы саат 4:30дар чамасында келип түшкөн
    © Sputnik / Эркин Садыков
  • Sputnik Кыргызстан агенттигинин кабарчысынын жеринен билдиришинче бул ирет өрт Береке Гранд соода борборуна жакын жердеги тазалык каражаттарын сатуучу жайда (Киев менен Кулуев көчөлөрүнүн кесилиши) чыккан.
    Sputnik Кыргызстан агенттигинин кабарчысынын жеринен билдиришинче бул ирет өрт "Береке Гранд" соода борборуна жакын жердеги тазалык каражаттарын сатуучу жайда (Киев менен Кулуев көчөлөрүнүн кесилиши) чыккан.
    © Sputnik / Эркин Садыков
1 / 3
© Sputnik / Эркин Садыков
Бишкектеги "Ош" базарында кайтадан өрт чыкты

Sputnik Кыргызстан агенттигинин кабарчысынын жеринен билдиришинче бул ирет өрт "Береке Гранд" соода борборуна жакын жердеги тазалык каражаттарын сатуучу жайда (Киев менен Кулуев көчөлөрүнүн кесилиши) чыккан. 

"Өрт саат 4:00дөр чамасында эле алыстан көрүнүп жаткан. Учурда кырсык болгон жерде сегиз өрт өчүрүүчү машина иштеп жатат. Милиция аймакты курчоого алды", — деди кабарчы.

Быйыл аталган базарда ушуну менен үчүнчү жолу өрт чыгууда. Биринчи кырсык 30-январда болсо, экинчиси 5-мартта катталган.

428
Белгилер:
базар, Бишкек
Тема:
"Ош" базарындагы үчүнчү өрт (26)
Тема боюнча
"Ош" базарын кайрадан өрт чулгады. Учурда эмне болуп жатат
"Ош" базарында кайтадан өрт чыкты. Видео
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

68
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

68
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео  
Кыргыз мамлекеттик медициналык академиясынын проректору, профессор, нейрохирург Кеңешбек Ырысов

Ырысов: автоунаа кырсыгынан улам мээси жабыркаган бейтаптар көбөйдү

62
Кыргыз мамлекеттик медициналык академиясынын проректору, профессор, нейрохирург Кеңешбек Ырысов мээ шишиктерине күнүнө ондон операция жасалып жатканын айтты.

Мээнин шишиги эмнеден пайда болору дагы деле белгисиз. Бирок окумуштуулардын божомолуна караганда, тукум куучулук, радиация, экологиянын бузулушу, андан сырткары, химиялык заттар менен көп иштөө таасир этет. Бул тууралуу Кеңешбек Ырысов Sputnik Кыргызстан радиосунун эфиринде маек куруп жатып билдирди.

Ырысов: автоунаа кырсыгынан улам мээси жабыркаган бейтаптар көбөйдү

Анын айтымында, Кыргызстанда акыркы он жылда компьютердик томография жайылып, элге жеткиликтүү болуп калгандан кийин диагностика кыйла жеңилдеп калды.

"Адамдын мээси дагы деле толук изилденип бүтө элек табышмактуу орган. Ошондуктан мээ, жүлүн ооруларынын диагнозун коюу, дарылоо абдан татаал. Жыл өткөн сайын нейрохирургияга байланыштуу изилдөөлөр жүрүп, жыйынтыгын окумуштуулар жарыялап жатат. Ошентсе да булар органды толук таанып-билүү үчүн жетишсиздик кылат. Кыргызстанда акыркы он жылда нейрохирургиянын абалы жакшырды. Мээге операция жасоонун заманбап, жогорку технологиялык ыкмалары жайылууда. Бейтаптарга инвазивдик операция жасап жатабыз. Жыл өткөн сайын баш сөөгүнөн, мээсинен жаракат алгандар көбөйүп бара жатат. Өзгөчө автоунаа кырсыктарынын кесепетинен мээси жабыркаган бейтаптар көп болууда. Көпчүлүгү майып болуп калып же толук жакшы болуп кете албай жатышат. Андыктан бул маселеге да көңүл бурулушу керек. Ошону менен бирге мээ шишиктеринен жабыр тарткан бейтаптар да көп. Күнүнө ондон операция жасап жатабыз. Шишик негизги кан тамырды каптап өсүп калган учурлар болот. Ошондуктан мээдеги шишикти башка органдардагыдай кылып толук алып сала албайбыз. Убакыт өткөндөн кийин ал кайра өсө берет. Шишик мээдеги тамырларды кысканда бейтаптын бир капталы иштебей, шал болуп же сүйлөй албай калат. Азыр оорулуу 90 пайыз жакшы болуп кетсе,  биз үчүн чоң жеңиш", — деди Ырысов.

Нейрохирург мээдеги залалдуу шишикке караганда залалсызы өтө кооптуу экенин, себеби ал химиялык нур менен дарылоону тоготпой турганын кошумчалады.

Подкасттын толук вариантын төмөнкү видеодон көрүңүз:

62
Белгилер:
шишик, диагноз, мээ, Кеңешбек Ырысов
Тема боюнча
Мээни керексиз маалыматтардан кантип тазалоо керек. Адистин кеңеши