Ош базарындагы өрт. Архив

Базарлардагы сырдуу өрттөн канча акча жок болду? "Куйкаланган" миллиондор...

606
(жаңыланган 09:35 24.04.2018)
Борбор калаадагы "Ош" базарына 75 адам ээлик кылат. Ал жакта соода кылгандар патент үчүн быйыл жыл башынан бери 10,2 миллион сом төлөгөн.

БИШКЕК, 19-апр. — Sputnik. Төрт айдын ичинде өлкөнүн базарларында төрт ири өрт кырсыгы катталды. Мунун кесепетинен жүздөгөн адам миллиондогон чыгымга кириптер болуп отурат. Деген менен алиге чейин улам кайталанган тилсиз жоого күнөөлүүлөр табылбай, эч бир адамга чара көрүлө элек.

Кечээ, 18-апрелде, парламент өкмөттүн өкүлдөрүн чакырып базарлардагы өрт кырсыктары боюнча маселени карады. Анда вице-премьер Санжар Муканбетов өрттөн жабыр тарткан ишкерлер жана келтирилген чыгымдар туурасында маалымат берди.

Жыйынтыгы төмөндөгүдөй:

Биринчи өрт

© Sputnik / Акылбек Батырбеков , Эмиль Садыров
Коюу түтүн, жандалбастаган соодагерлер. "Ош" базарда чыккан өрттүн видеосу

30-январда "Ош" базарынын Киев жана Бейшеналиева көчөлөрүнүн кесилишиндеги кире беришинде жайгашкан "Сейтек" кичи базарында өрт чыгып, 3500 чарчы метр соода жайы күйгөн. Анын кесепетинен 118 соода түйүнү өрттөнүп кеткен. Жабыркагандардан 150 арыз түшүп, салык жана социалдык төлөмдөрдү төлөгөн делип 74 ишкер табылган. Соодагерлердин банктан алган насыясы 17 миллион сомду түздү. Бирок жалпы чыгым канча экени такталган эмес. Базардын жетекчиси — Чолпон Тойчубекова.

Экинчи өрт

© Sputnik / Акылбек Батырбеков
Күлгө айланган күркөлөр. "Ош" базардын өрттөн кийинки көрүнүшү

Арадан бир ай өтүп, 5-март күнү ушул эле "Сейтек" кичи базарын кечки саат 21.06да кайрадан өрт чалды. Анда жалын 800 чарчы метр аянтты жалмап кетти. Жалпы жонунан 60 ишкер чыгымга учураган. Келтирилген зыяндын өлчөмү 18 миллион сомдон ашат. Мунун да жетекчиси Чолпон Тойчубекова.

Үчүнчү өрт

© Sputnik / Акылбек Батырбеков
Өрттөн кийинки "Ош" базарынын көрүнүшү. Видео

13-апрелге караган түнү саат 3.00дөр чамасында Киев жана Кулиев көчөлөрүнүн кесилишиндеги "Берекет" кичи базарында дагы ири өрт чыккан. Мында жалпы жонунан 5400 чарчы метр аянт жалында калды. 359 ишкер зыянга учурап, 601 миллион сомдон ашык каражатын жоготкон. Бул базарга Рахат Момункулов ээлик кылат.

Жалал-Абаддагы өрт

Жалал-Абадда дагы 13-апрелге караган түнү саат 2.00дөр чамасында борбордук базардын 1270 чарчы метр аянты күйүп кетти. Мунун кесепетинен 56 ишкер чыгымга учурап, 32 миллион сомдук зыян тарткан. Канат Усенов жетекчилик кылган муниципиалдык базарда 35 жана жеке ишкер Кубанычбек Анаркуловдун "Амантур" ишканасына таандык жайда 16 соодагер иштечү. Калганы чакан күркөлөрдө өз алдынча соода кылып келген.

Төрт ирет чыккан өрттүн кесепетинен жалпы жонунан 668 миллион сом жок болгон.

Бул боюнча ведомстволор аралык комиссия иштеп жатканы менен соодагерлерге базар жетекчилиги да, өкмөт да алгылыктуу жардам бергени байкалбайт. Болгону насыя алгандарга жеңилдик берүү жана аз пайыздык өлчөм менен насыя берүү жагы каралууда. Жалпы жонунан алганда "Ош" базарына 75 адам ээлик кылат.

Базарлардагы улам кайталанган өрттүн келип чыгуусунун нагизги себеби катары атайлап өрттөө версиясы каралууда. Деген менен мамлекеттик соттук-экспертизанын так кесе айтылган тыянагы чыга элек.

ӨКМ билдиргендей, 2018-жылдын үч айында өлкө боюнча 878 өрт кырсыгы катталган. Тилсиз жоонун айынан 15 адам жабыркап, 28и каза болгон. Ал эми 43 адамдын өмүрү жана 292 миллион сомдон ашык материалдык баалуулуктар сакталып калган.

606
Белгилер:
соодагер, күйүүчү-майлоочу каражат, зыян, базар, өрт, Жалал-Абад облусу, Бишкек
Тема боюнча
Эки саатта 250 соодагердин маңдай тери күл болду. Базардагы өрткө ким жооп берет?
Келгиче эле 1 млн. сомдук товарым күйүп кетти... Таң эрте соодагерди өксүткөн өрт
Миллиондогон акчабыз күйдү! "Ош" базардын күйүткө баткан соодагерлери. Видео
Индиядагы Кожикоде шаарында конуп жатканда кырсыкка учураган учак

Индиядагы учак кырсыгы: каза болгондордун саны 20га жетти

21
(жаңыланган 10:54 08.08.2020)
Дубайдан келген учактын ичинде 190 адам болгон. Лайнерде пандемиядан улам мекенине келе албай чек арада калган индиялыктар отурган.

БИШКЕК, 8-авг. — Sputnik. Индиядагы Кожикоде шаарында учак конуп жатканда кырсыкка учураган учакта каза болгондордун саны 20га жетип, 140ы жарадар болду. Бул туурасында Hindustan Times басылмасына шилтеме берип РИА Новости жазды.

Эске салсак, кечээ Индияда учак кырсыгы катталган. Алгач 17 киши каза болуп, 123ү жарадар болгондугу айтылган.

Маалыматка ылайык, каза болгондордун ичинде эки учкуч да бар. Дубайдан келген Boeing 737 учагынын ичинде 190 адам болгон. Алардын 174ү чоң адамдар, ону балдар жана алты экипаж мүчөсү. Учакта пандемиядан улам мекенине келе албай чек арада калган индиялыктар болгон.

21
Белгилер:
өлүм, кырсык, учак, Дубай, Индия
Тема боюнча
Иран 167 жүргүнчүсү менен атып түшүргөн учак үчүн компенсация төлөйт
14 киши көз жумду. Индияда учак экиге бөлүнүп кетип, кырсыктаган видео
Индиядагы Кожикоде шаарында учак конуп жатканда жерге катуу тийген

14 киши көз жумду. Индияда учак экиге бөлүнүп кетип, кырсыктаган видео

245
(жаңыланган 23:55 07.08.2020)
Алдын ала маалыматка ылайык, Boeing 737 учагы Дубайдан келген. Анын бортунда 170тен ашык жүргүнчү болушу мүмкүн экени айтылган.

БИШКЕК, 7-авг. — Sputnik. Индиядагы Кожикоде шаарында учак конуп жатканда жерге катуу тийип, 14 адам каза таап, 123ү жарадар болду. Бул туурасында РИА Новости ANI агенттигине шилтеме берип кабарлады.

Алдын ала берилген маалыматта, Дубайдан келген Boeing 737 учуп-конуучу тилкеден чыгып кетип, андан кийин экиге бөлүнүп калган.

Индиянын Авиация министрлигинен учактагы 174 жүргүнчүнүн ону балдар, бешөө экипаж мүчөсү болгонун кабарлады.

Кырсык болгон жерге Тез жардамдын 24 бригадасы жиберилген. Учактын алдыңкы бөлүгү үзүлүп түшкөндөн кийин, бардык жүргүнчүлөр эвакуацияланган.

"Бактыга жараша учак өрттөнүп кеткен жок", — деген маданият жана туризм министри Альфонс Каннантанам Twitter баракчасына маалымат чыгарып.

NDTV телеканалы кырсыктан улам 30 киши ооруканага жеткирилгенин айтат.

​Учактын алдыңкы бөлүгү толук бойдон талкаланып, учуу тилкесине жана анын чет жактарына сыныктар чачыраган.

Кералынын башкы министри Пинарайи Виджаян полиция, өрт өчүрүүчүлөргө жана тийиштүү чиновниктерге авиакырсыкка карата куткаруу жана медициналык жардам көрсөтүү боюнча чукул чараларды көрүүнү тапшырган.

245
Белгилер:
куткаруу, кырсык, учак, Индия
Тема боюнча
Бразилияда учак автожолго кулап, талкаланып калды. Видео
Коронавируска анализ жасоо үчүн үлгү алып жаткан медицина кызматкери. Архив

COVID-19 оорусу акыркы суткада 425 кишиден аныкталды

0
Коронавирус жана ал козгогон пневмония марттан бери 39 миңден ашык адамдан аныкталды. Соңку кездери күнүнө кеминде 400-500 кишиден чыгууда.

БИШКЕК, 8-авг. — Sputnik. Өлкөдө бир суткада 425 бейтапта коронавирус инфекциясы табылганын Коомдук саламаттыкты сактоо башкармалыгынын башчысы Айнура Акматова брифинг учурунда билдирди.

Акыркы суткада коронавирус жана ал козгогон пневмония төмөнкү жактарда катталган:

Марттан бери Кыргызстанда вирус жуктургандардын саны 39 587ге жетти.

0
Белгилер:
жуктуруу, оору, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Учурда өлкөдө канча адам ооруканада COVID менен күрөшүп жатат? Статистика
Пневмониядан айыккандан кийин өпкөнү өзүнө кантип келтирүү керек? Адистин кеңеши