Импровизированный мостик через реку на улице Рихарда Зорге в городе Токмок, с которого упала в воду и утонула четырехлетняя девочка

Токмокто төрт жашар кыз каналдагы сууга чөгүп кетти. Жеринен тартылган сүрөттөр

322
(жаңыланган 15:13 05.05.2018)
Жергиликтүү тургундун айтымында, каналдагы көпүрө жөн гана тактайдан жасалган.

БИШКЕК, 4-май — Sputnik. Токмокто төрт жашар кыз каналдагы сууга кулап чөгүп кеткенин жергиликтүү тургун Урмат Жумалиев Sputnik Кыргызстан агенттигине билдирди.

  • Токмокто төрт жашар кыз каналдагы сууга кулап чөгүп кеткенин жергиликтүү тургун Урмат Жумалиев Sputnik Кыргызстан агенттигине билдирди
    Токмокто төрт жашар кыз каналдагы сууга кулап чөгүп кеткенин жергиликтүү тургун Урмат Жумалиев Sputnik Кыргызстан агенттигине билдирди
    © Фото / Урмат Жумалиев
  • Анын айтымында, Рихард Зорг көчөсүндөгү каналдагы сууга көп жылдан бери көпүрө катары жөн эле тактайлар колдонулуп келет
    Анын айтымында, Рихард Зорг көчөсүндөгү каналдагы сууга көп жылдан бери көпүрө катары жөн эле тактайлар колдонулуп келет
    © Фото / Урмат Жумалиев
  • Бирок тирөөч катары турган бетондордун бирин суу жууп кеткендиктен тактайлар сууга тийип калган.
    Бирок тирөөч катары турган бетондордун бирин суу жууп кеткендиктен тактайлар сууга тийип калган.
    © Фото / Урмат Жумалиев
1 / 3
© Фото / Урмат Жумалиев
Токмокто төрт жашар кыз каналдагы сууга кулап чөгүп кеткенин жергиликтүү тургун Урмат Жумалиев Sputnik Кыргызстан агенттигине билдирди

Анын айтымында, Рихард Зорг көчөсүндөгү каналдагы сууга көп жылдан бери көпүрө катары жөн эле тактайлар колдонулуп келет. Бирок тирөөч катары турган бетондордун бирин суу жууп кеткендиктен тактайлар сууга тийип калган.

"Кечээ кечинде балдар көпүрөдөн өтүп, төрт жашар кыз тайгаланып жыгылып, сууга түшүп кетиптир. Каналдагы суунун агымы агызып, бир жарым сааттан кийин кыздын сөөгү көпүрөдөн 40-50 метр алыс жерден табылды", — деди Жумалиев.

Жергиликтүү тургун 100-150 метр ары жакта башка көпүрө бар экенин, бирок ал да жарым жартылай бузулуп калганын кошумчалады.

"Дем алыш күндөрү эски көпүрөнү оңдоо, же жаңы көпүрө куруу боюнча кайрылуу жазып, кол топтоюн деп жатам. Шаар бийлиги бул көйгөйгө көңүл бурушу керек", — деди ал.

Чүй облустук ИИББи кыздын каза болгонун тастыктап, ал туурасы 12 метр, тереңдиги 40 сантиметр болгон каналга түшүп кетип каза болгонун маалымдады. Маркум кыздын ата-энеси арыз жазбагандыктан кылмыш иши козголгон эмес.

322
Белгилер:
чөгүп кетүү, Токмок
Тема боюнча
Сузак: жер көчкү Көк-Арт дарыясын кайрадан тосуп калды. Сүрөт
Ошто өрт учурунда 5-кабаттан кулаган аял каза болду
Казакстандын президентинин маалымат катчысы Берик Курмангали. Архивдик сүрөт

Казакстан президентинин маалымат катчысынан COVID табылды

23
(жаңыланган 23:36 06.06.2020)
Казакстандын президентинин маалымат катчысы Касым-Жомарт Токаевдин ден соолугу таза экендигин, Ак ордо санитардык эрежелерди сактап жаткандыгын айтты.

БИШКЕК, 6-июн. — Sputnik. Казакстандын президентинин маалымат катчысы Берик Курмангали коронавирус менен ооруп калгандыгын Sputnik Казакстан жазды.

"Тилекке каршы, менин коронавирус боюнча тапшырган тестим сактанган чараларга карабастан, менден оору чыккандыгын көрсөттү. Учурда дарыгерлердин көзөмөлүндө, ооруканада жатам. Абалым канааттандырарлык", — деген Берик Уали.

Казакстан президентинин маалымат катчысы Касым-Жомарт Токаевдин ден соолугу таза экендигин айтты.

"Мамлекет башчы тесттен улам өтүп турат. Ак ордо санитардык эрежелерди сактап, талаптар күчөтүлгөн", — деген Уали.

Ал жалпы казакстандыктарды карантиндин талаптарын сактоого чакырды.

23
Белгилер:
коронавирус, катчылык, маалымат, Касым-Жомарт Токаев, Казакстан
Тема боюнча
Путиндин маалымат катчысы коронавирустан айыгып, үйүнө чыкты
Внедорожник марки Toyota Land, водитель, которого протаранил будку с охранником в центре Бишкека

Куралы бар экен, абайлагыла! Бишкекке жакын жолдогу кинодогудай куугундун видеосу

1272
(жаңыланган 23:44 06.06.2020)
Кара түстүү ири жолтандабастын калдаңдап, бирде жолдун бул тарабына, бирде экинчи тарабына чыгып, катуу ылдамдык менен бара жатканын көрүүгө болот.

БИШКЕК, 6-июн. — Sputnik. Бүгүн Бишкектин борборунда күзөтчүнүн будкасын бир нече ирет талкалай сүзүп, дагы бир кызматкер менен мушташкан айдоочуну Чүй облустук ЖКККБнын кызматкерлери кантип кармаган видео тарады.

Эске салсак, ал Токтогул жана Киев көчөлөрүнүн кесилишинде чатак чыгарып, бир нече ирет будканы сүзүп, мушташып, андан жолтандабасын айдап жок болгон.

Көп өтпөй аны автоинспекторлор Токмок аймагынан кармады деген маалымат келип түшкөн. Айдоочунун ичип алганы жана 30 жашта экени айтылып, сүрөтү жарыяланган

Көп өтпөй кудум кинофильмге окшогон сюжеттеги видео интернетке коюлду.

"Sputnik Кыргызстан" Телеграм-каналына чыккан видеодо анын Бишкек — Торугарт трассасында автоинспектордун артынан кууган эки бригадасына моюн бербей качып бара жаткандыгын көрүүгө болот. Окуяны видеого тарткан жаран комментарий берип, ал тургай ок атылганын айтканы даана угулуп турат.

Кара түстүү ири жолтандабастын калдаңдап, бирде жолдун бул тарабына, бирде экинчи тарабына чыгып, катуу ылдамдык менен бара жатканын көрүүгө болот. Ал тартип сакчылардан бир топ жерге чейин качып барып, чаңды сапырылта, тегеренип барып оң тарапка токтогон.

Кадрдан чыккан үндөн "куралы бар экен, айбайлагыла" деп эскертип жатканын угууга болот.

Кинофильмдеги фрагменттерди эске салган бул видеодон тартип сакчыларынын жаракат алганы байкалган жок.

Тартип сактоо органдарындагы маалымат булактары Токмокко чейинки жолдо айдоочу бир нече блок-постторду да жөөлөй, сүзүп кеткендигин айтышты.

 

1272
Белгилер:
кармоо, тартип, күзөтчү, жолтандабас, Бишкек, Кыргызстан
Тема:
2020-жылдын башынан бери Кыргызстанда болгон жол кырсыктар
Тема боюнча
Бишкек: Land Cruiser айдаган киши күзөтчүнүн будкасын талкалап, мушташкан видео
Бишкек: будканы талкалай сүзүп, күзөтчү менен мушташкан айдоочу кармалды. Сүрөт