Элчилик: Подмосковьеде 27 жаштагы кыргызстандык жаран киши колдуу болду

© Sputnik / Наталья Селиверстова / Медиабанкка өтүүРоссиянын полиция жана тез жардам кызматы. Архив
Россиянын полиция жана тез жардам кызматы. Архив - Sputnik Кыргызстан
Жазылуу
Маркум менен кошо сабалган кыз учурда ооруканада жатат.

БИШКЕК, 23-май. — Sputnik. Москвада 27 жаштагы кыргызстандык жаран киши колдуу болду. Бул туурасында Кыргызстандын Россиядагы элчилигинин маалымат кызматы РФтин укук коргоо органдарына таянуу менен билдирди. 

Үстүбүздөгү жылдын 17-майында элчиликке интернет булак аркылуу Москва облусундагы Красногорское шаарындагы сот-медициналык бөлүмүндө М.У. аттуу кыргызстандык жарандын сөөгү жаткандыгы туралуу маалымат түшкөн. 

“Такталган маалыматтарга ылайык, Кыргызстандын жети жараны 14-май күнү болжол менен саат 15:00дөр чамаларында Красногорское шаарындагы Красный Бульвар көчөсүндөгү суунун жээгине эс алууга чыгышкан. Ал эми саат 17:00дөрдө кайра тарашат да, маркум, бир кыз жана дагы бир эркек киши болуп үчөө андан ары эс алабыз деп калышат”, — деп айталат маалыматта. 

Ушул эле күнү кечинде М.У. жана аны менен калган кыз сабалып ооруканага түшкөн. 

Случаи кражи человека - Sputnik Кыргызстан
Ошто карызы үчүн өзбекстандык киши уурдалган. Ага Кытай жараны шектелүүдө
“Кечки саат 20:30дар чамаларында каза болгон жаранга тааныш 25-30 жаштардагы эки киши келип аны сабай башташкан. Ортого түшкөн жанындагы кызды да токмоктошкон. Ызы-чуу башталганда эс алууну улантмак болгон дагы бир эркек киши качып кеткен. Кайра 20-30 мүнөттөн кийин кайтып келсе кыз менен бала жаракат алып жерде жаткан. Тез жардам менен ооруканага алып баратканда М.У. жолдон үзүлгөн. Ал эми кыздын ден соолугу жакшы, учурда дарыланууда”, — деп билдиришти элчиликтен. 

Бул боюнча Россиянын укук коргоо органдары тарабынан кылмыш иши козголгон. 

Каза болгон жаран Нарын облусунун Ат-Башы районунда туулганы маалым болду. 

Жаңылыктар түрмөгү
0