УКМК: Сапар Исаковго айып тагылып, баш коргоо чарасы тандалды

© Пресс-служба правительства / Сабыр АильчиевВстреча Сапара Исакова с директором EASST Эммой Макленнан
Встреча Сапара Исакова с директором EASST Эммой Макленнан - Sputnik Кыргызстан
Жазылуу
Исаков убагында чет элдик компаниянын кызыкчылыктарын колдогон деп айыпталууда.

БИШКЕК, 29-май — Sputnik. Мурдагы премьер-министр Сапар Исаковго "коррупция" беренеси боюнча айып тагылып, эч жакка кетпөө жөнүндө баш коргоо чарасы тандалды. Бул тууралуу УКМКнын маалымат кызматынан кабарлашты.

Белгилей кетсек, Сапар Исаков бүгүн, 29-майда үчүнчү ирет УКМКга Бишкек ТЭЦтин модернизациялоо боюнча козголгон кылмыш иштин алкагында суракка чакырылган болчу.

"Сапар Исаков 2013-жылы президентинин аппарат жетекчисинин орун басары рангындагы тышкы саясат бөлүмүнүн жетекчиси кызматында турган кезде "Бишкек ЖЭБин модернизациялоо" долбоорун ишке ашырууда өзүнүн саясий абалынан пайдаланган. Ал адамдардын бир тобу менен алдын ала белгиленген иш аракеттерди кылуу аркылуу, подрядчыны тандоо сынагында чет элдик компаниянын кызыкчылыктарын колдогон. Натыйжада мамлекеттик жана коомдук кызыкчылыктарга ири көлөмдөгү чыгым келтирилген", — деп айтылат маалыматта.

Учурда бул боюнча тергөө иштери уланып жатат.

Жаңылыктар түрмөгү
0