Сокулукта шектүү киши милиционерди каратып туруп качып кетти. Окуянын чоо-жайы

© Sputnik / Табылды КадырбековПоиски беглых заключенных в жилмассиве "Энесай"
Поиски беглых заключенных в жилмассиве Энесай - Sputnik Кыргызстан
Жазылуу
Шектүү 404 грамм гашиш менен кармалган. Бирок ал укук коргоочулардын колунан качып кетүүгө үлгүргөн.

БИШКЕК, 19-июн. — Sputnik. Укук коргоо органдарындагы булак Sputnik Кыргызстан агенттигинин кабарчысына Чүй облусуна караштуу Сокулук районунда баңгизат менен кармалган кылмышкерди милиционерлер качырып алган окуянын чоо-жайын айтып берди.

Буга чейин, 31-майда, ИИМдин Баңгизаттарды жүгүртүүгө каршы күрөшүү кызматынын өкүлдөрү тарабынан Сокулук районунда Ш.Ш. аттуу жарандан 404 грамм баңгизат табылган. Тергөө амалдары учурунда шектүү качып кетүүгө үлгүргөн. Буга байланыштуу алты милиционерге катуу сөгүш жарыяланган.

"1-июнь күнү Сокулук РИИББинин кызматкерлери шектүүнү Чалдыбар айылына алып барышкан. Ал баңгизатын сатып алып жүргөн кишинин үйүн көрсөтүшү керек болчу. Бирок ошол маалда тартип сакчылар айыпталуучунун колуна кишен салбаптыр", — деди агенттиктин маектеши.

Шектүү көрсөткөн дарекке келгенде укук коргоочулар үйдү тинтүүгө жөнөп кеткен. Ал эми айыпталуучунун жанында бир эле милиционер болгон. Ал уктап калгандыктан шектүү терезени түшүрүп, унаанын эшигин сыртынан ачып качып кеткен.

Учурда укук коргоо органдары аны дагы деле издеп жатат.

Жаңылыктар түрмөгү
0