Сокулукта зордукталды делген 10 жашар кыз. Ишти министрлик көзөмөлгө алды

© Sputnik / Табылды КадырбековКылмыш иш папкасын кармап турган адам. Архив
Кылмыш иш папкасын кармап турган адам. Архив - Sputnik Кыргызстан
Жазылуу
Окуя боюнча бир катар экспертизалар дайындалган.

БИШКЕК, 12-июл. — Sputnik. Сокулук районунда 10-июлда зордукталды делген он жашар кыздын иши Ички иштер министрлигинин жетекчилигинин көзөмөлүнө алынганын Чүй облустук милициясынын маалымат кызматы билдирди.

Случаи педофилии в индийском городе Нью-Дели - Sputnik Кыргызстан
Бала зордуктагандарды кантиш керек? Дүйнө өлкөлөрүнүн колдонгон жазасы
Учурда ички иштер органынын бардык жеке курамы кылмышкерди издөөгө тартылган. Кылмыштын бетин ачуу үчүн ыкчам-иликтөө иштери жүрүп жатат.

Облустук милициядан маалымдашкандай, 10 жашар кызга карата жасалган кылмыш дароо каттоого алынып, Кылмыш жаза кодексинин 130-беренесинин 4-бөлүмү ("Күч колдонуп зордуктоого аракет кылуу") боюнча иш козголгон.

Ошондой эле аталган факты боюнча сот-медициналык, сот-биологиялык жана сот психолого-психиатриялык экспертизалар дайындалган. Азырынча жыйынтыктары даяр боло элек.

"Ыкчам-иликтөө иштерин жүргүзүү иш-чарасы учурунда окуя болгон аймактагы объектилердеги видое байкоолор алынып, жабыркаган кыздын жана күбөлөрдүн көрсөтмөсү менен шектүү жарандын фотороботу түзүлдү", — деп айтылат маалыматта.

Учурда жабыркаган кыз менен психолог жана Сокулук райондук үй-бүлөнү жана баланы коргоо бөлүмүнүн социалдык кызматкерлери иштеп жатат.

Жаңылыктар түрмөгү
0