Суудагы бала. Архивдик сүрөт

Жума башынан бери төрт киши сууга чөгүп кетти

86
(жаңыланган 14:05 13.07.2018)
Өзгөчө кырдаалдар министрлигинин маалыматы боюнча кырсык Ош, Чүй облустарында катталган.

БИШКЕК, 13-июл. — Sputnik. Өлкө аймагындагы аптаптуу аба ырайынан улам сууга түшүп чөгүп кеткен жарандар көп катталууда.

ӨКМдин маалыматы боюнча 12-июлда Ош шаарынын Төлөйкөн айылындагы Араван каналына 27 жаштагы киши чөгүп кеткен. Аны издөөгө 17 куткаруучу тартылып, маркумдун сөөгүн милицияга өткөрүп беришкен.

11-июлда болсо Ноокаттын Көк-Жар айылындагы Найман суу сактагычына 18 жаштагы бала чөгүп кетип, бир күндөн кийин сөөгү табылып, туугандарына өткөрүп берилген.

Ал эми 10-июлда Бишкек — Ош автожолунун 105-чакырымында Жайыл районундагы Кара-Балта суусуна Honda Fit автоунаасы түшүп кетип, 26 жаштага жаран сууга агып кеткен. 12 куткаруучу тартылып, ушу кезге чейин изделип жатат.

Чүй облусунун Аламүдүн районундагы көлмөлөрдүн биринде 15 жаштагы бала сууга чөгүп кетип, куткаруучулар тарабынан сөөгү табылып, милицияга өткөрүп берилген.

86
Белгилер:
Ысык-Көл, Бишкек, Ош
Тема боюнча
Ноокаттын Найман суу сактагычынан 18 жаштагы уландын сөөгү табылды
ӨКМ: дем алыш күндөрү Кыргызстанда беш адам сууга чөгүп кетти
Судьянын балкасы жана китеби. Архив

Жогорку сотко караштуу Сот департаментинин статс-катчысы кармалды

279
(жаңыланган 14:40 03.03.2021)
Статс-катчы кылмыштуу системага тийиштиги бар деген шек менен кармалды. УКМК буга чейин бул иш боюнча "Адилет сот" долбоорунун башчысы С.К.А. кармалганын эскертти.

БИШКЕК, 3-мар. — Sputnik. Улуттук коопсуздук комитети Жогорку соттун Сот департаментинин статс-катчысы К.С.А. кармалганын билдирди. Атайын кызматтын маалыматы боюнча, ал коррупциялык схемаларды түзгөн деп шектелүүдө.

Мекеменин сайтында Калмаков Сталбек Аманатович статс-катчы экени көрсөтүлгөн.

УКМКнын маалымат кызматы билдиргендей, тергөөгө ылайык, 2018-жылы департаменттин кызмат адамдары сот аткаруучу кызматтын бөлүмдөрү үчүн "Сот тутумунун карызкорлорунун реестри" автоматташтырылган маалыматтык системаны, ошондой эле башка программаларды иштеп чыгуу жана аны ишке ашыруу боюнча формалдуу түрдө тендер өткөрүлгөн. Анда IT-компаниялар менен 4 миллион 84 миң 500 сомго жасалма келишим түзүлгөн.

Бирок, маалым болгондой, айтылган программалар Сот департаментинин алдындагы "Адилет сот" маалыматтык технологиялар башкармалыгынын адистери тарабынан буга чейин эле иштелип чыгып, жүзөгө ашырылган.

"Ага карабай Соттук департаменттин кызмат адамдары IT-компаниялар менен өз ара келишимге барышып, мурда эле иштелип чыгып жүзөгө ашырылып жаткан программаны иштеп чыгуу үчүн жалган келишим кабыл алышкан. Ал эми бөлүнгөн каражатты кымырышкан", — деп айтылат УКМКнын билдирүүсүндө.

Статс-катчы бул кылмыштуу системага тийиштиги бар деген шек менен кармалды. УКМК буга чейин аталган иш боюнча "Адилет сот" долбоорунун башчысы С.К.А. кармалганын билдирди.

УКМК, ошондой эле, IT-компаниялардын бири жергиликтүү сот тутумун иштеп чыгуу жана жайылтуу боюнча башка кылмыш ишинде каралып жаткандыгын, анын соттолуучусу Жогорку Соттун төрайымы Гүлбара Калиева экендигин билдирди.

279
Белгилер:
шектүү, статс-катчы, департамент, Жогорку сот, Кыргызстан
Тема боюнча
Жээнбековдун кудасы Абжалиевдин байлыгынын тизмеси жана сүрөттөрү
Мухаммедкалый Абылгазиев ачкачылык жарыяладыбы? Адвокаттын жообу
В Кара-Сууйском районе Ошской области сгорела школа

Кара-Суу районунда бир мектеп толугу менен күйүп кетти. Сүрөт

122
(жаңыланган 11:24 03.03.2021)
Окуя кечээ кечинде болгон. Ал жерге үч өрт өчүрүү бөлүмү тартылып, саат 20:15те тилсиз жоо толугу менен өчүрүлгөн.

БИШКЕК, 3-мар. — Sputnik. Оштун Кара-Суу районундагы Жоош айыл аймагынын Маданият айылында мектеп толугу менен күйүп кетти. Бул тууралуу ӨКМдин маалымат кызматы кабарлады.

Өрт кечээ, 2-март күнү, саат 18:28дер чамасында чыккан.

В Кара-Сууйском районе Ошской области сгорела школа
© Фото / пресс-служба МЧС
Оштун Кара-Суу районундагы Жоош айыл аймагынын Маданият айылында мектеп толугу менен күйүп кетти

Анда Султанов көчөсүндөгү №42 орто мектебинин жыгач устундуу шифер жабылган 262 чарчы метр чатыры жана 212 чарчы метр ички жасалгасы күйгөн.

Окуя болгон жерге үч өрт өчүрүү бөлүмү тартылып, саат 20:15те тилсиз жоо толугу менен өчүрүлгөн.

Учурда кырсыктын себеби такталууда.

122
Белгилер:
мектеп, өрт, Ош
Тема боюнча
Өрт чыккан үйдөн чиедей беш бир тууган көз жумду. Казакстандагы жүрөк тилген окуя
Партктагы гүлдөр. Архив

Бейшембиге карата аба ырайы

0
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.

БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.

Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.

Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.

0
Белгилер:
март, Кыргызстан, аба ырайы
Тема боюнча
Төө-Ашуудагы тайгактан жүк ташуучу унаалар өйдө чыга албай жатат. Видео