Милиция кызматкеринин фуражкасы жана дубинка. Архивдик сүрот

Киргшелктогу кылмышка айыпталган адам сотто "милиция кыйнады" деген билдирүү жасады

163
(жаңыланган 00:10 19.07.2018)
Айыпталуучу сурак учурунда укук коргоочулар анын башына пакет кийгизип кыйнаганын билдирди.

БИШКЕК, 18-июл. — Sputnik. Чүй облусунун Киргшелк айылында 2016-жылы 24-мартта үч аялдын өлтүрүлүшү боюнча сот иши бүгүн уланып, айыпталуучулардын бири Элдар көрсөтмө берди.

Ал тергөө учурунда жана кылмыш болгон жерде окуя кандай болгонун көрсөтүп берүү учурунда аны милиция кызматкерлери ур-токмокко алды деп айтты.

"Милиция кызматкерлери окуя кандай болгонун биздин айткандарыбыз боюнча айтасың дешти. Сурак учурунда колума кишен салып, башыма пакет кийгизип кыйнашты. Алардын кордугуна чыдабай алар айткандай көрсөтмө бердим", — деди ал.

Эскерте кетсек, 2016-жылдын 24-март күнү милиция кызматкерлери Киргшелк кыштагында 59 жаштагы үй кожойкеси, 56 жаштагы анын сиңдиси жана 25 жаштагы кош бойлуу кызынын бычакталган денесин табышкан. Ошол эле күнү Ысык-Ата райондук ички иштер башкармалыгы Кылмыш жаза кодексинин 97- беренеси (адам өлтүрүү) боюнча кылмыш ишин козгогон.

Ал эми 11-майда милиция кызматкерлери кылмышка шектүү деп Ысык-Ата районунун 21 жаштагы тургунун кармап, убактылуу кармоочу жайга киргизген. Кийинчерээк 18 жана 20 жаштагы ошол эле райондун жашоочуларын жана 18 жаштагы Ысык-Көл облусунун тургунун кармашкан.

Киргшелктогу үч аялдын өлүмүнө шектүүлөрдүн бири буга чейин абакта отуруп, ал жактан да качып кетүүгө аракет кылгандыктан эми сотто эки иш бир каралмакчы.

Сот ишин судья Айбек Эрнис уулу карап жатат.

Кийинки сот отуруму 25-июлда саат 9:30да уланмай болду.

163
Белгилер:
сот, кылмыш иши, Айбек Эрнис уулу, Бишкек
Тема:
Киргшёлк айылында үч аялдын бычакталып өлтүрүлүшү (7)
Тема боюнча
Киргшелктогу үч аялдын өлүмү. Кылмышка шектүү абактан качууга аракет кылган
Ысык-Ата районундагы Киргшелкто үй күйүп, 70 жаштардагы кемпирдин сөөгү табылды
Киргшёлкто өлтүрүлгөн үч аялдын туугандары шектүүлөр бошонуп кетеби деп кооптонот
Бычак кармаган адам. Архив

Таарынычтан улам адам өлтүргөн. Түптө эки шектүү кармалды

40
(жаңыланган 15:48 14.06.2021)
Райондук сот шектүүлөрдүн бөгөт чарасын карап, эки айга камакка алуу чечимин чыгарды. Учурда сотко чейинки өндүрүштүн алкагында тергөө иштери уланып жатат.

БИШКЕК, 14-июн. — Sputnik. Ысык-Көл облусунун Түп районуна караштуу Кутургу айылында адам өлтүрүүгө шектелип эки адам кармалды. Бул тууралуу Ысык-Көл облустук ИИБдин маалымат кызматы кабарлады.

Ага ылайык, 3-июнь күнү Түп РИИБдин нөөмөт бөлүмүнө айылдагы эски тегирмендин жанынан азият улутундагы эркек адамдын сөөгү табылгандыгы тууралуу маалымат түшкөн.

Факты Түп райондук ИИБдин бирдиктүү реестрине Жазык кодексинин 130-беренеси ("Адам өлтүрүү") боюнча катталган.

"Окуя болгон жерге райондук милициянын ыкчам-тергөө тобу барып, эркек кишинин кыйноо жолу менен өлтүрүлгөнүн аныкташкан. Маркум 39 жаштагы Е.К. аттуу ошол эле айылдын тургуну экени маалым болгон. Кийинчерээк ыкчам-иликтөө иштеринин жыйынтыгында негизги шектүү колго түшүрүлгөн. Ал дагы ошол эле айылдын тургуну 36 жаштагы Б.Н. аттуу адам болуп чыкты. Сурак учурунда шектүү көптөн берки таарынычынан улам кылмышка барганын айткан. Кийинчерээк ага жардам берген деген айып менен Ак-Булуң айылынын 62 жаштагы тургуну кармалган. Колго түшүрүлгөн киши өлтүрүлгөн Е.К. аттуу адамды үйүнө чакырып бергенин айткан", — деп жазылат маалыматта.
Подозреваемые в убийстве мужчины в Тюпском районе Иссык-Кульской области
© Фото / пресс-служба УВД Иссык-Кульской области
Шектүүлөр

Райондук соттун чечими менен кармалгандардын баш коргоо чарасы каралып, экөө тең эки айга камалышкан. Сотко чейинки өндүрүштүн алкагында тергөө иштери уланып жатканы кошумчаланды.

40
Белгилер:
кылмыш, факты, шектүү, адам өлтүрүү, Түп, Ысык-Көл облусу
Тема боюнча
Унаасын алып, 300 миң сом талап кылган. Ошто Женгонун жакын адамы кармалды
Бишкекте энеси менен кызын өлтүрүүгө шектелип өспүрүм кармалды
Кишенчен кармалган киши. Архив

Унаасын алып, 300 миң сом талап кылган. Ошто Женгонун жакын адамы кармалды

47
(жаңыланган 15:26 14.06.2021)
Т.И.М. аттуу киши башында турган Досоновдун кылмыштуу тобунун мүчөлөрү бир жаранды күчкө салып шаардын четине алып барышкан.

БИШКЕК, 14-июн. — Sputnik. Ош шаарында бир жарандын автоунаасын тартып алып, 300 миң сом талап кылган деп кримтөбөл Кадыр Досоновдун (Женго) жакын адамы кармалды. Бул туурасында УКМКнын маалымат кызматы кабарлады.

Задержанный активный член ОПГ Кадырбека Досонова, Т. И. М., смотрящий по южному региону Кыргызстана
© Фото / пресс-служба ГКНБ
Ош шаарында бир жарандын автоунаасын тартып алып, 300 миң сом талап кылган деп кримтөбөл Кадыр Досоновдун (Женго) жакын адамы кармалды

Билдирмеге караганда, Досоновдун уюшкан кылмыштуу тобунун активдүү мүчөсү Т.И.М. баштаган адамдар 18-майда бир жаранды күчкө салып Ош шаарынын четине үч унаа менен алып барышкан.

"Ал жерден жабырлануучуну ур-тепкиге алып Mercedes-Benz үлгүсүндөгү автоунаасын тартып алып, "жалпы кассага" деп 300 000 сом талап кылышкан. Ошондой эле жабырлануучуну кыйнагандардын бири, Кадыр Досоновдун жеке айдоочусумун деген Р.у.А. кошумча дагы 1000 доллар опузалаган", — деп айтылат маалыматта.

Аталган факт 203-берененин 3-бөлүмү ("Опузалап талап кылуу") боюнча сотко чейинки өндүрүш ачылган. Кармалган Т.И.М. УКМКнын Оштогу башкармалыгынын тергөө абагына киргизилген.

Учурда бул иш боюнча бардык айыпталуучулардын өздүгүн аныктоо боюнча тиешелүү чаралар көрүлүп жатат.

47
Белгилер:
УКМК, кармоо, Уюшкан кылмыштуу топ, Кадыр Досонов, Ош
Тема боюнча
Жер берүүдөгү коррупция. Баткенде экс-мэр баштаган кызматкерлер кармалды
Тажикстандан кууп чыгарттык. Ташиев "Дженго" кантип кармалганын айтты
Россияда көк бөрү боюнча эл аралык мелдеш

Россиядагы көк бөрү турнирин Москва командасы утуп алды. Сүрөт

0
(жаңыланган 16:46 14.06.2021)
Турнир Москва облусунун Сергиев Пасад шаарындагы Благовещенский талаасында болуп, Кыргызстан менен Россиядан төрт команда катышты.

БИШКЕК, 14-июн. — Sputnik. Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш жыйынтыкталды.

Баш байгеге Айтматовдун кубогу ойнотулуп, аны Москва командасы утуп алды.

  • Команды во время международного турнира по кок-бору в России на кубок Чингиза Айтматова. 14 июня 2021 года
    Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш жыйынтыкталды
    © Фото / пресс-служба Федерации кок-бору Кыргызстана
  • Команда из Московской области  выигравшая международный турнир по кок-бору в России на кубок Чингиза Айтматова. 14 июня 2021 года
    Баш байгеге Айтматовдун кубогу ойнотулуп, аны Москва командасы утуп алды
    © Фото / пресс-служба Федерации кок-бору Кыргызстана
  • Команды во время международного турнира по кок-бору в России на кубок Чингиза Айтматова. 14 июня 2021 года
    Турнир Москва облусунун Сергиев Пасад шаарындагы Благовещенский талаасында болуп, Кыргызстан менен Россиядан төрт команда катышты
    © Фото / пресс-служба Федерации кок-бору Кыргызстана
1 / 3
© Фото / пресс-служба Федерации кок-бору Кыргызстана
Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш жыйынтыкталды

Турнир Москва облусунун Сергиев Пасад шаарындагы Благовещенский талаасында болуп, Кыргызстан менен Россиядан төрт команда катышты. Көк бөрүнүн маанисин эл аралык аренада көрсөтүп берүү үчүн Москва, Иркутск жана Подольск шаарларындагы командалардын ар бирине экиден кыргызстандык көк бөрүчү кошулуп ойноду.

Жарым финалда Подольск командасы "Атуул" (Кыргызстан) менен беттешип, 12:2 эсеби менен 3-орунду ээледи. Ал эми финалдык беттеште Москва облусунун командасы Иркутскинин улакчыларын 4:1 эсебинде утуп, баш байгеге ээ болду.

Мындан тышкары, Москва командасынан Бообек Шекербек уулу турнирдин мыкты оюнчусу, Иркутскинин "Бойка" аттуу аргымагы мыкты ат наамына татыды.

Сыйлоо аземине Көк бөрү федерациясынын президенти Искендер Кадыркулов, Спорттун улуттук түрлөрү боюнча дирекциянын директору Айбек Ажигулов жана Россия элдеринин ассамблеясынын аткаруу комитетинин төрагасынын орун басары Назиржон Абдуганиев катышкан.

Спорттун улуттук түрлөрү боюнча дирекция аталган турнирге катышуу үчүн 12 улакчыны Москвага жөнөткөн.

Белгилей кетсек, спорттук иш-чара Россия жана Евразия элдеринин "Русский мир" дене тарбия фестивалынын алкагында өткөрүлдү. Аны Спортту жана тынчтык маданиятын өнүктүрүүгө көмөктөшүү боюнча региондор аралык коомдук фонду, Россиянын Элдер ассамблеясы жана Кыргызстандын Көк бөрү улуттук федерациясы уюштурган.

0
Белгилер:
турнир, мелдеш, Көк бөрү, Россия
Тема боюнча
Россияда Айтматов атындагы эл аралык көк бөрү мелдеши башталды
"Русский мир" фестивалында көк бөрү мелдеши өтөт