Мушташ. Архивдик сүрөт

Россиядагы элчилик: Москвада жапырт мушташка катышкандар изделип жатат

387
(жаңыланган 23:09 09.08.2018)
Элчилик Москвага келген кыргызстандыктарды иштеп жана жашап жаткан өлкөнүн мыйзамдарына баш ийип, коомдук жайларда жүрүүнүн эрежелерин жана жалпы эле этиканы сактоону өтүнөт.

БИШКЕК, 8-авг. — Sputnik. Кыргызстандын Россиядагы элчилиги "Добрынинская" метросундагы жапырт мушташ туурасында түшүндүрмө берип, ага Москвадагы мушкерлер клубунун спортчуларынын катыштыгы бар деген маалымат айтылып жаткандыгын билдирди.

5-августта ИИМдин Москва шаарындагы Замоскворечье районундагы бөлүмү аталган окуя Кылмыш туурасындагы маалыматтар катталган китепке түшкөн.

"Мушташка Москва шаарындагы мушкерлер клубунун спортчуларынын катыштыгы бар деген маалымат айтылып жаткандыктан, элчилик аталган клубдардын машыктыруучулары менен аңгемелешүүлөрдү жүргүздү. Анда спортчулар тарабынан коомдук тартипти бузбоо, келген өлкөнүн мыйзамдарын сактоо зарылдыгы айтылды. Өзгөчө, "Добрынинская" метросунун айланасында көп жүргөндөргө тиешелүү кеп болду", — деп айтылат маалыматта.

Элчиликтен тактаганыбызда, кандай мушкерлер клубу жана алар кайсы тарапка таандык экендигин так айтышкан жок.

4-августта Москвада Борбор Азиядан баргандар тобу "Добрынинская" метросунун жанында мушташканы маалымдалган. Мушташкан күбө болгон жарандын айтымында, ага катышкан 40тай кишинин көбү таксист болгон. Бир катар жалпыга маалымдоо каражаттары алар Кыргызстандан келгендер экендигин айтышкан.

6-7-августта элчиликтин кызматкерлери бул маселе боюнча РФтин тиешелүү тартип коргоо органдарынын жетекчилери менен жолугуп, жапырт мушташ боюнча талкуу болгон. Элчилик чатактан жабыркап, Москванын ооруканаларына түшкөн адамдар болбогондугун билдирди.

Учурда Москва шаарындагы тартип коргоо органдары "Добрынинская" метросунун жанында мушташтын себептерин жана ага катышкандарды, себепкерлерин издеп, иликтеп жаткандыгын кабарлады.

Элчилик Москвага келген кыргызстандыктарды иштеп жана жашап жаткан өлкөнүн мыйзамдарына баш ийип, коомдук жайларда жүрүүнүн жана жалпы эле этиканы сактоону өтүнөт.

387
Белгилер:
клуб, элчилик, мушташ, Мигрант, Кыргызстан, Москва
Тема боюнча
Москвада Борбор Азиядан баргандар тобу менен мушташты. Видео
Москвадан алыс эмес жердеги кыргыз айылы курулбай калабы? Элчиликтин жообу

Финполдун тергөөчүсүнө 250 миң сом пара берип жаткан адам кармалды. Видео

76
(жаңыланган 13:35 03.12.2020)
Экономикалык кылмыштарга каршы күрөшүү кызматы Ысык-Көл облусунда кызмат адамына 250 миң сом өлчөмүндө пара берип жаткан адамды кармады.

Финполдун маалымат кызматынын билдиришинче, 1-декабрда Т.А. аттуу жаран кылмыш иши боюнча маселени өзүнүн пайдасына чечүүгө аракет кылып, тергөөчүгө ири өлчөмдөгү пара берип жаткан жеринен колго түшүрүлгөн.

Сотко чейинки өндүрүштүн материалдары Жазык кодексинин 328-беренеси ("Пара берүү") менен Кылмыш жана жоруктардын бирдиктүү реестрине катталган.

Ал эми кармалган адам Каракол шаардык ички иштер бөлүмүнүн убактылуу кармоочу жайына киргизилип, тергөө жүрүп жатат.

76
Белгилер:
тергөө, кармоо, пара берүү, финансы полициясы
Тема боюнча
"Кадастрдын" директору Абдумуктар Маматов коррупцияга шектелип кармалды. Сүрөт
Бука сатып берем деген. Ошто элди 1,5 млн. сомго алдап кеткен адам кармалды
Тойдогу меймандар. Архивдик сүрөт

UFC мушкери Дагестандагы үлпөт тойду массалык мушташка айлантып салды. Видео

150
(жаңыланган 11:38 03.12.2020)
Жаңжалдын чыгышына спортчунун тойго алкоголдук ичимдик алып киргени себеп болгон. Спортчунун өзү да мас экени айтылды.

БИШКЕК, 3-дек. — Sputnik. UFC уюмунун россиялык мушкери Гаджимурад Антигулов Дагестанда үлпөт тойдо мушташты. Бул тууралуу Р-Спорт жазды.

Маалыматка ылайык, жаңжалдын чыгышына Антигуловдун тойго алкоголдук ичимдик алып киргени себеп болгон. Спортчунун өзү да мас абалда экени айтылды. Башка столдорго арак-шарап коюлган эмес. Тойдогулар мушкерди ичимдикти алып салууга чакырган. Көп өтпөй мушкер коноктордун бирине тап берип, мындан улам массалык мушташ чыгат.

Видеодон көрүнүп тургандай, баласын жетелеген Расул аттуу киши спортчунун жанына эки ирет келип, аны тынчтантууга аракет кылган. Алар бир пикирге келип, кол алышканын да көрүүгө болот. Көп өтпөй түшүндүрүү үчүн кайра келген Расулга Антигулов кол көтөргөндө, ал UFC мушкерин сулата чабат. Спортчуну жандагандар Расулга чабуул жасап, массалык мушташ башталат. Мушкердин жанындагылардын бири чөнтөгүндөгү тапанчасын да алып чыккан.

33 жаштагы Гаджимурат Антигулов ММА спортунда 28 беттешке чыгып, анын 20сын уткан. Мушкер 2017-жылдан бери UFC промоушенинде беттештерге чыгып келет. Акыркы ирет ушул жылдын октябрь айында Абу-Дабиде өткөн мелдеште мекендеши Максим Гришинге жеңилип калган.

150
Белгилер:
той, үлпөт, мушкер, UFC, Дагестан
Тема боюнча
UFC Макгрегор менен Порьенин беттеши өтө турган күндү расмий бекитти
Шевченко менен Майянын кармашы. UFC 255 мелдешинен онлайн-репортаж
Жеңишине кубанып. Насаатчыларын көтөрүп чаап сүйүнгөн UFC мушкеринин видеосу
Экс-премьер-министр Кубатбек Боронов. Архив

Бороновдун жардамчысы: экс-премьер реанимацияда эмес

6
(жаңыланган 13:54 03.12.2020)
Буга чейин саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан.

БИШКЕК, 3-дек. — Sputnik. Экс-премьер-министр Кубатбек Боронов коронавирустан дарыланып, реанимацияда эмес кадимки палатада жатат. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Буга чейин саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан.

Турдумамбетовдун айтымында, Бороновго коронавирус деген диагноз коюлган. Ал эми анын пневмонияга кабылганы туурасында маалыматы жок экенин белгиледи.

Экс-премьер учурда стационарда, абалы туруктуу.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

6
Белгилер:
реанимация, оорукана, пневмония, коронавирус, Кубатбек Боронов
Тема боюнча
Чүй менен Бишкекте азайбай койду. Коронавирус боюнча соңку маалымат