Караколдогу Ак-Тилек базарындагы өрттүн кесепети. Архивдик сүрөт

Өлкөдөгү акыркы үч өрткө криминалдык чөйрөнүн тиешеси барбы? ИИМдин жообу

900
(жаңыланган 09:40 19.09.2018)
Милиция өрттүн келип чыгуу себебин тактап жатат.

БИШКЕК, 18-сен. — Sputnik. "Мадина" (Бишкек), "Ак-Тилек" (Каракол) базарларындагы жана "Супара" этнокомплексиндеги (Аламүдүн району) өрт кырсыктарынан кийин жеринен криминалдык мүнөздөгү эч нерсе табылган жок. Бул тууралуу ИИМдин маалымат кызматынан билдиришти.

Ыкчам-иликтөө топтору өрттүн келип чыгуу себептерин териштирип жатат. Тиешелүү экспертизалар дайындалып, жакын жерлердеги көзөмөл камераларына түшүп калган видеолор талданууда.

  • Пожар на рынке Мадина в Бишкеке
    "Мадина" базарындагы өрттүн кесепети
    © фото очевидца, отправленное по WhatsApp-каналу
  • Пожар на рынке Каракола
    "Ак-Тилек" базарындагы өрттүн кесепети
    © Sputnik
  • Последствия пожара в этнокомплексе Супара в селе Кок-Жар Аламудунского района
    "Супара" этнокомплексиндеги өрттүн кесепети
    © Sputnik / Нурис Алымбаев
1 / 3
© фото очевидца, отправленное по WhatsApp-каналу
"Мадина" базарындагы өрттүн кесепети

"Ушу тапта криминалдык мүнөздөгү материалдар табыла элек. Андыктан үч окуя тең өрт коопсуздук эрежелеринин сакталбагандыгынан улам келип чыккан деп бааланууда. Учурда иликтөө иштери уланып жатат", — деп айтылат билдирүүдө.

Эске салсак, Бишкектеги "Мадина" базарында 15-сентябрга караган түнү өрт чыккан. Анда базардын аймагындагы кездеме сакталган кампа күйүп, өрт 1 500 чарчы метр жерди жалмап кеткен.

Караколдогу "Ак-Тилек" базарындагы тилсиз жоо тууралуу маалымат кечээ, 17-сентябрь күнү катталды. Жеринде төрт өрт өчүрүүчү унаа иштегенине карабай, 15 соода оруну күйүп кетти.

Ушул эле түнү дагы бир ири өрт чыкты. Борбор калаага жакын жердеги "Супара" этнокомплекси жалынга чулганып, өрт таңга маал өчүрүлдү.

900
Белгилер:
Өрт, ИИМ, Каракол, Бишкек
Тема:
"Мадина" базарындагы өрт (8)
Тема боюнча
"Мадина" базарындагы бүгүнкү кырдаал. Өрттөнгөн кампанын сүрөтү
Ысык-Көл: Каракол шаарындагы базарда өрт чыкты
“Супара” этно комплексинде өрт чыгып, таңга маал өчүрүлдү. Видео