Учакта жаңжал салган Каденованын жоругуна күбө болгон депутат. Окуянын чоо-жайы

© Фото / пресс-служба ЖКДепутат Жогорку Кенеша от фракции "Республика — Ата-Журт" Аида Исмаилова
Депутат Жогорку Кенеша от фракции Республика — Ата-Журт Аида Исмаилова - Sputnik Кыргызстан
Жазылуу
Эл өкүлү Сеул — Алматы каттамындагы учакта жаңжал салган министрдин орун басары эч кимди укпаганын билдирди.

БИШКЕК, 22-сен. — Sputnik. Сеул — Алматы каттамындагы учактагы окуяга күбө болгон Жогорку Кеңештин депутаты Аида Исмаилова эмгек, социалдык өнүгүү министринин орун басары Зууракан Каденова ичип алганын жана учактан түшүүдөн баш тартканын Sputnik Кыргызстан агенттигине айтып берди.

Депутат буга чейин өзүнүн Facebook баракчасына жогорку кызматта иштеген кыргызстандык мас аялдын айынан каттам кармалып калганын жазган болчу. Кийин учактын ичинде жаңжал салган аял эмгек, социалдык өнүгүү министринин орун басары Зууракан Каденова экени белгилүү болгон

"Мен кулак капты тагынып алгандыктан эч нерсе уккан эмесмин, бир аздан кийин кишилер чогулуп калганын, учактын ичинен бир нече пакетти сыртка алып чыкканын байкадым. Артымды карасам адамдар бир аялдын жанында топтошуп туруптур. Ал жакта турган бир бала аял аябай мас экенин айтты", — деди Исмаилова.

Эл өкүлү ошондой эле борт коштоочу Зууракан Каденованы учактан түшүүсүн өтүнгөнүн, бирок ал өтүнүчтү укпаганын кошумчалады. Андан кийин аткаминердин жардамчысы да окуяга аралашып, жетекчисин тынчтандырууга аракет кылган. Бирок андан эч кандай майнап чыккан эмес. Бул учурда учактын экипажы аялдын жүгү учактан түшүрүлгөнүн жана ал бул учак менен уча албай турганын жарыялаган.

Замминистра труда и социального развития КР Зууракан Каденова - Sputnik Кыргызстан
Сеулда жаңжал чыгарган Зууракан Каденова кызматтан бошотулду
Андан соң аэропорттун коопсуздук кызматынын өкүлдөрү келип, Каденованы атайын коляскага салып алып түшүшкөн. 

Депутат бул жаңжал бир сааттан ашык уланганын, анын айынан Алматыга уччу учак эки саат кармалып анан учканын кошумчалады.

Бул окуя боюнча президенттин маалымат кызматы да билдирүү таратып, өлкө башчысы окуянын чоо-жайын териштирүүнү тийиштүү министрликтерге тапшырганын маалымдаган. 

Кечинде өкмөт башчысы Мухаммедкалый Абылгазиев Зууракан Каденованын кызматынан алуу боюнча буйрукка кол койгон.

Жаңылыктар түрмөгү
0