Өспүрүм кыз. Архив

Ош: кызын чынжыр менен тушап койгон кишиге иш козголду

507
(жаңыланган 16:37 12.10.2018)
Кылмыш жаза кодексинин 161-беренеси (Жашы жетпегенди тарбиялоо боюнча милдеттерди аткарбоо) боюнча кылмыш иши козголду.

БИШКЕК, 11-окт. — Sputnik. Кызын чынжыр менен бутунан байлап үйдө кармап келген кишиге карата кылмыш иши козголду. Бул тууралуу Ош шаардык ички иштер башкармалыгынын маалымат кызматынан кабарлашты.

Билдирүүгө ылайык, 5-октябрда Ош шаарындагы эс алуу багынын биринде бутунда чынжыр байланган кыз жүргѳндүгү боюнча милицияга кабар түшкөн. Ал жерге ыкчам-тергөө тобу барып, тогуз жаштагы кыздын бутунда кулпу менен бекитилген чынжыр бар экендигин аныкташкан.

"Тергѳѳдө маалым болгондой, кыз тушалган боюнча сыртка чыгып кеткен. Бир бутундагы чынжыр болт менен бекитилгендиктен аны оңой эле чыгарып алган. Ал эми экинчи бутундагы чынжыр кулпулангандыктан чыгара албай жүргѳн", — деп жазылат маалыматта.

Окуянын чоо-жайын тактоо маалында аны атасы көчөгө чыкпасын деп чынжыр менен коркутуп коюу максатында тушап салганы белгилүү болгон.

Аталган факты боюнча Кылмыш жаза кодексинин 161-беренеси (Жашы жетпегенди тарбиялоо боюнча милдеттерди аткарбоо) боюнча кылмыш иши козголду. Учурда тергѳѳ иштери улантылууда.

507
Белгилер:
кылмыш, ата, Ош, Кыргызстан
Тема боюнча
Көл: 78 жаштагы кемпирди зордуктайм деген киши анын уулунан таяк жеп каза болду
Казакстанда 10 жашар кыздын ашказанынан топтошуп калган чач алып чыгышты
Экономика министрлигине караштуу Банкроттук иштер боюнча департаментинин директорунун орун басары пара берип жаткан жеринен кармалды.

УКМК аткаминерди пара менен кармап, кабинетинен 1,3 млн. сом тапты. Сүрөт

781
(жаңыланган 13:12 30.09.2020)
Директордун орун басарынын кызматтык бөлмөсүнө тинтүү жүргүзүлгөндө 1 миллион 331 миң 300 сом табылган.

БИШКЕК, 30-сен. — Sputnik. Экономика министрлигине караштуу Банкроттук иштер боюнча департаментинин директорунун орун басары пара берип жаткан жеринен кармалды. Бул туурасында УКМКнын Коррупцияга каршы күрөшүү кызматы билдирди.

Аталган аткаминер өзү менен иштеген адамга 100 миң сом пара берүүгө аракет кылганы айтылат. 

В Бишкеке задержан заместитель директора Департамента по делам банкротства Министерства экономики КР Б.Э.А
© Фото / пресс-служба ГКНБ
Аткаминер өзү менен иштеген адамга 100 миң сом пара берүүгө аракет кылганы айтылат.
"Кармалган кызматкер банкроттук уюмдардын активдерин төмөн баада алуу үчүн туруктуу коррупциялык схема түзүп алган. Департаменттин атайын администратору ишкананын активинин наркын төмөндөтүү боюнча мыйзамсыз иш-аракеттерге катышуудан баш тарткан. Мындан улам анын функцияларын өзүнүн карамагындагы кызматкерге өткөрүп берүү максатында ага өз ыктыяры менен кызматтан кетиши үчүн каражат сунуштаган", — деп айтылат маалыматта.

Директордун орун басарынын кызматтык бөлмөсүнө тинтүү жүргүзүлгөндө 1 миллион 331 миң 300 сом табылган. Ал акча кайдан келгендиги аныкталып жатат.

УКМК: чек ара заставасынын башчысы пара берип жатканда кармалды. Сүрөт

Сотко чейинки өндүрүштүк материалдар Жазык кодексинин 328-беренеси ("Пара берүү") боюнча Кылмыштардын жана жоруктардын бирдиктүү реестрине катталды.

Кармалган аткаминер УКМКнын убактылуу кармоочу жайына киргизилди.

781
Белгилер:
аткаминер, пара, УКМК
Тема боюнча
Тендердин ишин өздөрү жасаган. Жалал-Абадда токой чарба башчысы кармалды
Пара алды деп кармалган УКМКнын экс-кызматкери №1 тергөө абагына киргизилди
ИИМдин Баңгизаттарды мыйзамсыз жүгүртүүгө каршы күрөшүү кызматы атайын операциянын жүрүшүндө Баткен облусунун тургунунан 1 килограмм 938 грамм салмактагы нашаа табышкан

Баткенде баңгизат сактаган киши кармалды. Шектүүнүн сүрөтү

102
(жаңыланган 13:09 30.09.2020)
Соттук-химиялык экспертизанын корутундусу табылган каражат Афганистанда өндүрүлгөн нашаа экенин көрсөткөн.

БИШКЕК, 30-сен. — Sputnik. ИИМдин Баңгизаттарды мыйзамсыз жүгүртүүгө каршы күрөшүү кызматы атайын операциянын жүрүшүндө Баткен облусунун тургунунан 1 килограмм 938 грамм салмактагы нашаа табышкан. Бул тууралуу ИИМдин маалымат кызматы кабарлады.

Сотрудники Службы по борьбе с незаконным оборотом наркотиков КР задержали подозреваемого в незаконном хранении двух килограммов гашиша
© Фото / пресс-служба МВД КР
Кармалган жаран

Маалыматка ылайык, мобилдик ыкчам топ баңгизаттарды мыйзамсыз сактаган жарандарды аныктоо жана алардын кылмыштуу ишмердүүлүгүнө бөгөт коюу максатында атайын операция жүргүзгөн.

Гашиш менен апийим кантип айырмаланат? ИИМ лабораториясынан репортаж

"Ыкчам-тергөө амалдары Баткен облусунун Кадамжай шаарында жүргүзүлүп, анын натыйжасында 41 жаштагы У.З. аттуу жаран кармалды. Анын жанынан кара-күрөң түстөгү өзгөчө жыты бар каражат табылган. Соттук-химиялык экспертизанын жыйынтыгы Афганистанда өндүрүлгөн 1 килограмм 938 грамм салмактагы нашаа экенин көрсөттү",— деп жазылат билдирүүдө.

Аталган факт КРдин Жазык кодексинин 268-беренесинде ("Баңгизат каражаттарын, психотроптук заттарды жана алардын аналогдорун сатып өткөрүү максатсыз мыйзамсыз даярдоо") көрсөтүлгөн кылмыштын белгилери боюнча каттоого алынды.

Учурда сотко чейинки өндүрүш иши жүргүзүлүүдө.

102
Белгилер:
Баткен, ИИМ, гашиш, баңги зат
Тема боюнча
Бишкектеги үйлөрдүн биринде 5 килограммга жакын баңгизат табылды
Кол чатыр көтөргөн кыз. Архив

Бейшембиге карата аба ырайы

0
(жаңыланган 21:03 30.09.2020)
Бейшембиге караган түнү айрым райондордо жамгыр жаап, тоолуу өрөөндөрдө кар жаашы күтүлөт.

БИШКЕК, 30-сен. — Sputnik. 1-октябрь, бейшембиде, күндүз Талас облусунун кээ бир райондорунда, Ысык-Көл, Нарын жергесинин көпчүлүк аймактарында, Чүй, Ош, Жалал-Абад, Баткен облустарынын тоо этектеринде жамгыр жаап, тоолуу жерлерге кар түшөт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Жер көчкөн Кара-Кече көмүр кенине электр жарыгы берилди. Сүрөттөр

Абанын температурасы Чүйдө +14...+19, Талас, Нарын жана Ысык-Көл аймактарында +12...+17, Ош, Жалал-Абад, Баткен облустарында +16...+21 градус болот.

Термометрдин көрсөткүчү борбор калаабыз Бишкекте +17...+19, Ош шаарында +18...+20 градусту көрсөтүп турат.

0
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы