Бурулай Турдали кызынын өлүмү боюнча экинчи сот жыйыны

Бурулайдын өлүмү. Инспектор ошол ирмем тууралуу айтып берди

2312
(жаңыланган 13:33 18.10.2018)
Кылмыш иши боюнча күбө катары 32 киши өтүүдө. Биринчи болуп Бурулай жана аны ала качып бараткандар отурган унааны токтоткон автоинспектор көрсөтмө берди.

БИШКЕК, 17-окт. — Sputnik. Бурулай Турдали кызынын өлүмү боюнча экинчи сот жыйыны Бишкектин Свердлов райондук сотунда башталды.

Кызды өлтүргөн деп Марс Бөдөшев жана ала качууга катышкан деп Ахмат Сейитов айыпталып жатышат.

Күбө катары 32 киши чакырылган. Биринчи болуп Бурулай жана аны ала качып бараткандар отурган унааны токтоткон автоинспектор көрсөтмө берди.

"Бурулай отурган машинаны токтоткондон кийин Марс менен Ахматты Жайыл райондук милициясына алып бардым. Документтерди толтуруп жатканда жакындарына чалсын деп телефонумду Бурулайга бергем. Бир аздан кийин ызы-чуу чыгып калды, Бурулай отурган бөлмөгө чуркадым. Көрсө Марс ал жакка кирип, ичинен илип алган экен", — деди ал.

Инспектордун айтымында, РИИБ кызматкерлеринин бири каалганы такылдатып, эшикти ачууну талап кылып жатты. Андан кийин сынган айнектин үнү угулду. Кимдир-бирөө эшикти талкалап, бөлмөгө киришкенден кийин канга боелуп жаткан Бурулай менен Марсты көрүшкөн.

Күбө тез жардам чакырганын, бирок аларды күтпөй эле Бурулайды өзү ооруканага жеткиргенин кошумчалады.

Эске салсак, 28-майдын түнүндө 30 жаштагы киши Чүй облусуна караштуу Жайыл районунун ички иштер бөлүмүндө ала качып алган кызын бычактап, кийин өзүнө да кол салган. Кыз алган жараатынан улам каза болуп, эркек киши ооруканага түшкөн.

Окуядан кийин Чүй милициясынын жетекчиси жумуштан айдалып, укук коргоо органдарынын башка кызматкерлерине дисциплинардык чара көрүлгөн.

2312
Белгилер:
кыз ала качуу, кылмыш, Бурулай Турдали кызы
Тема:
Милиция бөлүмүндө бычакталган Бурулай (37)
Тема боюнча
Бурулайдын өлүмү боюнча сот иши башталды. Сүрөттөр
Бурулайды ала качкан кишинин атасы көз жумду
Шаңдуу бийлеп, бөбөктөрү менен ойногон Бурулайдын видеодо калган элеси
Талкаланган кароолкана. Архивдик сүрөт

Жолтандабас айдоочусунун жоругу. Toyota талкалай сүзгөн кароолканадагы окуя

202
(жаңыланган 01:06 07.06.2020)
Тартип коргоо органдарындагы маалымат булактар Sputnik агенттигине мас айдоочу Кеминге бара жаткан жолдо бир нече блокпостту жөөлөп, сүзүп кеткенин айтып беришти.

БИШКЕК, 7-июн. — Sputnik. Toyota айдоочусунан жабыркаган Темир Мырзабек, Бишкектин борборундагы окуя болгон жердин күзөт кызматкери Sputnik Кыргызстанга чатак боюнча өзүнүн версиясын айтып берди.

Милициянын маалыматына караганда, ал будканы 17:20 чамасында талкалай сүзгөн. Окуя Тоголок Молдо көчөсүнүн түндүктү көздөй кеткен бөлүгүндө, тагыраагы, Токтогул менен Киев көчөлөрүнүн ортосунда болгон. Видеону Алимджан Валиев Facebook баракчасына жарыялады. Мырзабектин айтымына караганда, Toyota Land Cruiser жол тандабасынын айдоочусу болжол менен 17:20 чамасында бир топ эле катуу келип кирген.

"Мен жакындап барсам, мас экен. Айтыша кеттим. Урушкум келген жок. Кайра будкага келип отурдум. Ал короодон кайра айдап чыгып келе жатып, мен отурган кароолкананы үч ирет сүздү. Анын алдында чыга качканга үлгүрдүм. Баарын сөктү, кофейнянын дагы бир күзөт кызматкери менен урушту да машинасына отуруп кетип калды", — деди ал.

Айдоочу кирип келе жатып темир тосмону сүрүп кеткен.

Тартип коргоо органдарынын кызматкерлери Sputnik агенттигине ал аталган жерге келгенге чейин Ахунбаев көчөсүндө да жол кырсыкка кабылганын айтып беришти. Автокырсыктын кандай болгону аларга так маалым боло электигин айтышты. "Перехват" планы жарыяланып, издөө башталган.

30 жаштагы айдоочуну Кемин районунан кармашкан. Автоинспекторлордун бир нече ирет токто дегенине көнбөй, жолун улаган. Тартип коргоо органдарындагы маалымат булактар Sputnik агенттигине айдоочу Кеминге бара жаткан жолдо бир нече блокпостту жөөлөп, сүзүп кеткенин айтып беришти.

202
Белгилер:
куугун, блокпост, айдоочу, мас, Токмок, Бишкек, Кыргызстан
Тема боюнча
Бишкек: Land Cruiser айдаган киши күзөтчүнүн будкасын талкалап, мушташкан видео
Казакстандын президентинин маалымат катчысы Берик Курмангали. Архивдик сүрөт

Казакстан президентинин маалымат катчысынан COVID табылды

82
(жаңыланган 23:36 06.06.2020)
Казакстандын президентинин маалымат катчысы Касым-Жомарт Токаевдин ден соолугу таза экендигин, Ак ордо санитардык эрежелерди сактап жаткандыгын айтты.

БИШКЕК, 6-июн. — Sputnik. Казакстандын президентинин маалымат катчысы Берик Курмангали коронавирус менен ооруп калгандыгын Sputnik Казакстан жазды.

"Тилекке каршы, менин коронавирус боюнча тапшырган тестим сактанган чараларга карабастан, менден оору чыккандыгын көрсөттү. Учурда дарыгерлердин көзөмөлүндө, ооруканада жатам. Абалым канааттандырарлык", — деген Берик Уали.

Казакстан президентинин маалымат катчысы Касым-Жомарт Токаевдин ден соолугу таза экендигин айтты.

"Мамлекет башчы тесттен улам өтүп турат. Ак ордо санитардык эрежелерди сактап, талаптар күчөтүлгөн", — деген Уали.

Ал жалпы казакстандыктарды карантиндин талаптарын сактоого чакырды.

82
Белгилер:
коронавирус, катчылык, маалымат, Касым-Жомарт Токаев, Казакстан
Тема боюнча
Путиндин маалымат катчысы коронавирустан айыгып, үйүнө чыкты