Бычак кармаган киши. Архивдик сүрөт

Сузак: айдоочуну бычактап, унаасын айдай качкан шектүү кырсыктап колго түштү

149
(жаңыланган 18:17 02.11.2021)
Шектүү өз көрсөтмөсүндө таш заводдо иштегендигин, жумушунан чыгып калып курсагы ачкандыктан таксисттен акча алуу максатында ушул ишке баргандыгын билдирген.

ЖАЛАЛ-АБАД, 29-окт. – Sputnik. Сузак районунун аймагында Ош — Бишкек жолунда таксистке бир нече жолу бычак уруп унаасын айдап, изин жашырып кеткен шектүү жигит 28-октябрда колго түшүрүлдү. Бул тууралуу облустук милициянын маалымат кызматынан билдирди.

Ага ылайык, окуя ушул жылдын 11-октябрында саат 21.00дөр чамасында болгон.

"Жалал-Абад шаарындагы Ленин көчөсүндө "Бергбай" такси тейлөө фирмасында Toyota ist унаасы менен иштеп жаткан Авазбек аттуу айдоочуну 20-25 жаштагы жигит жалдап, Ош — Бишкек жолуна жеткирип коюуну өтүнөт. Аталган аймакка барганда кардар Бишкек тараптан жүк күтүп аларын айтат. Таксист анын сөзүнө ишенет. Ошол мезгилде жүргүнчү айдоочунун желкесине, кулак түпкө жана бетине бычак урат. Айдоочу унаадан качып чыгып жолдо келе жаткан унааларды токтотуп, ооруканага барган. Ал эми кардар унааны айдап, Бишкекти көздөй айдап бара жатып, Топурак-Белден жол кырсыгына учураган. Андан соң унааны таштай из жашырып кеткен", — деп айтылат маалыматта.

Аталган факты боюнча Сузак райондук милициясы тарабынан Кылмыш жаза кодексинин 168-беренеси (Каракчылык) менен кылмыш иши козголду.

28-октябрь күнү Криминалдык милиция кызматы тарабынан шектүү кармалып, убактылуу кармоочу жайга киргизилген.

Кылмышка шектүү Базар-Коргон районунун Кызыл-Ай айылынын 26 жаштагы тургуну экендиги белгилүү болду. Ал өз көрсөтмөсүндө буга чейин аталган райондо таш заводдо иштегендигин, жумушунан чыгып калгандыктан окуя болгон күнү акчасы жок курсагы ачып, таксисттен акча алуу максатында ушул ишке баргандыгын билдирген.

149
Белгилер:
Сузак району, кылмыш, каракчылык
Тема боюнча
Бирөөнүн аялы менен жүрбө! Сузакта өз унаасында бычакталган киши
Мүлкүн өткөрүп берүүнү талап кылышкан. Уюшкан кылмыштуу топтун мүчөсү кармалды
Өрттөнгөн унаа. Архивдик сүрөт

ӨКМ: Бишкекте түн ортосунда эки автоунаа өрттөндү. Видео

86
(жаңыланган 10:49 01.12.2021)
Саат 3.20да чыккан өрт 20 мүнөттөн кийин чектөөгө алынып, 4:08де толугу менен өчүрүлгөн. Учурда өрттүн себеби такталууда.

БИШКЕК, 1-дек. — Sputnik. Бишкекте өткөн түнү катар турган эки автоунаа өрттөндү. Бул тууралуу ӨКМден билдирди.

Министрликтин Facebook тармагындагы баракчасына окуя болгон жерден тартылган видео жүктөлдү.

"1-декабрга караган түнү саат 03:20лар чамасында Худайбергенов көчөсүндө жолдун жээгинде токтоп турган Mercedes-Benz жана Toyota Camry үлгүлөрүндөгү автоунаалардан өрт чыкты. Биринчи машина толугу менен өрттөнсө, экинчисинин бампери күйгөн", — деп айтылат билдирүүдө.

Өрт саат 03:50дө чектөөгө алынып, 4:08де толугу менен өчүрүлгөн. Учурда кырсыктын себеби такталууда.

86
Белгилер:
Бишкек, автоунаа, ӨКМ, өрт, видео
Тема боюнча
Мэрия: Бишкекте өрт кырсыгы жана андан каза болгондордун саны өсүүдө
Чычканда өрттөнгөн бензовоздун ичинен кишинин сөөгү табылды. Кырсыктын сүрөтү
Стамбул шаарында бороон-чапкын болгон убакта бараткан адамдар

Түркияда катуу бороон-чапкындан улам алты киши мерт болду. Видео

189
(жаңыланган 16:53 30.11.2021)
Шамалдын ылдамдыгы саатына 130 чакырымга жеткен. Анын айынан чатырлар урап, алдында калган 38 киши түрдүү жаракаттарды алган.

БИШКЕК, 30-ноя. — Sputnik. Түркиянын Стамбул шаарында жана бир катар аймактарында бороон-чапкындын кесепетинен каза болгондордун саны алтыга жетти. Бул тууралуу жергиликтүү бийликке таянып РИА Новости жазды.

Буга чейин Стамбулда ылдамдыгы саатына 130 чакырымга жеткен катуу бороон болгону кабарланган. Катуу шамалдан улам чатырлар урап, алдында калган 38 киши түрдүү жаракаттарды алган. Дагы төрт киши каза болгону айтылган. 

Ал эми Кожаэли провинциясынын администрациясынын маалыматы боюнча, урандылардын астында калган бир адам каза болуп, сегизи жаракат алган.

Зонгулдак облусунда дагы бир адам мерт болгону айтылды.

189
Белгилер:
Түркия, Стамбул, бороон, шамал, адам, өлүм, кырсык
Тема боюнча
Журналист өмүрүн тобокелге салып репортаж жасаган видео
Мамлекеттик кызматкер. Архив

Кадр кызматынын директорунун орун басарлары иштен кетти

0
Абдулазим Курманов менен Олег Тарбинскийди иштен бошотуу боюнча буйрукка өлкө башчы Садыр Жапаров кол койду.

БИШКЕК, 1-дек. — Sputnik. Абдулазим Курманов менен Олег Тарбинский Мамлекеттик кадр кызматынын директорунун орун басарлык кызматынан бошотулду. Бул тууралуу президенттин маалымат кызматы билдирди.

Тийиштүү буйрукка Садыр Жапаров кол койгон. Эки орун басар тең "Мамлекеттик жарандык кызмат жана муниципалдык кызмат жөнүндө" мыйзамдын 37-беренесинин 1-бөлүгүнүн 1-пунктуна ылайык (өз каалоосу менен) иштен кетти.

0
Белгилер:
Кыргызстан, Мамлекеттик кадр кызматы, орун басар, буйрук
Тема боюнча
Нарын шаарына мэр болуп 38 жаштагы Курбанов дайындалды