Бывший советник экс-президента КР Икрамжан Илмиянов

УКМК: Икрамжан Илмиянов бир кишилик камерага которулду

532
(жаңыланган 13:44 31.10.2018)
Буга чейин Кыйноого каршы улуттук борбордун жетекчиси Нурдин Сулайманов Илмиянов жалгыз отурууну суранып жатканын айткан.

БИШКЕК, 30-окт. — Sputnik. Улуттук коопсуздук кызматынын тергөө абагында отурган, экс-президенттин кеңешчиси Икрамжан Илмиянов жалгыз кишилик камерага которулду. Бул тууралуу УКМКнын маалымат катчысы Рахат Сулайманов тастыктады.

Буга чейин Кыйноого каршы улуттук борбордун жетекчиси Нурдин Сулайманов Илмиянов жалгыз отурууну суранып жатканын айткан.

"Тергөө абагына Жантөрө Сатылбадиевдин жактоочусунун суранычы менен биздин кызматкерлер барган. Ошондо Икрамжан Илмияновдун абалынан дагы кабар алышты. Ал өзү эч нерсеге даттанган эмес. Болгону жалгыз отурууну каалап жатканын айткан", — деди Сулайманов.

УКМК өкүлү абакка аталган борбордун кызматкерлери барып кеткенин жана шектелүүчү Илмияновдун жалгыз отуруу өтүнүчү орундатылганын тастыктады.

Церемония награждения государственными наградами за вклад в социально-экономическое развитие КР
© Пресс-служба президента КР / Султан Досалиев
Белгилей кетсек, 18-октябрда Биринчи Май райондук соту Илмияновду кармоо боюнча сыртынан өкүм чыгарылган. Ал эми 20-октябрда ал Россиядан кармалып, Бишкекке алып келингени маалым болгон. Ошол эле күнү райондук сот анын баш коргоо чарасын карап, 28-ноябрга чейин УКМКнын убактылуу кармоо жайында камакта калтырган. Жактоочусу Сергей Слесаревдин билдиришинче ал Кылмыш жаза кодексинин 166-беренеси "Алдамчылык" боюнча айыпталууда.

Икрамжан Илмиянов мурдагы президент Алмазбек Атамбаев оппозицияда жүргөндө айдоочусу, кийин ал президент болгондо 2012-жылдан 2015-жылга чейин президент аппаратынын жетекчисинин орун басарлыгын аркалаган. Андан соң президенттин кеңешчиси болгон.

532
Белгилер:
Икрамжан Илмиянов, УКМК
Тема:
Икрамжан Илмияновго карата козголгон кылмыш иши (19)
Тема боюнча
УКМК: Илмиянов тергөө органдары менен активдүү кызматташууда
Икрамжан Илмияновду сот залынан алып чыгып кетишти. Видео
Икрамжан Илмияновдун баш коргоо чарасы тандалды
Икрамжан Илмиянов сотко алып келинди. Видео
Поезд. Архив

Бишкекте жүк ташыган поездге урунуп 21 жаштагы жигит каза тапты

5
(жаңыланган 18:55 18.09.2021)
Жигит поезддин берген сигналына маани бербегени айтылды. Машинист поездди токтоткону менен жаран ага урунуп көз жумган.

БИШКЕК, 18-сен. — Sputnik. Бүгүн Бишкекте жүк ташуучу поездге урунуп жаш жигит каза болгонун "Кыргыз темир жолу" ишканасы билдирди.

Маалыматта кырсык саат 10.12лер чамасында Жаш гвардия бульвары менен Лев Толстой көчөлөрүнүн кесилишинде болгону айтылды.

"Алдын ала маалымат боюнча, темир жол менен бараткан Р. уулу Э. сигналга маани бербей койгон. Машинист поездди ыкчам токтоткон, бирок жаран поездге урунуп каза болгон", — деп жазылат билдирүүдө.

Маркумдун 21 жашта экени белгилүү болду.

5
Белгилер:
поезд, темир жол, машинист, Бишкек
Тема боюнча
Бишкек: жарыш учурунда Nissan GT-R унаасы тосмого кадалып, талкаланды. Видео
Кишенделген жаран. Архив

УКМК: чек ара кызматкери досунун өлүмүнө шектелип кармалды

51
(жаңыланган 17:30 18.09.2021)
Аскер кызматкери укук коргоо органдарынын кызматкерлери тарабынан бүгүн колго түшүрүлдү. Учурда окуя боюнча тергөө иштери жүрүп жатат.

БИШКЕК, 18-сен. — Sputnik. Чек ара кызматынын аскери адам өлтүрүүгө шектелип калмалды. Бул тууралуу УКМКнын маалымат кызматынан кабарлады.

Билдирүүгө караганда, 18-сентябрда Баткен облусунун Лейлек районуна караштуу Эски-Оочу айылынын четинен эркек кишинин сөөгү табылган. Анын өлүмүнө шектүү катары УКМКнын Чек ара кызматынын эмгек өргүүсүндө жүргөн С.П. аттуу аскер кызматкери кармалды.

"Алдын ала маалыматтарга караганда, 17-сентябрь күнү аталган аскер кызматкери эки досу менен үлпөт тойдон кайтып келе жатып уруша кетишкен. Алгач достор кайым айтышып, кийин мушташканга чейин жеткен. Жыйынтыгында достордун бири көз жумган", — деп айтылат билдирүүдө.

Бүгүн, 18-сентябрда, аскер кызматкери укук коргоо органдарынын кызматкерлери тарабынан кармалган. Учурда окуя боюнча тергөө иштери жүрүп жатат.

51
Белгилер:
УКМК, Мамлекеттик чек ара кызматы, Аскер, өлүм, шектүү
Тема боюнча
Өзбекстанда Кыргызстандан ири көлөмдө баңгизат ташыган адамдар кармалды