Милиция кызматкеринин түрмөдөн качкан кылмышкерлерди издөө иштери учурунда. Архивжик сүрөт

Караңгыда бычак жеп, капыстан окко учуп... Кызматында ажал тапкан милиционерлер

663
(жаңыланган 10:19 05.11.2018)
Эламан Карымшаков
Бүгүн Кыргызстанда тартип менен тынчтыкты камсыздап, мамлекеттин бүтүндүгүн жана жарандардын укугун коргогон милиция кызматкерлери кесиптик майрамын белгилеп жатат. Быйыл кыргыз милициясынын түптөлгөнүнө 94 жыл толду.

Бир кылымга чукул убакыттын ичинде кызматын аткарып жатып 272 милиция кызматкери өмүрү менен кош айтышкан. Алардын акыркысы өткөн жылдын октябрында кылмышкердин колунан бычак жеп каза болгон 25 жаштагы ага-лейтенант Уларбек Майрамбеков болуп калды. ИИМден тастыктагандай, бактыга жараша былтыртан бери бул сыяктуу окуялар катталган эмес.

Ички иштер министрлигинин жарлыгы менен 15-май ички иштер органдарында иштеп, кызмат учурунда каза болгондорду эскерүү күнү деп жарыяланган. Sputnik Кыргызстан агенттиги 2017-жылы набыт болгон милиция кызматкерлерин эске салды.

Бир катарларынын артында бир нече бала калса, кээ бирөөлөрү жаңы үйлөнөм деп турган. Кырсыкты кайдан деп болот… Тирүү болсо бүгүн алар да башка кесиптештери сыяктуу майрамдап жүргөн болоор эле. Балким сыйлык алып, жогорку кызматка көтөрүлмөк.

Бычак жеп, көчөдө жан берген милиция. Бишкектиктер үрөй учурган окуя тууралуу 26-октябрда эртең менен угушту. Түндөсү Бишкектин Бөкөнбаев жана Исанов көчөлөрүнүн кесилишинен милиция кызматкеринин сөөгү табылган. Кылмышкердин колунан бычакталып каза болгон милициянын кызматкери 25 жаштагы Уларбек Майрамбеков болуп чыкты

© видео читателя, отправленное по Whats App-каналу
Уларбек Майрамбеков 2017-жылдын октябрь айында кылмышкердин колунан бычак жеп каза болгон

Маркум Биринчи май райондук милициясынын криминалдык кызматында иштечү экен. Ал мурунку күнү жасап бүткөн иштеринин эсеп-чотун берип, табелдик куралын тапшырып кубанган тейде эмгек өргүүсүнө кеткен. Жакын арада үйлөнө турганын да айткан экен. Иштен чыгып кесиптештерин Бишкектин ичиндеги бир жерге алып барууну суранып, ал жакта калган. Ал эми видеодон түн жамынган бирөө ага кантип бычак ургандыгын көрүүгө болот.

Кесиптешинен ок жеген старшина. Андан бир күн мурда, 25-октябрда, Нарын шаарында каргашалуу окуя болгон. Адистешкен күзөт кызматынын башкы башкармалыгынын кызматкери Жолдошбек уулу Адилет окко учту. Окуя кечкурун, тагыраагы 18.15те Нарын ШИИБинин күзөт бөлүмүнүн курал сактоочу бөлмөсүндө болуп, 26 жаштагы ага сержант куралын өткөрүп жатып, жанындагы старшина тарапка ок чыгарып алган

Получивший огнестрельно ранение сотрудник ГУГССО МВД КР по городу Нарын, старшина милиции Жолдошбек уулу Адилет
Нарында Адистешкен күзөт кызматынын башкы башкармалыгынын кызматкери Жолдошбек уулу Адилетти кесиптеши куралын өткөрүп жатып ок чыгарып алган

Ички иштер министрлиги сержант менен старшинанын чогуу иштеп жүргөнүн билдирди.

Чолпон-Атада кырсыктаган инспектор. Июнь айынын соңунда Чолпон-Ата шаарында Кайгуул милиция кызматынын инспекторун иш учурунда көчөдө кетип бара жаткан Subaru Forester үлгүсүндөгү унаа коюп кетип, ал ооруканада көз жумган

© видео очевидца, отправленное по Whats App-каналу
Чолпон-Ата шаарында Кайгуул милиция кызматынын инспекторун иш учурунда Subaru Forester үлгүсүндөгү унаа коюп кетип набыт болгон

25 жаштагы айдоочу шаардын Совет көчөсү менен батышты көздөй бара жатып, борбордук мечиттин аймагына жеткенде рулду оң жакка, кызматтык унаасынын жанында турган милиционерлерди көздөй буруп жиберген. Милиционерди сүзүп кетип, анын эки буту сынып, ички органдары жабыркаган. Ал эми экинчиси жолдон четке чыга качканга үлгүрүп, аман калган.

Сөөгү үч күндөн кийин табылган подполковник. Ошто Баңгизаттарды көзөмөлдөө боюнча мамлекеттик кызматта иштеген подполковниктин сөөгү 24-мартта автоунаанын ичинен табылган. Ал 21-март күнү үйдөн чыгып кеткен бойдон кайтып келген эмес. Үч күндөн кийин сөөктү Учар айылынын Набережная көчөсүндө жолдун боюнда токтоп турган көк түстөгү Mitsubishi унаасынан табышкан. 

Машина, где нашли тело подполковника Таирбека Уларова в Оше
© Фото / Зульфия Тургунова
Ошто Баңгизаттарды көзөмөлдөө боюнча мамлекеттик кызматта иштеген подполковник Таирбек Уларовдун сөөгү үч күндөн кийин унаасынан табылды

Ош шаардык милициясынан анын өлүмүнө шектелип, бир үй-бүлө мүчөлөрү кармалгандыгын айтышты. Анда шектелүүчү аялын подполковниктен кызганып, ушундай кадамга баргандыгы айтылган.

663
Белгилер:
кызмат, кырсык, майрам, милиция, өлүм
Тема боюнча
Милициянын майору 2 баласы, аялы менен каза болду. Токтогулдагы кырсыктын чоо-жайы
Дзюдочу жана милиционер Нурсултан Сталбек уулу сууга чөгүп каза болду
Ош ШИИБ: подполковник кызганычтын айынан өлтүрүлүшү мүмкүн
Пикирлер