Тапанча. Архивдик сүрөт

Баткенде депутат үйүнүн жанынан ок жеди

611
(жаңыланган 12:33 07.11.2018)
Эл өкүлү Тажикстандагы ооруканага жеткирилген.

БИШКЕК, 6-ноя. — Sputnik. Лейлек районуна караштуу Жаңы-Жер айыл округундагы Арка-2 айылында жергиликтүү кеңештин депутаты, 32 жаштагы Кубаныч Баяновду белгисиз адамдар атып кетти. Бул тууралуу Баткен ОИИБден маалымдашты.

Билдирмеге караганда, окуя 6-ноябрга караган түнү депутаттын үйүндө болгон. Кылмышкерлер ок чыгарып, из сууткан.

Жарадар болгон эл өкүлү Тажикстандагы Гафуров шаарындагы ооруканага жеткирилип, биринчи жардам көрсөтүлгөн.

Окуя боюнча Кылмыш-жаза кодексинин 28-97-беренесинин (өлтүрүүгө аракет кылуу) негизинде кылмыш иши козголду. Учурда кылмышкерлер изделип жатат.

611
Белгилер:
депутат, кылмыш, Лейлек району, Баткен
Тема боюнча
Ысык-Көлдө арыктан киши колдуу болгон 32 жаштагы кишинин сөөгү табылды
Бишкектеги түнкү клубдардын биринде болгон мушташтан бала каза болду
Пикирлер