Поезд. Архивдик сүрөт

Беловодское айылында тепловоз кишини коюп кетти

145
(жаңыланган 21:30 12.11.2018)
ИИМдин маалыматы боюнча машинист тепловозду токтотууга аракет кылганы менен үлгүргөн эмес.

БИШКЕК, 12-ноя. — Sputnik. Чүй облусунун Беловодское айылында тепловоз эркек кишини коюп кетип, ал каза болду. Бул тууралуу ИИМдин маалымат кызматы билдирди. Ага ылайык, кырсык 10-ноябрда саат болжол менен 16:00дөр чамасында болгон.

"Милицияга "Беловодск" станциясынын 145-бөлүгүндөгү жолдо азиат түспөлүндөгү 40-45 жаштардагы кишинин сөөгү табылганы тууралуу маалымат түшкөн. Окуя болгон жерге ыкчам топ дароо чыгып кеткен. Маркумдун ким экени аныкталды", — деп айтылат маалыматта.

Тепловоз Беловодское айылынын 54 жаштагы тургунун коюп кеткен. Ал темир жолго чуркап чыкканда машинист тепловозду токтотууга үлгүрбөй калган.

Учурда соттук-медициналык экспертиза дайындалып, окуянын чоо-жайын аныктоо үчүн аракеттер көрүлүүдө.

145
Белгилер:
кырсык, Беловодск, Чүй облусу
Тема боюнча
Бишкекте жүк ташуучу унаа бир нече жеңил машинаны сүзүп кетти
Бишкек: кечээ жол кырсык болгон жерде бүгүн да унаалар кагышты. Видео
Медик. Архивдик сүрөт

Стационарда иштеп көз жумган студент кыз. Өлүмдүн болжолдуу себеби айтылды

820
(жаңыланган 16:07 14.07.2020)
Адинай Мырзабекова Discoveri мейманканасында уюштурулган убактылуу стационарда ыктыярчы-медайым болуп иштеп жаткан.

БИШКЕК, 14-июл. — Sputnik. Стационарда иштеп жатып каза болгон студент кыздын сөөгүн ачып көрүштү. Алдын ала билдирүүлөр боюнча, ал пневмониядан көз жумган. Бул тууралуу Саламаттыкты сактоо министрлигинин маалымат кызматы кабарлады.

Эске салсак, кечээ Бишкектеги стационарлардын биринде иштеп жаткан 21 жаштагы студент Адинай Мырзабекова каза болгон.

Министрликтин маалымат кызматы билдиргендей, ал Кыргыз мамлекеттик медициналык академиянын дарылоо иши факультетинде 5-курста окучу. Акыркы күндөрү Discoveri мейманканасында уюштурулган убактылуу стационарда ыктыярчы-медайым болуп иштеп жаткан.

Штаб COVID менен пневмониядан каза болгондорду көмүү эрежесин жарыялады

"13-июлда болжол менен 19:45те кыздын абалы кескин начарлап, карышып калган. Ага реанимациялык жардам көрсөтүлгөн. Бирок реанимациянын 40-мүнөтүндө, саат 20:45те үзүлгөн. Кесиптештеринин айтымында, ал буга чейин өзүн жаман сезип жатканын айткан эмес. Кыздын сөөгүн ачып көрүштү. Алдын ала маалымат боюнча, студент кыз пневмониядан көз жумган",— деп айтылат маалыматта.

Министрлик акыркы диагноз соттук-медициналык изилдөөнүн жыйынтыгынан кийин коюларын кошумчалады.

Медициналык окуу жайдын жетекчилиги бул боюнча кийинчерээк маалымат берерин айтты.

820
Белгилер:
медайым, кыз, студент, Бишкек, Кыргызстан
Тема боюнча
Чүйдө стационарга оор абалдагылар көп кайрылууда, эми медиктер үймө-үй кыдырат
Медкызматкер. Архивдик сүрөт

Бишкектеги стационарда иштеген 21 жаштагы студент кыз көз жумду

154
(жаңыланган 15:37 14.07.2020)
Каза болгон кыздын кесиптешинин айтымында, ал стационарда 11 күндөн бери иштеп жаткан. Абалы кечээ кечинде оорлошуп, тилекке каршы, Адинайды аман алып кала алышкан эмес.

БИШКЕК, 14-июл. — Sputnik. Бишкек шаарында убактылуу стационарлардын биринде иштеп жаткан Кыргыз мамлекеттик медициналык академиянын студенти, 21 жаштагы Адинай Мырзабекова каза болду. Бул тууралуу Sputnik Кыргызстан агенттигинин кабарчысына маркумдун кесиптештери маалымдады.

Аталган фактыны Саламаттыкты сактоо министрлигинен тастыкташты.

Уюн сатып согуш катышуучуларына эстелик тургузган Боромбаев каза болду

Кыздын кесиптешинин айтымында, Адинай стационарда медайым болуп иштеп жаткан.

"Керелди кечке коргоочу кийим кийип жүрөбүз. Аны кийип иштөө мүмкүн эмес. Бардыгыбыздын алыбыз кетип, башыбыз айлана баштаган. Кечээ кечинде санитар келип Адинай өзүн жаман сезип жатканын айтты. Бизди окутуп жаткан реаниматолог тез жардам келгиче ага жардам берип турду", — деди ал.

Адинайдын кесиптеши белгилегендей, стационар жеңил жана орточо оор абалдагы бейтаптарга ылайыкташылгандыктан, ал жакта иштегендердин жанында эсине келтирген жана башка керектүү дары-дармектер жок болчу.

Коронавирус дагы эки адамдын өмүрүн алып кетти

"Реанимация Адинай каза болуп калганда келди", — деди маркумдун кесиптеши.

Анын айтымында, 3-июлдан бери аталган стационарда 18 медик иштеп жаткан. Анын төртөө №6 бейтапканадан келсе, калганы Медициналык академиянын студенттери эле. Кыздын сөөгүн катафалк 4-5 сааттан кийин гана алып кеткен.

"Бизди жумушка алып жатканда кайсы жерибиз ооруй турганын сурашкан эмес. Стационарда иш көп, кээде 18 саат эс албай иштейбиз", — деди ал.

Медициналык окуу жайдын жетекчилиги бул боюнча кийинчерээк маалымат берерин айтты.

154
Белгилер:
медайым, стационар, өлүм, кыз, студент, Бишкек
Тема:
Коронавируска байланыштуу Кыргызстандагы кырдаал
Тема боюнча
Кыргызстанда пневмониядан 45 адам каза болду
АКШдагы баллистикалык ракетасы Minuteman III сыноолору. Архивдик сүрөт

"Акыр заманга кадам". АКШ СНВ-3 келишиминен чыккандан кийин эмне өзгөрөт

0
Россиянын тышкы иштери министри Сергей Лавров белгилегендей, Ак үй СНВ-3түн чабуул койчу стратегиялык куралынын санын азайтуу боюнча келишимди узартпоону чечкендей.

Бул эки өзөктүк державанын аскердик күчүн ооздуктап турган акыркы документ. Эл аралык коопсуздук системасынын бүлүнүшү жалпы дүйнөгө кандай зыян тийгизерин РИА Новости талдап көрдү. 

Кытайды кошуу

Журналисттердин суроолоруна жооп берип жатып ТИМ башчысы Сергей Лавров СНВ-3түн узартылбай калышынан улам ызы-чуу түшүүгө негиз жок экенин белгиледи. Анын айтымында, Россия өз коопсуздугун аталган документсиз эле коргоп алат. Ошентсе да бул макулдашуу өтө маанилүү болчу. СНВ-3 Россия менен АКШнын президенттери Дмитрий Медведев жана Барак Обама тарабынан 2010-жылдын 8-апрелинде түзүлгөн. Документ 2011-жылдын февралында күчүнө кирип, мөөнөтү 2021-жылы аяктамак.

"Посейдон" сыноодон өтүүдө: Батыш мүнөздөгөндөй "кыямат күндүн торпедасыбы"?

Макулдашууда Россия менен АКШнын арсеналындагы өзөктүк дүрмөттүн санын 1550 бирдикке, континенттер аралык баллистикалык ракеталардын, суу алдынан жүрчү кемелердин баллистикалык ракеталарынын, оор бомбардирлердин санын 700гө чейин кыскартуу каралган. СНВ-3 документине СНВ-1дин мөөнөтү бүткөндөн туура бир жыл соң кол коюлган. Алгач анын узартылышынан эч ким күмөн санабаса, Дональд Трамптын келиши менен кырдаал кескин өзгөрүп кетти.

СНВ-3түн мындан ары узартылышы үчүн америкалык лидер макулдашууга Кытайды кошуу шартын айтып отурат. КЭРдин Тышкы иштер министрлигинин куралды көзөмөлдөө боюнча департаментинин директору Фу Цун мындай талап Кытай өзөктүк арсеналын АКШнын деңгээлине жеткиргенде же Вашингтон өзүнүкүн кыскартканда гана аткарылышы мүмкүн экенин белгиледи. Пекин башка варианттарды караган да жок, анткени алардын баарында стратегиялык потенциалдагы айырмачылыктар эске алынган эмес.

Москва Вашингтон коюп жаткан дагы бир шартка макул болбой жатат. Июлдун башында АКШ президентинин куралды көзөмөлдөө боюнча атайын өкүлү Маршал Биллингсли "Буревестник" ракеталарынын жана "Посейдон" дрондорунун долбоорун "коркунучтуу" деп атап, СНВ-3түн чектөөлөрүнө дал келбегендиктен аларды жабууну сунуштаган. Америкалыктар буга чейин деле Россия чыгарган жаңы куралдарды чектөөнү айтып келген.

"Армата" экспортко чыгат: россиялык жаңы Т-14 танкын биринчи ким алат?

"Мунун баары АКШнын дүйнөлүк лидерликти сактап калууга өзөктүк шантаждан башка рычагы калбай баратканын айгинелейт. Экономикалык жактан айрым тармактар боюнча Кытайдан, аскердик технология боюнча Россиядан артта калууда. Ушундан улам жаңы ачылыштарды жасоодон баш тарттырышмакчы. Биз бул капкандан кыйгап өтүшүбүз керек", — деди аскер илимдеринин доктору Константин Сивков.

Солк этпеген позиция

Сергей Лавров Россия АКШдан макулдашуунун мөөнөтүн узартууну суранбай турганын айтты. Министр америкалыктар менен СНВ-3түн алкагында россиялык өндүрүштөн чыккан эки жаңы стратегиялык системанын санын азайтуу маселеси талкууланганын белгиледи. Мында кеп "Авангард" деп аталган гиперүндүү аскердик блоктор жана "Сармат" аталышындагы континеттер аралык баллистикалык ракеталар тууралуу жүрүүдө.

Россиялык "Циркон" Дүйнөлүк океандагы нукту өзгөртөт. Ага каршы курал жок

"Ал эми калган үч система (Буревестник, "Посейдон", "Циркон") СНВ-3түн бир да категориясына кирбейт. Бирок биз макулдашууда каралбаган куралды да талкуулоого даярбыз", — деди Лавров.

АКШ буга жооп кылып, сүйлөшүүгө шыр эле макул боло калбаса керек. Вашингтон "Же силер биздин айтканыбыз менен болосуңар, же биз макулдашуудан чыгабыз" деген талабын канчадан бери айтууда. Бирок Россиянын да, Кытайдын да улуттук кызыкчылыктан кечип Американын мындай шартына көнчү түрү жок. Адистердин айтымында, СНВ-3тү узартуу дээрлик мүмкүн болбой калды. Бул эл аралык коопсуздук системасы түп тамырынан бери өзгөрөт деген сөз.

Сандан сапатка карай

"Арсенал Отечества" журналынын редактору Виктор Мураховскийдин айтымында, аскердик тармакта эл аралык коопсуздук системасы дээрлик жок экенин моюнга алуу керек.

"Система СССР менен АКШнын, кийин Россия менен АКШнын макулдашуусунун негизинде кармалып турган. Бул ПРО, РСДМ, өзөктүк сыноого таюу боюнча документтер эле. Аларды америкалыктар ратификациялаган эмес. Европадагы коопсуздук жана кызматташуу боюнча макулдашуу да АКШнын аракети менен жок болду. Кансыз согуштун курч кырдаалдарында кылдаттык менен негизделип түзүлгөн система Вашингтондун демилгеси менен кыйрады", — деди адис.

Эксперт азырынча иштеп жаткан СНВ-3төн тышкары Ракета технологияларын көзөмөлдөө режими боюнча макулдашуу гана калганын белгиледи. Бирок бул документти да америкалыктар өзүнө карап ыңгайлаштырып алууга аракет кылып жатат. Июнда "Рейтер" агенттиги аскердик өнөр жай комплексиндеги жана өлкө жетекчилигиндеги маалымат булагына таянып, Ак үй келишимдин жоболорун карап чыгууга даярданып жатканын жазган. Бул пилотсуз учуучу учактарын башка мамлекеттерге сатуу үчүн жасалмакчы. Мындай кадам бөлөк мамлекеттерге жагары күмөн.

Дүйнөдө Т-15 "Арматанын" теңдеши жокпу? Cууга чөкпөс, отко күйбөс курал

"Баарын кайра башынан түзүп, курап чыгууга туура келет. Бул маселени талкуулоо үчүн биздин президент БУУнун Коопсуздук кеңешинин беш туруктуу мүчөсүнүн жолугушуусун демилгеледи. Балким, чектөө болбосо да өзөктүк куралды көзөмөлдөө тууралуу бир пикирге келишээр. Бирок Вашингтондун саясаты менен позициясы бул ойдон да баш тартууга мажбурлап жатат", — деди Мураховский.

Эксперт эми Россия менен АКШ куралынын саны боюнча эмес, ушул тармакта мыктылыгын көрсөтүү үчүн катуу кармашат деп эсептейт.

0
Белгилер:
көзөмөл, өзөктүк курал, келишим, макулдашуу, Кытай, АКШ, Россия, курал
Тема боюнча
Антиторпеда: россиялык фрегаттардын өзгөчөлүгү