Кишен. Архивдик сүрөт

Кайрадан ок чыгарды. Милицияны атты деген шектүү кармоо учурунда курал колдонду

1131
(жаңыланган 18:37 19.11.2018)
Кармалган жаран жыл башында Свердлов РИИБинин кызматкерин атып, окуя болгон жерден качып кеткен.

БИШКЕК, 18-ноя. — Sputnik. Жыл башында Бишкектин Чыгыш-5 кичирайонунан милиция кызматкерине ок чыгарган жаран бүгүн таңда Кара-Балта шаарынан колго түшүрүлдү. Ал кармоо маалында ок чыгарып, милиция кызматкерлерин жарадар кылып, өзү да жабыркаган. Бул тууралуу ОИББдин маалымат кызматы билдирди.

Колго түшүрүү иштери 18-ноябрда таңкы саат 6:00дө Чүй облустук криминалдык милициясы тарабынан жүргүзүлгөн.

Белгилей кетсек, 3-февралда белгисиз киши Бишкектин "Чыгыш-5" кичирайонунан Свердлов райондук милициясынын кызматкерине ок чыгарып, окуя болгон жерден качып кеткен. Кийин шектүүнүн аты-жөнү Тилек Шатманов экени аныкталып, укук коргоо органдары тарабынан кармалган. Шектүүнү машинанын артына салып милиция бөлүмүнө алып баратканда капысынан тапанчасын чыгарып автоунаа айдап бараткан милиционерди аткан. Машина токтогондо ал качып кеткен. Дароо "Перехват" планы жарыяланып издөө салынган. Ага карата Кылмыш-жаза кодексинин 28-97-беренелери боюнча кылмыш иши козголгон. 

Разыскивается подозреваемый в совершении вооруженного нападения на сотрудников управления внутренних дел Свердловского района
© Фото / пресс-служба ГУВД Бишкека
Шектүүнүн Тилек Шатманов

"Ыкчам маалыматтар боюнча издөөдө жүргөн Шатманов Кара-Балта шаарында экени аныкталган. Бүгүн таңкы саат алтылар чамасында "Шумкар" атайын даярдыктагы бөлүмдүн өкүлдөрү менен чогуу шектүү кармалды. Ал ок чыгарып каршылык көрсөттү", — деп айтылат маалыматта.

Кармоо маалында "Шумкардын" бир жоокери менен шектүү жаракат алган. Экөө тең Кара-Балта шаарынын ооруканасына жеткирилген.

Колго түшкөн Шатманов Ош шаарында каракчылык жасаган жана Чүй облусунда адам өлтүрүүгө катыштыгы бар деп шектелүүдө.

1131
Белгилер:
кылмышкер, атышуу, кармоо, милиция, Кара-Балта
Тема боюнча
Бишкекте милиционерге ок чыгарган шектүүнүн сүрөтү жарыяланды
ШИИБ: милиционерди атып качып кеткен адам башка ат менен жүрүшү мүмкүн
Жалал-Абад шаарында эл аралык террордук уюмдун мүчөлөрү колго түшүрүлдү

УКМК: Жалал-Абадда эл аралык террордук уюмдун мүчөлөрү кармалды

107
(жаңыланган 13:04 20.10.2020)
Шектүүлөрдүн жанынан уурдалган акча, жасалма чет элдик валюталар, ток менен уруучу аппарат жана бычак сыяктуу далил буюмдар алынган.

БИШКЕК, 20-окт. — Sputnik. Жалал-Абад шаарында эл аралык террордук уюмдун мүчөлөрү колго түшүрүлдү. Бул тууралуу Улуттук коопсуздук мамлекеттик комитетинин коомчулук менен байланыш бөлүмү кабарлады.

Шектүүлөр кечээ, 19-октябрда, УКМК менен милициянын террордук уюмдардын жашыруун түзүмдөрүн жана аларды каржылоо каналдарын аныктоого, алдын алууга жана бөгөт коюуга багытталган ыкчам издөө иш-чараларынын жүрүшүндө кармалган. Алар Кыргызстандын жарандары Б.О. жана Э.К. болуп чыгышты.

В Джалал-Абаде задержаны члены международной террористической организации
© Фото / пресс-служба ГКНБ
Шектүүлөр кечээ, 19-октябрда, УКМК менен милициянын террордук уюмдардын жашыруун түзүмдөрүн жана аларды каржылоо каналдарын аныктоого, алдын алууга жана бөгөт коюуга багытталган ыкчам-издөө иш-чараларынын жүрүшүндө кармалган

Такталгандай, кармалган адамдар 19-октябрь күнү эртең менен ишкерге кол салып 400 миң сом өлчөмүндөгү акчасын уурдап кетишкен.

Бишкекте элди террордук уюмга азгырган чет элдик кармалды. Сүрөт

Жанынан уурдалган акча каражаты, жасалма чет элдик валюталар, ток менен уруучу аппарат жана бычак менен сайылуучу нерселер далил зат катары табылды.

"Кармалгандар Сириянын аймагындагы мыйзамсыз куралдуу топтордун ишмердүүлүгүнө катышып жана эл аралык террордук уюмдардын башчыларынын көрсөтмөсү менен ЭТУ мүчөлөрүнө каржылык колдоо көрсөтүү үчүн талап-тоноочулукту уюштуруу максатында Кыргызстандын аймагына келишкен", — деп айтылат маалыматта.

Сотко чейинки өнүрүштүк материалдар Кылмыш жана жоруктардын бирдиктүү реестрине катталган. Кармалгандар Жалал-Абад шаардык милициянын тергөө камак жайына киргизилди. Иликтөө уланууда.

107
Белгилер:
кармоо, шектүү, мүчө, террордук уюм, УКМК
Тема боюнча
УКМК: коррупциялык иштерге күбө болгондор үчүн ишеним телефондор иштей баштады
УКМК ЖЭБ кызматкерлеринин пара алган мыйзамсыз схемасын аныктады
Чоң Алай району. Архив

Чоң Алайда күчү 4,5 баллга жеткен жер титирөө болду

54
(жаңыланган 10:45 20.10.2020)
Жер силкинүү райондун бир нече айылында сезилди. Табигый кырсыктан жабыркагандар жана кыйроолор катталган жок.

БИШКЕК, 20-окт. — Sputnik. Ош облусунун аймагында очогунда күчү 4,5 баллга жеткен жер титирөө катталды. Бул тууралуу ӨКМ Сейсмология институтунун маалыматына таянуу менен кабарлады.

Жаратылыш кырсыгы кечээ, 19-октябрь күнү, саат 16:17де болгон.

Ала-Букадагы алтын кен ишканасында өрт чыкты. Видео

Жер титирөө Чоң Алай районунун Ачык-Суу, Жайылма айылдарында 2 балл, Кызыл-Эшме, Кара-Шыбак, Жар-Башы айылдарында 3 балл, Кашка-Суу айылында 4 баллга чейин сезилген.

Силкинүүдөн жабыркагандар жана кыйроолор катталган жок.

54
Белгилер:
жер титирөө, Алай району, Ош, ӨКМ
Тема боюнча
Кыргызстанда күчү 5 баллга жеткен жер титирөө болду
Нариман Түлеев пресс-конференция учурунда

Нариман Түлеев Бишкек мэриясын жетектемей болду

45
(жаңыланган 15:14 20.10.2020)
Нариман Түлеев 2008-2010-жылдары борбор калаанын мэри болуп иштеген. Бүгүн эртең менен ал биринчи вице-мэр болуп дайындалды.

БИШКЕК, 20-окт. — Sputnik. Нариман Түлеев Бишкек мэринин милдетин аткармай болду.

Эске салсак, бүгүн, 20-октябрда, Түлеев биринчи вице-мэр болуп дайындалган. Кийинчерээк Суракматов мэрлик кызматтан кетип жатканын билдирген. Буга байланыштуу мэрдин милдетин Түлеев аткармай болду.

Белгилей кетсек, мэрди шаардык кеңеш шайлайт. Талапкерлерди фракциялар менен көпчүлүк коалиция, ошондой эле премьер-министр сунуштай алат.

Түлеевдин иши

Мурдагы мэр жана ЖКнын экс-депутатына 2012-жылы коррупция боюнча кине тагылган. Кылмыш иши Кытайдан автобустарды сатып алууда, ошондой эле 200 миллион сомдук муниципалдык облигация чыгарууда мыйзамсыз аракеттерден улам козголгон. 2013-жылы Ленин райондук соту мүлкүн конфискациялоо менен Түлеевди 11 жылга эркинен ажыраткан. 2014-жылдын декабрында Бишкек шаардык соту ал өкүмдү күчүндө калтырып, ал эми туура бир жылдан соң Жогорку соттун коллегиясы да ушундай эле өкүм чыгарган. Нариман Түлеев мамлекеттик казынага 60 миллион сом кайтарып берип, 2016-жылдын май айында эркиндикке чыккан.

45
Белгилер:
Бишкек, мэр, Нариман Түлеев
Тема боюнча
Бишкек мэри Азиз Суракматовдун маалымат жыйыны. Видео
Азиз Суракматов мэрлик кызматтан эмнеге кеткенин түшүндүрдү