Тапанча. Архивдик сүрөт

Киши колдуу болгон депутат, ок жеген прокурор. Жыл ичиндеги чуулуу өлүмдөр

730
(жаңыланган 13:15 26.02.2019)
Кечээ, 18-ноябрь күнү, Баткен облусунун прокурорунун сөөгү Төрт-Көл суу сактагычына жакын жердеги жолдо табылды. Анын денесинде зомбулуктун белгилери табылып, ок жегени аныкталган. Ошол эле күнү милиция кызматкерлери шектүү катары Капиталдык курулуш башкармалыгынын начальнигин колго түшүргөн.

Буга байланыштуу Sputnik Кыргызстан агенттиги туура бир жыл ичинде укук коргоо кызматкерлери менен аткаминерлерге байланыштуу каргашалуу окуяларды тизмектейт.

Бычакталган милиционер

© видео читателя, отправленное по Whats App-каналу
Бычакталып каза болгон милиционерге кол салган учур видеого түшүп калган
Былтыркы жылдын октябрь айында Бишкектин Бөкөнбаев жана Исанов көчөлөрүнүн кесилишинде белгисиз адам милиция кызматкерин бычактап кеткен. Окуя болгон жерде көз жумган 25 жаштагы ага лейтенант Уларбек Майрамбеков Биринчи май райондук милициясынын криминалдык кызматында иштеп келген. Каргаша болгондон эки күн өткөн соң кылмышка шектелип 26 жаштагы жаран кармалып, аны бычактап өлтүргөнүн мойнуна алган.

Кырсыктаган тергөөчү

Последствия ДТП в Токтогульском районе Джалал-Абадской области
© Фото / пресс-служба УВД Джалал-Абадской области
2017-жылдын декабрында Бишкек — Ош трассасында болгон жол кырсык
2017-жылдын декабрында Бишкек — Ош трассасында Токтогул РИИБинин аймактык тескөөчүсү 37 жаштагы Нургазы Түгөлбай уулу эки баласы, аялы менен каза болгон. Токтогул районунун Торкент айылына жакын жерде Hyundai Getz жана Honda Stepwgn үлгүсүндөгү унаалар кагышкан. Кырсыктын кесепетинен жети адам каза болуп, үчөө жаракат алган. Милициянын майору Hyundai Getz унаасынын ичинде болгон. Көз жумган кызматкер ички иштер органдарында 2003-жылдан бери эмгектенип келген

Ок жеген кызматкер

Жыл башында борбор калаанын Чыгыш-5 кичирайонунда белгисиз адам милиционерди түн ичинде жарадар кылган. Тартип сакчысы кызмат учурунда ок жеп, ооруканага түшкөн. Шектүү 10 айдан кийин гана Кара-Балта шаарында колго түшүрүлдү. Ал кармоо маалында да ок чыгарган. Айыпталуучу Ош шаарында каракчылык жасаган жана Чүй облусунда адам өлтүрүүгө катыштыгы бар деп шектелүүдө.

Көлгө чөккөн күзөтчү

Жайында 25 жаштагы Нурсултан Сталбек уулу Ысык-Көлдө эс алып жүрүп сууга чөгүп каза болгон. Ал Чүй облусунун ички иштер башкы башкармалыгынын кайгуул күзөт кызматында иштечү.

Киши колдуу болгон депутат

Баткендин Лейлек районуна караштуу Жаңы-Жер айылдык кеңешинин төрагасы Кубаныч Баяновду ноябрь айында өз үйүнүн жанынан атып кетишкен. Жергиликтүү кеңештин 32 жаштагы депутаты 10 күндөн кийин ооруканада айыга албай көз жумган

Уруштан каза тапкан аткаминер

Заместитель генерального директора госпредприятия Кыргызаэронавигация Маматназар Жакыпбаев
© Фото / пресс-служба ГП "Кыргызаэронавигация"
"Кыргызаэронавигация" мамлекеттик ишканасынын башкы директорунун орун басары Маматназар Жакыпбаев
"Кыргызаэронавигация" мамлекеттик ишканасынын башкы директорунун орун басары Маматназар Жакыпбаевдин унаасын артынан жолтандабас келип сүзгөн. Окуя 21-октябрь күнү болжол менен саат 20.00дөр чамасында Түштүк магистраль менен Токтоналиев көчөсүнүн кесилишинде болгон. Милиция ал жердеги жаакташуу урушка айланып кетип, Жакыпбаев бордюрга башы менен тийип каза болуп калгандыгын кабарлаган. Аталган каргаша боюнча кылмыш иши козголуп, эки шектүү камакка алынган.

730
Белгилер:
аткаминер, укук коргоо, Өлтүрүү, Кыргызстан
Тема боюнча
Караңгыда бычак жеп, капыстан окко учуп... Кызматында ажал тапкан милиционерлер
Граната, кайыган ок, атышуу. Кыргызстандын түрмөлөрүнөн дагы кимдер качкан?
Баткен облусунун прокурорунун өлтүрүлүшү. ИИМ окуянын чоо-жайын айтты
Тапанча кармаган адам. Архив

Ак-Талаа: акимдин кабинетинде тапанча менен чуу салган киши кармалды

128
(жаңыланган 12:30 16.01.2021)
Бул факты боюнча Ак-Талаа РИИБи тарабынан Жазык кодексинин 266-беренеси ("Бейбаштык") менен сотко чейинки өндүрүш ачылган.

БИШКЕК, 16-янв. — Sputnik. Ак-Талаа районунун Баетов айыл аймагында жайгашкан администрациясына тапанча көтөрүп кирип айыл акимди коркуткан киши кармалды. Бул туурасында Нарын облустук милициянын маалымат кызматы билдирди.

Милицияга 12-январь күнү саат 16:30дар чамасында колуна тапанча кармаган белгисиз мас киши келип ызы-чуу салып жатканы тууралуу маалымат түшкөн.

Ыкчам-тергөө тобу барганда 41 жаштагы А.Е. аттуу жергиликтүү тургун газ-пневматикалык тапанчаны эч кандай тийиштүү документи жок көтөрүп жүргөнү аныкталган.

“Мас абалында келген киши коомдук тартипти бузуп, мамлекеттик администрациянын жетекчисинин кабинетине кирип куралы менен чапкан. Денесине зыян келтирип, сөгүнүп, сабап саларын айтып коркуткан. Ошол учурда ал кармалып, 14-январда Ак-Талаа райондук сотунда баш коргоо чарасы тандалып, эки айга камалды”, — деп айтылат маалыматта.

Бул факты боюнча Ак-Талаа РИИБи тарабынан Жазык кодексинин 266-беренеси ("Бейбаштык") менен сотко чейинки өндүрүш ачылган.

Азыркы тапта тергөө иштери жүрүп жатат, тийиштүү соттук-медициналык экспертизалар дайындалган.

128
Белгилер:
Ак-Талаа району, коркутуу, кармоо, тергөө, милиция, мас
Тема боюнча
Жалал-Абадда көчө шыпырган аялды сабады деген шектүү кармалды
Бишкекте чет элдик жаранды коркуткан кылмыштуу топтун мүчөлөрү кармалды. Видео
Бишкекте жол талашкан айдоочуга курал такап жаткан киши кармалды
ӨКМдин Бишкек шаары боюнча башкармалыгынын куткаруу кызматынын башчысынын орун басары, улук лейтенант Дастан Женгенбеков. Архив

Женгенбеков: Дача СУ кырсыгында элдин ынтымагы көзгө жаш алдырды

208
(жаңыланган 12:25 16.01.2021)
ӨКМдин Бишкек шаары боюнча башкармалыгынын куткаруу кызматынын башчысынын орун басары, улук лейтенант Дастан Женгенбеков 2017-жылы "Манас" эл аралык аэропортунун жанындагы Дача СУ конушунда болуп өткөн кырсык тууралуу эскерди.
Женгенбеков: Дача-СУ кырсыгында элдин ынтымагы көзгө жаш алдырды

Дача СУдагы кырсыкта элдин ынтымагына суктандым. Бишкектиктердин күйүмдүүлүгүн көрүп, көзүбүзгө жаш алдык. Мындай сезимдери менен Дастан Женгенбеков Sputnik Кыргызстан радиосуна маек куруп жатып бөлүштү.

Куткаруучунун айтымында, элден ар кандай жардамдар кырсык болгон күнү түштөн тарта келе баштаган.

"Мен ал күнү күзөттө болчумун. Бир сааттан соң нөөмөттү тапшырабыз деп турганбыз. Аңгыча эле "Манас" аэропорту жакта учак кулады деген чакырык келип түштү. Алгач уккан кулагыма ишенген жокмун, тилекке каршы, маалымат чын болуп чыкты. Саат 8ге чамалап жетип бардык. Согушка түшкөндөй эле болдук. Урандылар менен коюу туман, түтүндүн арасынан чыккан онтологон үндөр жүрөгүбүздүн үшүн алды. Саат 14:00гө чейин тынымсыз иштеп жаттык. Негизги максатыбыз, тилегибиз да тирүү адамдарды табуу эле. Түштөн баштап элден гуманитардык жардам келе баштады. Улгайган апалар бир килограмм кумшекер, бир банка варенье, жаш балдар чогултуп жүргөн тыйындарын кутучасын жара чаап көтөрүп келип жаткандарын көргөндө көзүмө жаш алдым. Шаардыктардын мындай боорукерлигин, ынтымагын ошондо алгач ирет көргөм", — деди Женгенбеков.

Ал куткаруучулук кызмат өзүмчүл болбоого тарбиялай тургандыгын кошумчалады.

Эскерте кетсек, каргаша 2017-жылы 16-январда эртең менен болгон. Жүгү бар Boeing учуп-конуу тилкесинен чыгып кетип, аэропорттун жанындагы Дача СУ айылына кулаган. Натыйжада айылдын 35 тургуну менен экипаждын төрт мүчөсү тең каза тапкан.

Sputnik агенттиги Дача СУдагы авиакырсыктын себебин ачып берген даректүү тасма даярдады.

208
Белгилер:
куткаруучу, ӨКМ, кырсык, Дача СУ
Тема:
Дача айылындагы авиакырсыктын кесепеттери
Тема боюнча
Өлөр алдында учкучтар уруша кетишкен. Дача СУга учактын кулаган себеби
Президент Гвинейской Республики Альфа Конде участвует в деловом круглом столе Россия - Африка: расширение границ в рамках XX Петербургского международного экономического форума.

Гвинея президенти COVID-19га каршы "Спутник V" вакцинасын сайдырды

0
(жаңыланган 13:23 17.01.2021)
Гвинеянын мамлекеттик телеканалы өткөн аптада президент өзүнүн борбордук сарайында COVID-19га каршы "Спутник V" вакцинасын сайдырып жатканы боюнча репортаж жасаган.

БИШКЕК, 17-янв. — Sputnik. Африка өлкөлөрүнүн лидерлеринин ичинен Гвинея президенти Альфа Конде коронавируска каршы россиялык "Спутник V" вакцинасын алгандыгын "Известия" кабарлады.

"Мамлекет башчы менен кошо өкмөттүн мүчөлөрү да "Спутник V" вакцинасын алды", — деп жазган басылма.

Гвинеянын мамлекеттик телеканалы өткөн аптада Альфа Конде өзүнүн борбордук сарайында COVID-19га каршы "Спутник V" вакцинасын сайдырып жатканы боюнча репортаж жасаган.

Сюжетте мамлекеттин башчысы коронавируска каршы күрөштө жарандарга үлгү болгон кадам жасаганы айтылган. Портал эмдөө сынамык вакцинациялоонун экинчи этабынын алкагында болгонун кабарлаган.

Гвинея Африка өлкөлөрүнүн ичинен "Спутник V" вакцинасын колдоно баштагандардын бири болду. 30-декабрда аталган өлкөнүн жогорку кызматта турган жетекчилеринин тобу россиялык вакцинаны сайдырышкан.

Россия лиреди Владимир Путин 11-августта Россия дүйнөдө алгачкылардан болуп коронавирусту алдын алуучу дарыны иштеп чыгып каттоого алганын жар салган. Вакцина "Спутник V" деп аталган. Бул вакцина Россия, Беларусь, Сербия, Аргентина жана Боливия мамлекеттеринде жактырылган. Учурда аны өз жарандары үчүн алууга ынтызар болгон мамлекеттердин саны арбып бара жатат.

0
Белгилер:
вакцина, президент, Спутник V, Гвинея, Россия
Тема:
Дүйнөгө жайылган коронавирус
Тема боюнча
Министрлик: Кыргызстанга АКШ вакцинасы сунушталды, бирок анын бир кемчилиги бар
"Спутник V" Африкага жетти. Россиялык вакцинага эмнеге мынча ишеним артылууда