Ош шаары. Архивдик сүрөт

Бүгүн таңга маал Ошто жер титиреди

254
(жаңыланган 18:33 09.02.2019)
Алдын ала маалыматка караганда, жабыркагандар жана кыйроолор катталган жок.

БИШКЕК, 26-ноя. — Sputnik. 26-ноябрь күнү саат 5.18де Ош облусунун аймагында күчү 4,5 баллга жеткен жер титирөө катталганын ӨКМдин маалымат кызматынан кабарлашты.

Жердин силкинүүсү Алай районунун Көк-Суу айылында 4,5 балл, Эркеч-Там, Нура айылдарында 4 жана Кара-Киндик айылында 3 баллга чейин сезилди.

Алдын ала маалыматка караганда, жабыркагандар жана кыйроолор катталган жок.

254
Тема боюнча
ӨКМ Бишкек — Ош жолундагы бүгүнкү кырдаал тууралуу маалымат берди
Кыргызстандыктар ноябрда электр энергиясы үчүн көбүрөөк төлөмөй болду
Жаза аткаруу мамлекеттик кызматынын төрагасынын биринчи орун басары Таалайбек Нуралиев. Архивдик сүрөт

Коррупцияга шектелген ЖАМК жетекчисинин орун басары Нуралиев кызматтан алынды

82
(жаңыланган 16:02 25.09.2021)
Нуралиев августтун башында кармалган. Анын иш бөлмөсүнөн жана үйүнөн акча каражаты, курал-жарак жана соттолгондор жасаган буюмдар табылган.

БИШКЕК, 25-сен. — Sputnik. Жаза аткаруу мамлекеттик кызматынын төрагасынын биринчи орун басары Таалайбек Нуралиев кызматтан алынганын ЖАМКтын маалымат кызматы кабарлады.

Буйрукка 16-сентябрда юстиция министри Асел Чынбаеванын сунушу менен министрлер кабинетинин башчысы Улукбек Марипов кол койгон.

Нуралиев августтун башында кармалган. Ал соттолгон жарандарды мөөнөтүнөн мурда бошотуу, абактагы шарттарын жеңилдетүү, ошондой эле орто звенодогу жетекчилердин мыйзамсыз аракеттерин жаап-жашырып жүргөнү үчүн системалык түрдө акча алып келгени айтылган.

Сотко чейинки өндүрүштүн алкагында 2-август күнү Нуралиевдин иш бөлмөсүн тинткенде 3500 доллар, 59 000 сом, уюлдук телефон жана майда калибрдеги курал чыккан.

Ал эми жашаган үйүн текшергенде ТТ үлгүсүндөгү тапанча жана жылмакай курал табылган. Аны менен катар абакта отурган соттолуучулар тарабынан жасалган стол, отургуч, кылыч, бычак, сандык, нарда сыяктуу буюмдар болгон.

Нуралиев УКМКнын убактылуу кармоочу жайына киргизилген.

82
Белгилер:
ЖАМК, Таалайбек Нуралиев, кызмат, бошотуу, коррупция
Тема боюнча
Туйгунаалы Абдраимов тергөөгө келип туруу милдеттемесин алып сурактан чыкты
Асмандагы бүркүт. Архивдик сүрөт

Кубада урунган эки бүркүттүн айынан учак кайра конууга мажбур болду. Видео

151
(жаңыланган 12:25 25.09.2021)
Окуяда эч бир жүргүнчү жабыркаган эмес. Деген менен чукул тормоз берилгендиктен учактын дөңгөлөгү жарылып кеткен.

БИШКЕК, 25-сен. — Sputnik. Кубада Azur Air авиакомпаниянын Boeing-767-300 учагы жерден көтөрүлгөндө эки бүркүт урунган окуя катталды. Бул тууралуу TourDom.ru порталына таянып "Известия" жазды.

Кырсыктын кесепетинен жалын чыгып, жүргүнчүлөр дүрбөлөңгө түшкөн. Экипаж аргасыздан кайра конгон.

Куштун бири аба кемесинин тумшук жагына урунса, экинчиси учактын оң жактагы кыймылдаткычына келип тийген. Эч бир жүргүнчү жабыркаган эмес. Деген менен чукул тормоз берилгендиктен учактын дөңгөлөгү жарылган.

"Коопсуздукту камсыздоо үчүн командачы учакты токтотуу чечимин кабыл алган. Аба кемеси кайрадан токтоочу жайына келип конгон", — деген авиакомпаниянын өкүлү.

Авиакомпания Кубага резервдеги учакты жиберген.

151
Белгилер:
Куба, бүркүт, учак
Тема боюнча
Подмосковьеде аскер учагынын кулаганы видеого түшүп калган
Кыргызстандык Айваз Оморканов. Архивдик сүрөт

Кыргызстандык Оморканов эл аралык хоккей федерациясына вице-президент болуп шайланды

12
(жаңыланган 20:49 25.09.2021)
Шайлоо ишемби күнү Санкт-Петербургдагы IIHF конгрессинде өткөн. 68 жаштагы франциялык Люк Тардиф IIHF федерациясынын президенти болсо, кыргызстандык вице-президент болуп шайланды.

БИШКЕК, 25-сен. — Sputnik. Кыргызстандык Айваз Оморканов шайба менен ойнолчу хоккей боюнча эл аралык федерациянын Азия жана Океания боюнча жаңы вице-президенти болуп шайланды. Бул тууралуу РИА Новости жазды.

Шайлоо ишемби күнү Санкт-Петербургдагы IIHF конгрессинде өткөн. 68 жаштагы франциялык Люк Тардиф IIHF федерациясынын президенти болду. Ал уюмду 1994-жылдан бери жетектеп келген Рене Фазелдин ордуна келди.

Посмотреть эту публикацию в Instagram

Публикация от IIHF (@iihfhockey)

Оморканов Азия жана Океания боюнча вице-президент болуп шайланды. Маалымат агенттиги менен маектешкен кыргызстандык спортчу шайлоодо жеңишке жеткени ал үчүн күтүүсүз болгонун билдирген.

"Албетте, бул жеңиш мен үчүн дагы, Рене Фазел менен атаандашым Томас Вуга дагы сюрприз болду. Азия жана Океания боюнча вице-президент болуу мен үчүн сыймык. Тилекке каршы, Азияда хоккей жакшы өнүккөн эмес, мен кызматтык мөөнөтүмдүн соңуна чейин болгон күч аракетимди жумшайм. Өз презентациямда Мартин Лютер Кингдин "Менин кыялым бар" деген кебин өз атымдан эмес, бүткүл Азиянын атынан айттым. Мен элди Азияда эмне болуп жатканына көңүл бурууга чакырып, өзгөрүүлөр керек экенин белгиледи", - деди Оморканов.

Шайлоонун жыйынтыктары окулуп жатканда Фазель жыйындар залындагы кыйкырык үндөн чочуп кеткен. Кийин Оморканов жеңишине болгон кубанычын жашыра албай кыйкырганы маалым болду.

12
Белгилер:
хоккей, шайлоо, президент
Тема боюнча
Сүрөй албасак да сүйө алдык. Спорт державасына айлануунун жолу