Баткен шаары. Архивдик сүрөт

Мамажакыповдун иниси: агамдын өлүмүн Баткен прокурорлору уюштургандай

4317
(жаңыланган 11:59 30.11.2018)
Өткөн жумада киши колдуу болгон Баткен облусунун прокурору Анарбай Мамажакыповдун жана анын өлүмүнө шектүү катары кармалган Мелис Калыковдун туугандары тергөө иштерине нааразы болууда. Алар ошол күнү аңчылыкка чогуу чыккан прокурорлордун да камалышын талап кылып жатышат.

Прокурордун сөөгү 18-ноябрга караган түнү Төрт-Көл суу сактагычына жакын жердеги жолдон табылган. Ага шектүү катары Мелис Калыков аттуу аткаминер кармалган. Милициянын маалыматы боюнча ал Мамажакыповду мергенчилик курал менен атып, андан соң кылмышын жашыруу максатында денесин өрттөп салган

Деген менен шектүүнүн бир тууган эжеси Дариха Калыкова окуя болгон күнү Мамажакыповдун жанында Калыковдон башка дагы беш прокурор жана бир ишкер болгонун белгилеп, алар күнөөнүн баарын инисине шылтап жатканын айтууда. Мындан улам тергөө ачык-айкын өтүшүн көзөмөлдөп беришин сурап президентке, Жогорку Кеңештин төрагасына, акыйкатчыга жана ЖМКларга кайрылды.

"Анарбай Мамажакыпов менен аңчылыкка кошо чыккан прокурорлордун көрсөтмөсү менен менин иним камалды. Ал күнү аңчылыкка маркумдун 2 орун басары, 2 бөлүм башчысы, Баткен районунун прокурору, иним Мелис жана арак заводдо иштеген Баткен районунун прокурорунун досу Эрнис аттуу жигит чыккан. Тоого Мелис досунун автосу, прокурорлор кызматтык унаасы менен эки машинада барышкан", — деди Дариха Калыкова.

Ал ошондой эле аңчылыкты Баткен районунун прокурору уюштурганын жана инисине автоунаа тап деп буйрук бергенин айтып жатат.

"Мелис аңчылыктан келип РИИБ тарапка баратканда, астынан Баткен районунун прокурору кызматтык унаасы менен жолун тосуп, Мамажакыповдун устуканы менен буюмдарын анын машинасынан алган. Кайра иним экөө чогуу кетип арак ичишкен. Райондук прокурор Мелистин айдап жүргөн унаасынын ачкычын өзү менен чогуу алып кеткен. Ошол жерде автоунаасы ачык калган. Бирок Мелис үйүнө кирип баратканда аңчылыкка чыккан прокурорлор милиция кызматкерлери менен келип аны кармаган", — деди ал.

Мелис Калыков Баткен шаардык мэриясынын Капиталдык курулуш башкармалыгынын башчысы болуп иштечү. Эжесинин айтымында, анда прокурорду өлтүрүүгө себеп болгон эмес.

"Баткен милициясынын начальнигинин орун басары Арстан Усанов маалымат жыйында иним айдаган унаа Турмаматов көчөсүндө турганын Баткен районунун прокурору милицияга кабарлаган дейт. Унааны текшергенде, ичинен кандын тактары бар бычак, мылтыктын октору жана эшиктеринде кандын тактары табылды деп жатат. Анда эмнеге экөө арак ичип жатканда кармаган эмес", — деди Калыкова.

Маркум прокурордун иниси Өскөнбай Мамажакыпов да аны менен аңчылыкка чыккандардын баарын камап, анан суракка алууну талап кылууда.

"Аңчылыкка чыккандардын баарынан шектенип жатабыз. Ошол кол алдындагылары көптөн бери даярданган окшойт. Агам 10 күндөй эмгек өргүү алып, баласын үйлөп 12-ноябрда жумушка чыккан. Мындай иш ал жокто атайын уюштурулган болушу мүмкүн. Жетекчиси менен чогуу чыккандан кийин чогуу кайтышы керек эле да. Булар беркиге шылтап жатышат. Болбосо аны менен урушкан күндө деле ажыратып коюшмак да. Эмне үчүн милиция баарын камап алып, анан сурак кылбайт?! Азыр Чоң-Алайдын 2000 тургуну кол коюп, президенттин атына кат жолдодук. Иштин ачык иликтенишин сурайбыз", — деди маркумдун иниси Мамажакыпов.

Ал эми Башкы прокуратуранын маалымат кызматы бул боюнча Ички иликтөө бөлүмү кызматтык териштирүү жүргүзүп жатканын айтты. Аңчылыкка чыккан прокурорлор тергөө иши бүткөнгө чейин кызматтан бошотулган.

Ички иштер министрлиги болсо Мелис Калыковдон башка эч ким кармалбаганын ырастады. Шектүү Ош шаарынын тергөө абагына камалган. Кылмыш иши ИИМдин аймактар аралык башкармалыгы тарабынан иликтенип жатат.

"Алгачкы көрсөтмөлөр боюнча кылмышка Мелис Калыков шектелип жатат. Анткени ал тоодон кайтканда Анарбай Мамажыкыповду унаасына салып кетип, андан ары жаңжалдашкан экен. Ал эми ошол күнү чогуу болгон 5 прокурор жана 1 жергиликтүү ишкер күбө катары көрсөтмө берүүдө. Тергөө аяктаганга чейин алар эч жакка кетпейт. Иш ИИМдин жетекчилигинин көзөмөлүндө, тергөө акыйкат жана таза жүрөт", — деп билдирди ИИМдин маалымат кызматынын жетекчиси Бакыт Сеитов.

Буга чейин Кыйноолорду алдын алуу улуттук борборунун директору Нурдин Сулайманов шектүү катары кармалган Калыковду "милиция кызматкерлери сабап жатат" деген маалымат тараткан. Бирок ИИМ муну четке кагып, анын денесиндеги көгала тактар прокурор менен урушканда калганын айтты

Анарбай Мамажакыпов 43 жашта болчу, Ош облусунун Чоң-Алай районундагы Чак айылында туулган. Артында үч уул, бир кызы калды. Ал Баткен облусунун прокурору болуп 6 ай иштеди. Ага чейин Талас облусунун Ала-Бука районунун прокурору жана Жалал-Абад облусунун прокурорунун орун басары болгон. Прокурордун сөөгү 19-ноябрда Чоң-Алайдын Даарот-Коргон айылында жерге берилди.

4317
Белгилер:
шектүү, прокурор, тергөө, өлүм, аңчылык, Анарбай Мамажакыпов, Баткен
Тема:
Прокурор Анарбай Мамажакыповдун өлүмү (17)
Тема боюнча
Прокурордун өлүмү: облустук прокуратуранын жетекчилиги иштен алынды
Кыргызстанда 12 прокурор жетекчилик ээрден шыпырылып, 37си жазаланды
Күйдүргү менен ооруган мал көмүлгөн жай. Архивдик сүрөт

Оштун Кара-Суусунда сегиз киши күйдүргүгө шектелип ооруканага түштү

236
(жаңыланган 14:05 11.08.2020)
Айыл тургундары август айынын баш ченинде ооруп калган уйду союп, этин бөлүп алышкан. Учурда лабораториялык текшерүү жүргүзүлүп жатат.

БИШКЕК, 11-авг. — Sputnik. Ош облусунун Кара-Суу районундагы Папан айыл өкмөтүнүн сегиз тургуну күйдүргүгө шектелип ооруканага түштү. Маалыматты Sputnik агенттигине айыл өкмөт Курбанбек Мияшев тастыктады.

Анын айтымында, Папандын Тогуз-Булак айылынын тургундары август айынын баш ченинде ооруп калган уйду союп, этин бөлүп алышкан.

"Ылаң малдын этин бөлүп алган үй-бүлө мүчөлөрүнүн жалпы саны 288ди түзгөн. Анын ичинен 208 адам Папан айыл өкмөтүнүн жашоочулары болсо, калганы Катта-Талдык айыл өкмөтүнүн тургундары экендиги аныкталган. Учурда сегиз киши облустук ооруканада дарыланып жатат", — деди Мияшев.

Окуядан кийин райондук ветеринардык инспекцияга кабар берилип, айыл өкмөттүн аймагында дезинфекциялоо иштери жүргүзүлгөн. Ооруган уйдун этин жегендер тиешелүү дары-дармек алышкан.

Облустук оорукананын гепатология бөлүмүнүн дарыгери Курсанали Ташовдун айтымында, бейтаптардын баары эркек кишилер. Эң жашы 17де, улуусу 45 жашта.

"Алардын денесинин ар кайсы бөлүктөрүнө кызыл кара түстөгү жара чыгып, дене табы көтөрүлгөн абалда келген. Баарынан тең күйдүргүгө анализ алынып, лабораторияга жөнөтүлгөн. Жыйынтыгы жакында чыгат. Бейтаптардын баарынын тең колтук бези да чоңоюп кеткендиги аныкталды. Учурда абалдары туруктуу", — деди дарыгер.

Кыргыз жерине апаат алып келген коркунучтуу 8 эпидемия. Видео

Ал эми облустук ветеринардык инспекциянын башчысы Орозбек Ибраевдин айтымында, окуя тууралуу аталган кызматка 2-августта маалымат келип түшкөн. Учурда лабораториялык текшерүү жүргүзүлүп жатат, жыйынтыгы чыга элек.

Ал кошумчалагандай, Папан айыл өкмөтүндөгү мал-жандыктын баары эмдөөдөн өткөрүлүп, иштер дагы уланууда.

236
Белгилер:
оорукана, эт, уй, күйдүргү, Ош
Тема боюнча
7 киши өлдү! Кытай дагы бир кооптуу вирус тарап жатканын айтты
Оор абалдагы бейтап ооруканада. Архивдик сүрөт

Бишкек менен Баткенде. COVID дагы төрт адамдын өмүрүн алып кетти

120
(жаңыланган 11:19 11.08.2020)
Акыркы учурда каза тапкандардын саны азайып келе жатат. Бирок бийлик бул абал толук турукташты дегенди билдирбей турганын эскерткен.

БИШКЕК, 11-авг. — Sputnik. Өлкө боюнча акыркы суткада коронавирустан төрт бейтап каза болду. Бул тууралуу Коомдук саламаттык сактоо башкармалыгынын башчысы Айнура Акматова брифинг учурунда билдирди.

COVID-19га күзүндө кабылгандар дартты оор көтөрүшү мүмкүн. Эксперттин пикири

"COVID-19 илдетинен Бишкекте үч киши жана Баткенде бир бейтап көз жумду", — деди ал.

Мартта пандемия башталгандан бери каза болгондордун жалпы саны 1 478ге жетти.

120
Белгилер:
айыгуу, бейтап, Кыргызстан, өлүм, коронавирус
Тема:
Кыргызстандагы коронавирус жуктуруп алгандар
Тема боюнча
Кош бойлуулар коронавируска кандайча кабылууда? Гинекологдун маеги
Коронавирустун мурда кездешпеген жаңы белгиси табылды. Чикагодогу окуя
Россиялык вакцинаны алган киши. Архивдик сүрөт

Каттоодон өткөн россиялык вакцина жапырт колдонууга качан чыгары айтылды

0
(жаңыланган 15:50 11.08.2020)
Россиянын Саламаттык сактоо министрлиги коронавирусту алдын алуу үчүн дүйнөдөгү биринчи вакцинаны каттады.

БИШКЕК, 11-авг. — Sputnik. Россияда чыгарылган коронавируска каршы күрөшүүчү вакцина 2021-жылдын 1-январынан тартып массалык колдонууга чыгарылат. Бул тууралуу өлкөнүн Саламаттык сактоо министрлигинин дары каражаттарынын мамлекеттик реестринин маалыматына таянып РИА Новости жазды.

Эскерте кетсек, бүгүн аталган министрлик коронавирусту алдын алуу үчүн дүйнөдөгү биринчи вакцинаны каттады. Препарат Гамалея атындагы эпидемиология жана микробиология улуттук илимий изилдөө борбору тарабынан Россиянын түз инвестициялар фонду менен биргеликте иштелип чыккан.

Россияда COVID-19га каршы вакцина алгандар ооруканадан чыкты. Видео

Маалыматта эмдөө алгач медиктерге жасалары айтылат. Иш-чара үстүбүздөгү жылдын сентябрь айында башталып, андан соң массалык түрдө чыгарылат.

0
Белгилер:
сатык, колдонуучу, коронавирус, вакцина, каттоо, Россия
Тема:
Дүйнөгө жайылган коронавирус
Тема боюнча
Путин кызы COVID-19га каршы вакцина алып, өзүн кандай сезип жатканын айтты
Путин Россиянын коронавируска каршы вакцинаны каттагандыгын жарыялады