Мылтык. Архивдик сүрөт

"Иш козгойм" деп коркуткан. Прокурордун өлүмүнө эмне себеп болгону айтылды

2775
(жаңыланган 10:36 30.11.2018)
Облустук прокуратура Мелис Калыков жетектеген Капиталдык курулуш башкармалыгына эки жылдан бери бир нече жолу пландык жана пландык эмес да текшерүү жүрүгүзүп турган.

БИШКЕК, 29-ноя. — Sputnik. Киши колдуу болгон Баткен облусунун прокурору Анарбай Мамажакыпов шектүү Мелис Калыковго процессуалдык чара колдонуудан тарта кылмыш ишин козгоого чейин барам деп коркуткан. Бул тууралуу шектүү милицияга берген көрсөтмөсүндө айтканын Башкы прокуратуранын Ыкчам издөө ишин жана тергөөнү көзөмөлдөө башкармалыгынын жетекчиси Замир Бейшекеев маалымат жыйында билдирди.

Анын айтымында, облустук прокуратура Мелис Калыков жетектеген Капиталдык курулуш башкармалыгына эки жылдан бери бир нече жолу пландык жана пландык эмес да текшерүү жүргүзүп турган.

"Бул аралыкта Капиталдык курулуш башкармалыгына эки кылмыш иши козголуп бири токтотулса, экинчиси сотко өткөн. Мындан сырткары, Калыковдун өзүнө административдик иш козголуп, ушул жылдын 2-мартында соттун чечими менен 10 миң сом айып салынган. Козголгон иштер анын кызматына байланыштуу болгон. Прокурор шектүү Калыковго кылмыш ишин козгойм деп коркутканы анын өлүмүнө себеп болгон", — деди Бейшекеев.

Ошондой эле ал прокурорлор окуядан бир күн мурун Мелис Калыковдун жакындарынын тоюна барып, ошол жерден баары эртеси аңчылыкка чыгууга макулдашканын кошумчалады. Алардын курал колдонууга уруксаты болгону менен аңчылык кылууга уруксат алышпаганын белгиледи.

Бейшекеев Мамажакыповдун кол алдындагылар менен пикир келишпестиги болгон деген маалымат тастыкталбаганын айтууда. Ал иштеген жарым жылдын ичинде эч кимге рапорт берип же жетекчиликке билдирүү жиберген эмес.

Териштирүүнүн натыйжасында облустук прокурордун эки орун басары, эки бөлүм башчысы жана Баткен районунун прокурору, орун басары менен кошо иштен алынды. Буга чейин алар тергөө иштери бүткөнгө чейин кызматтан убактылуу четтетилген болчу. Прокурорлор жетекчисин мас абалында рулга отурган адамдын унаасына салып жибергени боюнча жаза алган.

Эскерте кетсек, прокурор Анарбай Мамажакыповдун сөөгү 18-ноябрга караган түнү Төрт-Көл суу сактагычына жакын жердеги жолдон табылган. Ага шектүү катары Баткен мэриясынын капиталдык курулуш башкармалыгынын жетекчиси Мелис Калыков кармалган. Милициянын маалыматы боюнча ал Мамажакыповду мергенчилик курал менен атып, андан соң кылмышын жашыруу максатында денесин өрттөп салган.

Деген менен шектүүнүн да, маркумдун да туугандары тергөө иштерине нааразы. Алар ошол күнү аңчылыкка чогуу чыккан прокурорлордун да камалышын талап кылып жатышат.

2775
Белгилер:
прокурор, кылмыш, өлүм, Замир Бейшекеев, Анарбай Мамажакыпов, Баткен
Тема:
Прокурор Анарбай Мамажакыповдун өлүмү (17)
Тема боюнча
Баткен прокурорунун денеси кантип өрттөлгөн? Прокуратуранын түшүндүрмөсү
Баткенде прокурордун өлүмүнө шектүүнүн жакындары митингге чыкты
Каза болгон кишинин денесин алып бараткан медиктер. Архивдик сүрөт

COVID менен пневмония бир күндө 48 кыргызстандыктын өмүрүн алды

241
(жаңыланган 11:03 12.07.2020)
Март айынан бери пневмония дарты 423 адамдын өмүрүн алды. Ушул эле аралыкта коронавирустан 132 киши каза болду.

БИШКЕК, 12-июл. — Sputnik. Кыргызстанда бир күндө кооптуу вирустун кесепетинен 48 адам кайтыш болду. Бул туурасында Республикалык штаб билдирди.

Анын ичинен COVID-19 инфекциясынан жети адам көз жумуп, алардын төмөнкү ооруканаларда дарыланып жатканы айтылды:

  • Кыргыз-түрк “Достук” ооруканасында — 37 жана 57 жаштагы эркек киши, 58 жаштагы аял;
  • Республикалык инфекциялык клиникалык ооруканасында — 57 жаштагы аял;
  • Ат-Башы аймактык ооруканасында — 64 жаштагы аял;
  • Жайыл аймактык ооруканасында — 36 жана 52 жаштагы эркек киши.

Ушуну менен өлкөдө коронавирустан көз жумгандарын саны 132 кишини түздү.

COVID жана пневмонияны дарылаган ооруканаларга бирден өкмөт мүчөсү бекиди. Тизме

Ал эми өпкөнү сезгенткен пневмония оорусунан кечээтен бери 41 бейтап ажал тапты.

Каза болгондордун 19у Бишкекте, 22си өлкөнүн башка аймактарында катталды.

Март айынан бери пневмония дарты 423 адамдын өмүрүн алды.

241
Белгилер:
Кыргызстан, өлүм, пневмония, коронавирус
Тема:
Кыргызстандагы коронавирус жуктуруп алгандар
Тема боюнча
10 000ден ашты! Дагы 719 адам коронавирус жуктуруп алды
Чубак ажыны ооруканалар кабыл албай койгонбу? Министрлик үн катты
Кыргызстан Россиянын коронавируска каршы дарысын алууну сүйлөшүүдө
Сууга түшкөн унаа. Архив

Бишкекте микроавтобус ЧЧКга түшүп кетти. Видео

461
(жаңыланган 23:37 11.07.2020)
Кайгуул милициясы окуя болгон жерге чыгып кеткен экипаж автоунааны таппай койгонун белгиледи.

БИШКЕК, 11-июл. — Sputnik. Кайгуул милициясы бүгүн Кара жыгач токоюнда Чоң Чүй каналына түшүп кеткен микроавтобусту издеп жатат. Бул тууралуу аталган органдар билдиришти.

Окуянын видеосу "Короче" Telegram-каналына жүктөлгөн.

Кадрларда Mercedes-Benz Sprinter үлгүсүндөгү микроавтобус каналга түшүп кеткенин көрүүгө болот.

Кайгуул милициянын унаасы айланма жолдо кырсыкка кабылды. Видео

Кайгуул милициясы окуя болгон жерге чыгып кеткен экипаж автоунааны таппай койгонун, мындан улам издөө аракеттери башталганын белгиледи.

Ал эми ӨКМ саат 15.30дарда Үсөнбаев көчөсүнө чакыруу түшкөнүн, автоунааны адамдар өз алдынча суудан чыгарып алганын билдирди. Куткаруучулар иштеген эмес.

461
Белгилер:
милиция, ӨКМ, микроавтобус, Чоң Чүй каналы, жол кырсык
Тема:
2020-жылдын башынан бери Кыргызстанда болгон жол кырсыктар
Тема боюнча
Тез жардам унаасы Бишкектин чок ортосунда кырсыктан ала салды. Видео
 Экс-муфтий Кыргызстана и член Совета улемов Чубак ажы Жалилов

Чубак ажынын санаалаштары: медиктерге доомат жок, колунан келгенин жасашты

0
(жаңыланган 11:56 12.07.2020)
Аалымдын санаалашы Чубак ажы ооруканага келери менен жасалма дем алдыруучу аппаратка кошулуп, дароо реанимацияга жаткырылганын айткан.

БИШКЕК, 12-июл. — Sputnik. Муфтият “дин аалымы Чубак ажы Жалиловду ооруканага кабыл албай койгон жана жасалма дем алдыруучу аппарат жетпей калды” деп социалдык тармактарда айтылып жаткан кеп боюнча билдирүү таратты.

Маалыматта Чубак ажы ооруп жаткан учурда анын жанында жакын санаалаштары Асан ажы Сыргабаев менен Замир Абытов болгону айтылат. 

“Асан ажынын айтуусунда, медицина кызматкерлери аалымдын өмүрүн сактап калууга болгон аракетин жумшаган. Тилекке каршы, ал эки тараптуу пневмонияга кабылып өз ажалынан акка моюн сунган”, — деп жазылат маалыматта.

Апасынын жанына коюлду. Чубак ажынын сөөгү жерге берилди. Сүрөт, видео

Ошондой эле ал Чубак ажы Жалиловду оор абалда түнкү саат 12:00гө жакын Бишкектеги Улуттук госпиталдын нейрохирургия бөлүмүнө алып келишкенин билдирген.   

“Ал жерде бөлүмдүн кызматкерлери күтүп турушкан экен. Жасалма дем алдыруучу аппарат менен жардам беришип, дароо реанимацияга алып кирип кетишкен. Дин аалымынын өмүрүн сактоодо тийиштүү медициналык чаралар көрүлдү. Бул жерде дарыгерлер тарабынан күттүрүү болгон эмес. Медицина кызматкерлерине эч кандай нааразычылыгыбыз жана дооматыбыз жок. Атайын палата дагы даярдалыптыр. Чубак ажы ажалынан каза болгон соң дарыгерлер анын өмүрүн сактап кала алышкан эмес”, — деп айткан Асан ажы Сыргабаев.

Мончодон чыкса деле киши кирдейт. Чубак ажынын учкул сөздөрү

Белгилей кетсек, Саламаттык сактоо министрлиги Чубак ажы Жалиловго эки тараптуу пневмониянын оор түрү деген диагноз коюлганын билдирген. Маркум кант диабети менен да жабыркап келген. Тилекке каршы, реанимациялык аракеттерге карабастан 11-июлга караган түнү саат 2.50дө көз жумган. Ал эми оорукана кабыл албай койгон деген билдирүү чындыкка дал келбей турганын маалымдаган.

Белгилүү дин аалымы, мурдагы муфтий Чубак ажы Жалиловдун сөөгү кечээ, 11-июлда, кичи мекени Базар-Коргон районунун Бай-Мундуз айылында жерге берилди

0
Белгилер:
пневмония, доомат, оорукана, муфтият, Чубак ажы Жалилов
Тема:
Чубак ажынын каза болушу
Тема боюнча
Апасынан айрылган кыз: "Гансиде" ачылды делген реанимациялык блок иштеген жок
Абалы кескин начарлап кеткен. Чыныбай Турсунбеков реанимацияда үзүлгөн
Чубак ажы өмүрүн элдин руханий жактан оңолуусуна арнады. Муфтийдин билдирүүсү