Ыйлаган кыз. Архивдик сүрөт

Карындашынын жылаңач сүрөтүн интернеттен көрүп... Ноябрдагы чуулуу окуялар

4954
(жаңыланган 10:21 02.12.2018)
Тизмеге бир тууган агасын өлтүрүп, сөөгүн өрттөп жиберген келин, окуучу кызды зордуктаган эргул менен интернет аркылуу чечинип эркектерге төшөк кызматын көрсөтүүнү уюштурган студенттер да кирди.

Sputnik Кыргызстан агенттиги ноябрь айындагы айрым соттук чечимдерди сунуштайт.

Вебкам уюштурган студенттер

17 жаштагы кыздын телефонуна жогору маяна сунуштаган жумуш жөнүндө билдирүү келет. Бийкеч баарлашууга барып, интернет аркылуу чечинип эркектерге төшөк кызматын көрсөткөн модель болууга макул болуп иштей баштаган. Күндөрдүн биринде бир тууган агасы карындашынын жарым жылаңач сүрөтүн интернет айдыңынан көрүп калат. Шак эле укук коргоо кызматкерлерине кайрылып, милиционерлер мыйзамсыз ишти 20 жаштагы студент кыз менен эркек бала уюштургандыгын аныктаган. Алардын ар бири 30 миң сомдон айып төлөмөй болушту.

Жип талашкан эже-сиңдилер

Жаш кыз тууганынан уруксат сурабай үйүнөн жип алган. Ошонун айынан эже-сиңдинин ортосунда мушташ чыгып, үй кожейкеси мейман болуп келген кыздан таяк жеген. Жеңил жаракат алып, денеси көгала болгон жабырлануучуга айыпкер кыз 5000 сом төлөйт.

Чоң муштум өгөй ата

26 жаштагы эркек үйгө мас болуп келип 10 жаштагы өгөй кызын катуу сабаган. Эргул кичинекейди канжалата уруп, денесин көгала болгуча муштагылаган. Эми ал чоң муштум "ата" бир жыл өмүрүн темир тор артында өткөрмөй болду. Иликтөөнүн жүрүшүндө эркек мындай зомбулугун буга чейин да жасап келгени аныкталган.

Көчөдөгү кандуу мушташ

Кампада иштеген эки жумушчу көчөдөн катуу үндү угуп сыртка чыга калса, бир киши эркекти лом менен ургулап жатканын көрүшөт. Таяк жеп жаткан адамга жардам бергени барганда жабырлануучу бир топ эле жаракат алганы белгилүү болгон. Кийин алардын мушташына ортодо чыккан айтышуу себеп болгону аныкталды. Катуу таяк жеген эркек тез жардам унаасында көз жумган. Ал эми анын өмүрүнө забын болгон 27 жаштагы тургун 18 жылын эми абакта өткөрөт.

Зордуктап, элге жаям деп коркутуп…

Түн ортосунда өспүрүм кызды телефон менен көчөгө чакырып чыгып, анан аны эски үйгө алып барып зордуктаган жигит болгон окуяны айылдагыларга айтам деп коркутат. Кыз өз жанын кыюуга аракет кылганы жатканда ата-энеси билип калып, кылмышкерди милиция колго түшүргөн. Ал териштирүү маалында жабырлануучу менен буга чейин деле жакын мамиледе жүргөнүн билдирген. Сот аны 15 жылга эркинен ажыратты.

Бир тууган агасын өлтүргөн келин

Буга чейин бир жолу соттолгон аял бир тууган агасы менен жакында эле каза болуп калган инисинин үй-бүлөсүнө үйдү өткөрүп берүүнү сүйлөшүп отуруп тил табыша албай уруша кеткен. Аягында мыкаачылык менен өлтүрүп, сөөгүн өрттөп жиберген. Окуя болгон соң келин маркумдун унаасын Бишкекке айдап келип сатууга аракет кылган. Ойлогону ишке ашпай калгандыктан күйөөсү жана кичүү баласы үчөө Казакстанга качып кетишкен. Териштирүү маалында ал кылганын мойнуна алып, кокусунан өлтүрүп алганын айткан. Агасынын өмүрүнө забын болгон аял эми 22 жылын темир тор артында өткөрөт.

Айылдашына ок атып

26 жаштагы жигит тогуз жаштагы баланы пневматикалык мылтыгы менен көзгө атып алган. Каргаша кокустуктан болгонун айткан адам кылганын жарым-жартылай моюндады. Ал эми баланын оң көзү көрбөй калып, ок баш сөөгүндө калып калган. Куралдын ээси үч жылга шарттуу кесилди.

4954
Белгилер:
шектүү, сот, кылмыш, Кыргызстан
Тема боюнча
Мамажакыповдун өлүмү. Чогуу жүргөн прокурорлор кылмыш маалында кайда болгон
Бурулайдын өлүмү боюнча сот отурумунда мушташ чыкты. Видео
Автоунаа жол кырсыктан кийин. Архив

Ысык-Көлдө унаа бакты сүзүп, бир аял каза тапты. Жеринен тартылган сүрөт

62
(жаңыланган 13:28 25.01.2021)
Mercedes-Benz Sprinter жолдон чыгып кетип бакты сүзгөн. Унаа ичинде айдоочу жана 17 жүргүнчү болгон.

БИШКЕК, 25-янв. — Sputnik. Кечээ, 24-январда, Ысык-Көл облусунда адам өмүрүн алган жол кырсыгы катталды. Бул тууралуу облустук милициядан билдиришти.

Mercedes-Benz Sprinter съехал с дороги и врезался в дерево на автодороге Каракол — Бишкек, недалеко от села Курмонту Тюпского района. 24 января 2021 года
© Sputnik
Кечээ, 24-январда, Ысык-Көл облусунда адам өмүрүн алган жол кырсыгы катталды. Бул тууралуу облустук милициядан билдиришти

Жол кырсыгы Каракол — Бишкек унаа жолунда, Түп районундагы Күрмөнтү айылынан анча алыс эмес жерде болгон.

"Mercedes-Benz Sprinter жолдон чыгып кетип бакты сүзгөн. Анын ичинде айдоочу жана 17 жүргүнчү болгон. Кырсыктын кесепетинен бир аял көз жумду”, — деп айтылат маалыматта.

Жаракат алган жети киши тийиштүү жардам алып жатат. Алардын арасындагы алты жаштагы бала реанимацияда болсо, калгандары палатада.

62
Белгилер:
жол кырсык, Ысык-Көл
Тема:
2021-жылдын башынан бери Кыргызстанда болгон жол кырсыктар
Тема боюнча
Анжелика менен кызы реанимацияда. Кичүү кызына бүгүн операция жасалат
Курулуш иштери. Архив

Алайда спорт зал менен ашкана курууда акча уурдалып, курулуш токтоп калган

26
(жаңыланган 13:15 25.01.2021)
Орто мектептин спорт залы менен ашканасын куруу үчүн мамлекет тарабынан өз убагында акча бөлүнүп берилсе да, 5 жылдан бери курулуш иши бүтпөй жатканы аныкталган.

БИШКЕК, 25-янв. — Sputnik. Алай районунун Сары-Могол айылында жайгашкан орто мектепке спорт зал жана ашкана куруу үчүн мамлекеттен бөлүнгөн акчанын бир бөлүгү уурдалып кеткен. Бул туурасында Башкы прокуратурадан билдиришти.

Маалыматка ылайык, курулуш иштерин баштоо үчүн 2015-жылы тендер өткөрүлүп, жеңүүчү компанияга 24 млн. 202 миң 850 сом алдын ала төлөнгөн.

"Ош облустук капиталдык курулуш башкармалыгы тарабынан жеңүүчү компанияга акча каражаты толугу менен которулуп, бирок 5 жылдан бери аталган орто мектептин спорт залын жана ашканасын куруу иштери токтоп калган. Натыйжада мамлекетке 6 млн. 382 миң 225 сомдук материалдык зыян келтирилген", — деп жазылат маалыматта.

Текшерүүнүн жыйынтыгында райондук прокуратура тарабынан аталган факт боюнча Жазык кодексинин 320-беренесинин 2-бөлүмү ("Кызмат абалынан кыянаттык менен пайдалануу") менен сотко чейинки өндүрүш иши башталган.

26
Белгилер:
Алай району, прокуратура, курулуш, мектеп
Тема боюнча
Финпол: Балыкчыга камера орнотууда 3 млн. сом сол чөнтөккө солонгон

Коронавирустун "британиялык" штаммынын алгачкы сүрөтү алынды

0
(жаңыланган 13:49 25.01.2021)
Микроскоптун жардамы менен алынган вирустун сүрөтү жаңы штаммдын өзгөчөлүктөрүн изилдөө үчүн тартылып алынды.

БИШКЕК, 25-янв. — Sputnik. Роспотребнадзордун окумуштуулары алгычкы ирет микроскоптун жардамы менен коронавирустун жаңы, "британиялык" штаммынын сүрөтүн тартып алды.

"Роспотребнадзордун "Вектор" илимий борбору дүйнөдө алгачкылардан болуп 2020-жылдын декабрында бейтаптан алынган коронавирустун "британиялык" штаммын сүрөткө тартып алды. Микроскоптун жардамы менен алынган вирустун сүрөтү жаңы коронавирустун өзгөчөлүгүн изилдөө үчүн тартылды. Эми анын структурасы, эксперименталдык моделдери изилденет ", — деп айтылат маалыматта.
Первое изображение британского штамма нового коронавируса
Роспотребнадзордун окумуштуулары алгычкы ирет микроскоптун жардамы менен коронавирустун жаңы, "британиялык" штаммынын сүрөтүн тартып алды

Роспотребнадзордун институттары тарабынан иштелип чыгып, Россияда катталган ПЦР-тесттер вирустун британиялык вариантын ишенимдүү аныктай алары белгиленет. Ал эми мекеменин Борбордук эпидемиология илим-изилдөө институтунун тест-системасы вирусту мутант эмес формалардан айырмалоого жөндөмдүү.

"Коронавирустун "британиялык" штаммына мүнөздүү мутациялар вирустагы протеиндин консервацияланган бөлүкчөсүнө таандык пептиддик антигендерди камтыган "ЭпиВакКорона" вакцинасынын натыйжалуулугуна таасирин тийгизбейт", — деп айтылат билдирүүдө.

Декабрь айынын орто ченинде Улуу Британияда SARS-CoV-2 илдетинин жаңы мутациясын табышкан. Кийинчерээк ал тездик менен тарап жатканы, буга чейинки вируска караганда жугуштуулугу 70 пайызга тез экени маалым болгон. Деген менен адам өлүмү көп катталган учур жок.

0
Белгилер:
Роспотребнадзор, коронавирус, изилдөө, Сүрөт
Тема:
Дүйнөгө жайылган коронавирус
Тема боюнча
Коркуу, тынчсыздануу коронавируска кабылуунун себептеринин бири экени айтылды
Пандемия учурунда балалуу болобуз дегендерге адистин кеңеши